#ኢትዮጵያ

ጤፍን ጨምሮ በሌሎች የግብርና ግብዓት ምርቶች ላይ የተጨማሪ እሴት ታክስ ነፃ መሆናቸውን የሚወስነዉ መመሪያዉ ተግባራዊ መደረግ እንደጀመረ ካፒታል ጋዜጣ ዘግቧል።

የገንዘብ ሚኒስቴር በአገር ውስጥ የሚመረቱ እና ከውጭ አገር የሚገቡ እቃዎች እንዲሁም በአገር ውስጥ የሚሰጡ አገልግሎቶች ከተጨማሪ እሴት ታክስ ነጻ መሆናቸውን አረጋግጧል።

ከሰኔ 13 ቀን 2016 ዓ.ም. ጀምሮ ተግባራዊ መደረግ በተጀመረው በዚህ መመሪያ ዉስጥ የእህልና ጥሬጥሬ ፣ የግብርና ምርቶች እና የበሰሉ ወይም የተዘጋጁ ምግቦች / መጠጦች ይገኙበታል ።

በዚህ ከተጨማሪ እሴት ታክስ ነጻ የሚሆኑ እቃዎችን ለመወሰን በወጣው መመሪያ ዝቅተኛ ገቢ ያለው የህብረተሰብ ክፍል መሰረታዊ የሆኑ የምግብ አቅርቦቶችን ከተጨማሪ እሴት ታክስ ነጻ ሆኖ እንዲገዛ ማድረግ የወጪ ጫናውን በማርገብ ረገድ ጠቀሜታ አለው ተብሏል።

ከተጨማሪ እሴት ታክስ ነፃ ከተደረጉት መካከል ፦
➡️ ጤፍ፣
➡️ ስንዴ፣
➡️ ገብስ ፣
➡️ ማዳበሪያ ፣
➡️ የእንስሳት መድሃኒት እንዲሁም በካፒታል ሊዝ ስምምነት የሚቀርብ የካፒታል ዕቃዎች ይገኙበታል።

መረጃው የካፒታል ጋዜጣ ነው።

ቴዘርን የመኪና መቆጣጠሪያ GPS ሲያስገጥሙ የ5 ዓመት ዋስትና እንሰጣለን!
ለበለጠ መረጃ +251906550011
መተግበሪያውንም አውርደው ይሞክሩ !
https://tinyurl.com/tethereth

ሰሞኑን በመዲናዋ የተከሰተው የነዳጅ እጥረት በመጪዎቹ ሁለት ቀናት ይፈታል - የነዳጅ አቅራቢ ድርጅት

#Ethiopia | ከሰሞኑ በአዲስ አበባ የነዳጅ እጥረት መከሰቱን ተከትሎ በአንዳንድ የከተማዋ የነዳጅ ማደያ ስፍራዎች ላይ ረዣዥም ሰልፎች መበራከታቸው እና ይህን ተከትሎም በከተማዋ የትራንስፖርት ፍሰት ላይ አሉታዊ ተፅዕኖ ማስከተሉ ተስተውሏል፡፡

ይህን አስመልክቶ ኢቢሲ ሳይበር ሰሞኑን በአዲስ አበባ ያጋጠመው የነዳጅ እጥረት በምን ምክንያት ሊከሰት ቻለ በሚል የኢትዮጵያ ነዳጅ አቅራቢ ድርጅት ዋና ስራ አስፈፃሚን ጠይቋል፡፡

የኢትዮጵያ ነዳጅ አቅራቢ ድርጅት ዋና ስራ አስፈፃሚ እስመለዓለም ምህረቱ ጉዳዩን አስመልክቶ በሰጡት ማብራሪያ፤ የነዳጅ እጥረቱ በከተማዋ ሊከሰት መቻሉን አረጋግጠው፤ አሁን እየተሰሩ ባሉ ስራዎች በአዲስ አበባ የተፈጠረው የነዳጅ እጥረት በመጪዎቹ ሁለት ቀናት እንደሚፈታ ገልፀዋል፡፡

የነዳጅ እጥረቱ ለምን ሊከሰት ቻለ ለሚለው ጥያቄም በሰጡት ምላሽ፤ በበዓል ምክንያት ለሁለት ቀናት ከጂቡቲ ነዳጅ ባለመጫኑ የጭነት ስራው ላይ ክፍተት እንዲኖር ማድረጉን ተናግረዋል፡፡

አንድ የነዳጅ አቅራቢ ድርጅት በአግባቡ የጭነት ስራውን ባለማከናወኑ የተነሳ ለእጥረቱ መከሰት ሌላኛው ምክንያት መሆኑንም ገልፀዋል፡፡

አሁን ላይ ነዳጅ የመጫን ስራው በአግባቡ እየተሰራ መሆኑን የጠቀሱት ስራ አስፈጻሚው፤ ከጅቡቲ፣ ከሱሉልታ እና ከአዋሽ ዴፖ እየወጣ ያለው ጭነት እጥረቱን ያረጋጋዋል ሲሉም አክለዋል፡፡

የነዳጅ የማጓጓዝ ሂደት አምስትና ስድስት ቀናት የሚወስድ መሆኑን ገልጸው፤ አሁን የሚስተዋ ነዉ ፡፡

ቴዘርን ,የመኪና መቆጣጠሪያ GPS ሲያስገጥሙ የ5 ዓመት ዋስትና እንሰጣለን!
ለበለጠ መረጃ +251906550011
መተግበሪያውንም አውርደው ይሞክሩ !
https://tinyurl.com/tethereth

ለአሽከርካሪዎች - የሚዘጉ መንገዶች!..

#Ethiopia | አዲስ አበባ ከተማን እንደስሟ ዉብና ምቹ ለማድረግ የከተማ አስተዳደሩ እያከናወናቸው ካሉት ዘርፈ ብዙ ተግባራት መካከል አንዱ የኮሪደር ልማት ስራ ነው።

በመሆኑም ይህንን ስራ በአጭር ጊዜ አጠናቆ የትራፊክ እንቅስቃሴውን ምቹ ለማድረግና እንግልትን ለማሳጠር ሲባል
ከመገናኛ _ ቦሌ የሚወስደው መንገድ ከሃያት ሆስፒታል በኋላ ከነገ ሰኔ 22/2016 ዓ.ም ጀምሮ ላልተወሰኑ ቀናት ከጠዋቱ 12 ሰዓት -መሉ ቀንና ምሽትን ጨምሮ ለማንኛውም አይነት ተሽከርካሪ ዝግ መሆኑን እናሳውቃለን።

አሽከርካሪዎቾም ይህንኑ ተገንዝባችሁ ሆስፒታሉ ጋር ከመድረሳችሁ በፊት እና ሆስፒታሉ አጠገብ ያሉትን ቀኝ መታጠፊያዎችን በአማራጭነት እንድትጠቀሙ በአክብሮት እንጠይቃለን::

በዚሁ አጋጣሚ የከተማዋ ነዋሪዎች በልማት ስራው ምክነያት እየተፈጠሩ ላሉ ጊዜያዊ እንግልቶች ላሳያችሁት ትእግስትና ትብብር ከልብ እናመሠግናለን።

የአ/አ ትራፊክ ማኔጅመንት ባለስልጣን


*******

ቴዘርን የመኪና መቆጣጠሪያ GPS ሲያስገጥሙ የ5 ዓመት ዋስትና እንሰጣለን!
ለበለጠ መረጃ +251906550011
መተግበሪያውንም አውርደው ይሞክሩ !
https://tinyurl.com/tethereth