#хош_хабар #мағлыўмат

9-ИЮЛЬ – МҮБӘРЕК ҚУРБАН ҲАЙЫТЫ

Мыср Араб Республикасы "Дарул ифта" Пәтиўа комиссиясы сондай-ақ, Өзбекстан мусылманлары басқармасы пәтиўа орайының хабар бериўинше Зулҳижжа айының биринши күни 2022-жыл 30-июнь күнине туўра келди. Сол мүнасибет пенен Саудия Арабстанында уллы ҳаж ибадатын орынлаў ушын барған дүнья жүзи мусылманлары қатарында 11мыңға жақын ўатанласларымыз да 8-июль күни Арафатта жәмленеди ҳәм 9-июль күни қурбанлықларын сойып қурбан ҳайытын белгилейди.

Демек, буннан келип шығады:

8-июль – жума, Арафа күни
9-июль – шемби, Қурбан ҳайыты байрамы;
10-июль – екшемби, ташриқ күнлери;
11-июль – дүйшемби, ташриқ күнлери;
12-июль – сийшенби, ташриқ күнлери;

👇👇👇👇👇👇👇👇👇👇👇👇👇

Бизди социаллық тармақларда бақлап барың!

👉 Телеграм| Facebook| Instagram| Youtube

👉 Интернет сайтымыз: paziylet.uz

#хош_хабар

«НОҒАЙ ИЙШАН» МЕШИТИНИҢ БИРИНШИ ГЕРБИШИ ҚОЙЫЛДЫ

Бүгин Қарақалпақстан мусылманлары қазыяты қазысы Ш.Бауатдинов республикамыздың Әмиўдәрья районында хызмет сапарында болды. Сапар даўамында райондағы диний тараўда алып барылып атырған жумыслар менен жақыннан танысты, халық пенен ушырасты ҳәм Әмиўдәрья районындағы мешит хызметкерлери менен алдағы жумыслар ҳаққында келисип алынды ҳәм кѳрсетпелер берди.
Әмиўдәрья районындағы «Чайкўл» аўыл пуқаралары жыйыны аймағындағы «Ноғай ийшан» мешитиниң имараты тозыўы жетип, тийисли шѳлкемлердиң руўхсаты менен қайта қурыў жумыслары басланған еди. Мине бүгин усы мешиттиң биринши гербишин қойыў мәсесими болды. Онда Қарақалпақстан мусылманлары қазыяты қазысы Ш.Бауатдинов қатнасып, мешитиң биринши гербишин қойды ҳәм мешит қурылысының, оны абат етиўдиң қаншелли саўаплы әмел екенлиги ҳаққында айтып ѳтти ҳәм қурылыс жумысларына жақыннан жәрдем берген инсанларға, қурылысшыларға Қарақалпақстан мусылманлары қазыяты ҳәм ѳзиниң атынан миннетдаршылық билдирди.

https://t.me/paziyletuz