#Округ_матбуот_маркази

Округ комиссияси йиғилишида муҳим масалалар муҳокама этилди

Ўзбекистон Республикаси Президенти сайловини ўтказувчи 9–Сурхондарё округ сайлов комиссиясининг навбатдаги йиғилиши бўлиб ўтди.

Комиссия раиси А.Хўжақулов бошқариб борган йиғилишда вилоят ИИБ миграция ва фуқароликни расмийлаштириш бошқармаси, Рақамли технологиялар вазирлиги вилоят ҳудудий шуъбаси бошлиқлари ва Давлат кадастрлар палатаси вилоят бошқармаси бошлиғи ўринбосарининг Президент сайловига кўрилаётган тайёргарлик ишлари юзасидан ҳисоботи тингланди.

Йиғилишда шунингдек, “Сайлов блюттенларини давлат тили ва округ аҳолисининг кўпчилиги сўзлашадиган тилларда чоп этиш тўғрисида”ги, “Участка сайлов комиссиялари раиси ўринбосари, котиблари, ва аъзоларини сайловга тайёргарлик кўриш ва уни ўтказиш даврида ишлаб чиқариш ёки хизмат вазифаларини бажаришдан озод этиш тўғрисида”ги масалалар ҳам муҳокама этилди.

Кўрилган барча масалалар юзасидан тегишли қарорлар қабул қилинди.

🌐 https://t.me/AOKA_Surxondaryo

Бугун вилоят ҳокими Термиз шаҳридаги 7 та – “Боғзор”, “Маърифат”, “Дўстлик”, “Шодлик”, “Наврўз”, "Жайҳун" ва “А.Авлоний” маҳаллаларида бўлиб, уларнинг замонавий шаҳарсозлик қиёфасини яратиш, яшил ҳудудларни барпо этиш, автотураргоҳлар ташкил этиш каби ишларнинг боришини кўздан кечирди.

Зарур маблағ ажратилган бўлсада айрим ҳудудларда ишлар ҳамон бошланмаганлиги, баъзиларида ишлар тизимли йўлга қўйилмаганлиги, хусусан, аввал чиқиндилар олиб чиқилмасдан, қурилиш учун ер текислаш ва тупроқ ишлари якунланмасдан кўп қаватли уйларнинг фасад қисмини бўяшга киришилганлиги танқид қилинди.

Улуғбек Қосимов вилоят маркази обод ва кўркам манзилга айланмагунча мутасаддилар хотиржамликка берилмаслиги, бу ишга совуққонлик билан қараладиган бўлса, тегишли тартибда чора кўрилишини таъкидлади. Шаҳар масъуллари ҳамда масъул этиб бириктирилган вилоят ташкилотлари раҳбарларига аниқланган камчиликларни бартараф этиш юзасидан топшириқлар берилди.

Термиз шаҳар ҳокимлиги Ахборот хизмати.

Термиз шаҳри ва Термиз туманида топшириқлар ижроси ўрганилди

Вилоят ҳокими Улуғбек Қосимов сектор раҳбарлари билан бирга Термиз шаҳри ва Термиз туманидаги автомобиль йўллари ва кўчалар бўйлаб ободонлаштириш ишларининг бориши, яшил ҳудудларни кенгайтириш ва гул кўчатлари экиш жараёнлари билан танишди.

Термиз шаҳри ва Термиз тумани ҳокимлари олиб борилаётган ишлар ва берилган топшириқлар ижроси юзасидан манзилларда ахборот беришди. Мутасаддиларга ишларни изчил давом эттириш, ҳар кунлик белгилаб берилган топшириқларга асосан ишларни босқичма-босқич амалга ошириб бориш топширилди.

Термиз шаҳар ҳокимлиги Ахборот хизмати.