#ጨረቃን
#ዲጄ_ሮፍናን
ለፍጥረት ሁሉ ፥ ይመሻል፤
ለውበትሽ ፥ ያኔ ይነጋል፤
ታምሪያለሽ ልክ ፥ ሌቱ ሲጀምር፤
እንደውቧ ፥ እንደጨረቃ፤
ሲመሽ ነው ፥ መልክሽ ሚፈካው፤
እጅ ነሳው ፥ አልኳት አደርሽ እንደምን፤
ሚያበራልሽ ፥ አትፈልጊም፤
በሌላ ብርሀን ፥ አትፈኪም፤
ቁንጅናሽ የራስሽ ነው ፥ አንቺ አትለኪም፤
ያ ውበትሽን ፥ እንዳገኘው፤
በመሸ ብዬ ፥ ተመኘው፤
ጀምበሪቱ ውረጂ ፥ ስል ተገኘው።
ሲመሻሽ ፥ ትደምቂያለሽ፤
ጨረቃን ፥ ትመስይኛለሽ፤
ሲመሻሽ ፥ ታምሪያለሽ፤
ጨረቃን ፥ ትመስይኛለሽ።
እኔ ፥ ሱሰኛሽ፤
ያንቺ ፥ ምርኮኛሽ፤
ከቡስካው በስተጀርባ ፥ ላየው ውበትሽን፤
ፀሀይ ፀሀይ ፥ እንድትወርድ [አስመኘሽኝ፤]፪*
ኢቫንጋዲው ምሽት ላይ ፥ ጨዋታ አልምደሽኝ፤
ፀሀይ ፀሀይ ፥ እንድትወርድ [አስመኘሽኝ።]፪*
ሲመሻሽ ፥ ትደምቂያለሽ፤
ጨረቃን ፥ ትመስይኛለሽ፤
ሲመሻሽ ፥ ታምሪያለሽ፤
ጨረቃን ፥ ትመስይኛለሽ።

Shear to your best friend for more lyrics
@ethiopian_music_lyrics