የኢትዮጵያ አየር መንገድ ካርጎና ሎጂስቲክስ አገልግሎት በቻይና ዢያሜን እና በብራዚል ሳኦፖሎ መካከል እየሰጠ ያለውን የዕቃ ጭነት አገልግሎት ሁለተኛ ዓመት አከበረ። ይህ በሁለቱ ከተሞች መካከል በሚደረገው የዕቃ ጭነት አገልግሎት የኢትዮጵያ አየር መንገድ የሁለቱን አህጉራት ንግድ ትስስር ይበልጥ ያጠናከረ ሲሆን እስካሁን በሁለት ዓመታት ውስጥ በተደረጉ 474 በረራዎች ወደ 33,226 ቶን ያህል የዕቃ ጭነት ማጓጓዝ ተችሏል።
የኢትዮጵያ አየር መንገድ ካርጎና ሎጂስቲክስ አገልግሎት እየሰጠ ባለው አስተማማኝ እና ቀልጣፋ የኢ-ኮሜርስ አገልግሎት አለም ዓቀፍ የዕቃ ጭነት አገልግሎት ላይ የላቀ አስተዋፅዖ እያበረከተ ይገኛል።
#የኢትዮጵያአየርመንገድ

በኢትዮጵያ አየር መንገድ ይብረሩ ፤ ከ140 በላይ መዳረሻዎቻችን የማይረሱ ትዝታዎችን ያሳልፉ! ለስራ አሊያም ለመዝናናት የሚመርጧቸው መዳረሻዎቻችንን ያጋሩን።
#የኢትዮጵያአየርመንገድ

ሁሉም ጉዞ ልዩ የሚያደርገው የራሱ ማስታወሻ አለው። ቀጣዩ ጉዞዎን ከእኛ ጋር በማድረግ አዲስ ትውስታን ይፍጠሩ።
#የኢትዮጵያአየርመንገድ

በአስደናቂ የተፈጥሮ ውበቷ እና በመዝናኛ ስፍራዎቿ ወደምትታወቀው ሀዋሳ ከተማ ከኢትዮጵያ አየር መንገድ ጋር የማይረሳ ጉዞ ያድርጉ!

#የኢትዮጵያአየርመንገድ

የዩናይትድ ኪንግደም ምክትል ጠቅላይ ሚኒስትር የተከበሩ አንጌላ ራይነር እና የልዑክ ቡድናቸው የኢትዮጵያ አየር መንገድን ለመጎብኘት በመምጣታቸው ላቅ ያለ ክብር ተሰምቶናል!
ክብርት ምክትል ጠቅላይ ሚኒስትር እና የልዑክ ቡድናቸው በኢትዮጵያ አየር መንገድ በነበራቸው ቆይታ የአየር መንገዱ የሥራ ክፍሎች የሆኑትን የኢትዮጵያ የአቪዬሽን ዩኒቨርሲቲ፣ የአውሮፕላን ጥገና ክፍል እና የተግባራዊ በረራ ማሰልጠኛ ምስለ በረራዎችን ተዘዋውረው ተመልክተዋል።
በመቀጠልም ከኢትዮጵያ አየር መንገድ ዋና ሥራ አስፈጻሚ ከአቶ መስፍን ጣሰው እና ከኢትዮጵያ አየር መንገድ አመራር አባላት ጋር ሰፊ ውይይት አድርገዋል። የኢትዮጵያ አየር መንገድ በዘመናዊ አውሮፕላኖቹ ወደ ዩናይትድ ኪንግደም ለንደን ሂትሮው፣ ለንደን ጋትዊክ እና ማንችስተር ከተሞች አሥራ ስድስት ሳምንታዊ በረራ በማድረግ ማህበራዊ፣ ኢኮኖሚያዊ እና ባህላዊ ትስስርን ለማጠናከር እየሰራ ይገኛል።
#የኢትዮጵያአየርመንገድ