የኢትዮጵያ አየር መንገድ ታላቁን የረመዳን ፆም ምክንያት በማድረግ በኢትዮጵያ ስካይ ላይት ሆቴል የኢፍጣር መርሐግብር አካሄደ።

በኢፍጣር መርሐግብሩ ላይ የተከበሩ ሼህ አብዱልአዚዝ አብዱልወሌ የኢትዮጵያ እስልምና ጉዳዮች ምክር ቤት ምክትል ፕሬዝደንት ፣ የተከበሩ ዶ/ር ሼህ ሱልጣን አማን ኤባ የአዲስ አበባ ከተማ እስልምና ጉዳዮች ከፍተኛ ምክር ቤት ፕሬዝደንት፣ ሚኒስትሮች፣ አምባሳደሮች፣ የኢትዮጵያ አየር መንገድ የንግድ ዘርፍ ዋና ሀላፊ አቶ ለማ ያዴቻ ፣ የአየር መንገዱ አመራር አባላት እና ጥሪ የተደረገላቸው እንግዶች ተገኝተዋል።

የኢትዮጵያ አየር መንገድ በየዓመቱ የኢፍጣር መርሀግብር ከማዘጋጀት ባሻገር በርካታ በረራዎችንና ሰራተኞችን በመመደብ የሀጅ ተጓዦችን ወደ ሳዑዲ አረቢያ በማጓጓዝ፣ለሐጅ ተጓዦች ብቻ የሚውል መስገጃና ማረፊያ ያለው ተርሚናል ማዘጋጀት፣በኢትዮጵያ አየር መንገድ ፋውንዴሽን በኩል በተለያዩ ጊዜያትና ሁኔታ በመንገደኞች የተረሱ ሃይማኖታዊ መጻሕፍትን ለኢትዮጵያ እስልምና ጉዳዮች ጠቅላይ ምክር ቤት በክብር በማስረከብ እና በተለያዩ ተያያዥ አገልግሎቶች ሀገራዊ ሀላፊነቱን አቅም በፈቀደ መጠን ሲወጣ ቆይቷል።

#የኢትዮጵያአየርመንገድ

አዲስ የግንኙነት ምዕራፍ! የኢትዮጵያ አየር መንገድ እና ኢታሃድ ኤርዌይስ የአየር ትራንስፖርት ትስስርን ለማጠናከር የሚያስችላቸውን የጋራ ስምምነት ተፈራርመዋል።
ይህ ስትራቴጂያዊ ስምምነት ለደንበኞች የተቀላጠፈ የበረራ አማራጭ ለማቅረብ በሁለቱ አየር መንገዶች መካከል “የኮድ ሼር” አገልግሎት እና በአዲስ አበባ እና አቡዳቢ መካከል የበረራ አገልግሎት መጀመርን ያካተተ ነው። በዚህም መሰረት የኢትዮጵያ አየር መንገድ ከሀምሌ 8 ቀን 2017 ጀምሮ ከአዲስ አበባ አቡዳቢ እንዲሁም ኢታሃድ አየር መንገድ ከመስከረም 21 ቀን 2018 ዓ.ም ጀምሮ ከአቡዳቢ አዲስ አበባ ቀጥታ የበራራ አገልግሎት የሚጀምሩ ይሆናል።
በስምምነት መርሐግብሩ ላይ የኢትዮጵያ አየር መንገድ ግሩፕ የቦርድ ሰብሳቢ ክቡር ሌ/ጀነራል ይልማ መርዳሳ እና የኢቲሀድ ኤርዌይስ ቦርድ ሰብሳቢ ክቡር ሞሀመድ አሊን ጨምሮ የሁለቱም አየር መንገዶች ከፍተኛ የስራ ሀላፊዎች `የተገኙ ሲሆን ስምምነቱን በኢትዮጵያ አየር መንገድ በኩል የኢትዮጵያ አየር መንገድ ግሩፕ ዋና ስራ አስፈፃሚ አቶ መስፍን ጣሰው እንዲሁም በኢትሀድ ኤርዌይስ በኩል የአየር መንገዱ ዋና ስራ አስፈፃሚ አንቶላዶ ኔቬስ ፈርመዋል። ለተጨማሪ ንባብ ሊንኩን ይጫኑ። https://corporate.ethiopianairlines.com/Press-release-open-page/ethiopian-airlines-and-etihad-launch-strategic-joint-venture-and-new-flights-between-addis-ababa-and-abu-dhabi
#የኢትዮጵያአየርመንገድ