Regionlarımızdan bir nümunə.
⠀
Misal üçün, fikir verin, bu dairənin iki tərəfində piyada keçidi nəzərdə tutulmayıb. Amma insanlar necəsə yolu keçməlidir. Nə edəcəklər?
⠀
Onlar qayda pozaraq yolu keçəcək, baş verən qəzada isə əksər vaxtı sürücü günahkar çıxarılacaq.
⠀
Lakin burada baş verən qəzaları minimuma endirmək üçün dairədə fiziki adacıqlar quraşdırmaq, lazım olan hər yerində piyada keçidi təşkil etmək lazımdır, bu da qəza riskini azaldacaq.
⠀
Amma regionlarda belə bir təcrübə yoxdur. Ona görə bu cür yollar və küçələr hər zaman insan həyatı aparacaq.
⠀
Hacıqabul-Muğan yolu. Foto: AAYDA

Deputatlar yenə də öz ampluasında... 🤦‍♂️
⠀
Bu gün Milli Məclisdə 1-ci oxunuşda "Yol Hərəkəti Haqqında" qanunda təklif olunan dəyişiklikər müzakirə edib.
⠀
Deputatların çıxışlarını oxudum, artıq o qədər şablondur ki, adam şərh etmək istəmir.
⠀
Ay nə bilim, parklanma yerini yaradın sonra cərimə edin, sarı xətt qarda görünməyəcək, geniş səkilərdə maşın saxlamağa icazə verin və s.
⠀
Ancaq öz maşını ya şəxsi sürücü ilə hərəkət edən bu deputatlardan başqa bir şey gözləmək olmur.
⠀
OK, necə deyərlər toxun acdan xəbəri olmaz.
⠀
Amma mənə başqa şey maraqlıdır, bu qanunu hazırlayan niyə gəlib bu deputatların qabağında çıxış etmir?
⠀
Bu qanun layihəsində iştirak edən Yol Polisi və Bakı Nəqliyyat Agentliyi niyə müzakirəyə dəvət olunmur?
⠀
Bu deputatlara dəyişiklərin məğzini kim başa salmalıdır?
⠀
Yol hərəkətinin təşkili və nəqliyyatın planlanması çox spesifik sahələrdir. Bu sahələrə məişət səviyyəsində müzakirələr aparmaq və nəticələr çıxarmaq olmaz.
⠀
Yeni qanun qəbul olunmasa (indiki redaksiyada) hec də təəccüblənmərəm.

Tam olaraq hərəkət zolağını zəbt edib. Bunun dq cəriməsi 20 manat olsun? Endirimlə ümumiyyətlə 18 AZN.

Foto: Facebook / "Dayanma Durma" səhifəsindən.

⚠️ Günün xəbəri.
⠀
Prezident fərman imzaladı: Bakı Nəqliyyat Agentliyi publik hüquqi şəxs Bakı Şəhər İcra Hakimiyyəti başçısının tabeliyinə verilsin.
⠀
Bu eyni zamanda həm yaxşı, həm pis xəbər ola bilər.
⠀
Yaxşı xəbər odur ki, bütün dünyada böyük şəhərlərin nəqliyyat sektorları icra hakimiyyətinin (meriya) tərkibində olur. Bunun sayəsində şəhər infrastrukturuna dair islahatlar daha mərkəzləşmiş formada baş verir.
⠀
Pis xəbər isə o ola bilər ki, əgər İcra Hakimiyyəti BNA-nın mobillik yanaşmasını qəbul etməsə, deməli Bakı şəhərində müasir urbanistik islahatlara son qoyulacaq.
⠀
Həmin fərmana əsasən, həmçinin, Nəqliyyatın İntellektual İdarə etmə Mərkəzi keçir Daxili İşlər Nazirliyinə. Bu addımı açığı başa düşmədim.
⠀
Bu NİİM funksiyası bir o qədər də böyük olmasa (svetoforlara tənzimləyir), amma istənilən halda Yol Polisi icraedici orqan olmalıdır, yol hərəkətinin təşkili ilə nəqliyyatçılar məşğul olmalıdır.

🇭🇺 İnsan yönümlü Budapeştdən ətraflı video reportaj 📹
⠀
İndi isə dəqiq xoş xəbər olacaq 🙂
⠀
Bu yaxınlarda Macarıstanda səfərdə olarkən bu səhifənin izləyicilərinə maraqlı ola biləcək GENİŞ bir vloq hazırladım.
⠀
Bu şəhərdə küçələr necə qurulub, avtomobil, velosiped və ictimai nəqliyyat necə hərəkət edir?
⠀
Sizə dünyanın ən uzun tramvayını, İkarus trolleybuslarını, Avropanın ən qədim metrostansiyalarını və hətta Budapeştdə salınan yeni yaşayış massivlərini və həyətlərini göstərəcəm.
⠀
43 dəqiqəlik buraxılışdır, amma darıxdırıcı olmamalıdır. Odur ki, rahat əyləşin, Sizə xoş seyrlər 💚

👇
https://youtu.be/tu9lu92SuZs

#vloq #Budapeşt

🇺🇿 Daşkənddə tramvayı bərpa etmək istəyirlər.
⠀
Bu gün çıxış edən Ozbəkistan prezidenti həmçinin bildirdi ki, şəhərdə sürət həddini 10 km/s aşağı salmaq lazımdır.
⠀
Düzdür, indi icazə verilən sürət orada 70 km/s, 60-a salacaqlar, amma yenə də bu müsbətə doğru düzgün atılmış addımdır.

Axşam şəhərlərin düzgün planlaşdırılması, insanyönümlü olması, ölkəmizdəki ictimai nəqliyyat, piyada infrastrukturu və sürücülərin problemi, eləcə də onların yaratdıqları problemlər haqqında danışacağıq.

Epizodun qonağı City4People layihəsinin təsisçisi Anar Əliyevdi. O uzun müddətdi müasir şəhərlər, səyahətlər, urbanistika, nəqliyyat, avtomobillər və velosipedlər haqqında bloq aparır. Son yarım ildə YouTube kanalındakı aktivliyi xüsusiylə təqdirəlayiqdi.

Saat 23:00-da suallarınızı da götürün gəlin.

Başladıq!
https://www.youtube.com/watch?v=rBoXd2GQJRU

Bəsti Bağırova küçəsində yenidənqurma işlərinin gedişatı.

Xüsusilə də lazımsız pilləkənlərin ləğv edilməsi bəyənilsin!

Foto: Transport for Baku

🇩🇪📹 Burada polis və taksi velosipedə keçir. Növbəti vlog Berlindən.
⠀
Biz Almaniyanı avtomobil istehsal edən müasir bir Avropa ölkəsi kimi tanıyırıq. Lakin BMW və Mersedeslərin vətənində bu gün ən çox diqqət məhz velosiped, piyada və ictimai nəqliyyatın hərəkətinə yetirilir.
⠀
2022-ci ildə Berlinin küçələrində nə baş verir? Şəhərdə hansı prioritetlər müəyyən olunub?
⠀
Bu buraxılışda Berlini gəzirik, metro və tramvayını sınaqdan keçiririk və "Həqiqətənmi Almaniya dağılır?" sualına cavab tapırıq 🙂
⠀
👇
https://youtu.be/TwME4MVWCv8

👆🚷 Silinmiş piyada keçidlərinin heç bir faydası yoxdur.
⠀
Bəzi dövlət qurumları fikirləşir ki, əgər hər hansı bir yerdə nizamlanmayan piyada keçidini ("zebra"-nı) silsələr və nişanı yığışdırsalar sürücülərə böyük bir hədiyyə edib, onları tıxaclardan qurtaracaqlar.
⠀
Bu, daha çox Dövlət Yol Polisinin strategiyası, amma BNA də bu məsələni qlobal olaraq hələ ki həll edə bilmir.
⠀
Lakin, sözügedən qurumlar 3 faktoru nəzərə almır:
⠀
🔻 İnsanlar robot deyil, onlar hər zaman öz daxili enerjisinə qənaət edib, daha qısa marşrut seçəcəklər (10 metrlik yolu keçmək üçün heç kim 300 metrlik dairə vuran deyil, xüsusi ilə bu videoda göstərilən adi bir şəhər yolunda). Hələ bunu yaşdısı var, araba ilə olanı var və s.
⠀
🔻 Piyada keçidlərinin yığışdırılması tıxac problemini həll etmir, sürücülər sadəcə kiçik bir hissəni 3-5 saniyə daha tez keçir, lakin növbəti yolayrıcıda yenidən svetofora dirənir.
⠀
🔻 Şəhər nə qədər ki çox piyadalar üçün narahat edilir, bir o qədər çox insan özünə avtomobil alır və tıxaclar da daha bərbad olur.
⠀
Videoda açıq-aşkar göstərilir ki, insanlar öz davranışını dəyişməyə meyilli deyil və orada "zebra"nın silinməsi heç bir effekt verməyib. Sadəcə əlavə qəza ocağı yaradılıb.
⠀
Ümid edirəm, BNA-nın yeni rəhbərliyi bu məsələləri dərk edib, keçmişdə bu cür absurd atılmış addımların fəsadlarını aradan qaldıracaq.
⠀
📹: Saleh Nasirov

Azərbaycanda baş verən qəzalarının təxmini yarısı pis və yaxud təhlükəli şəkildə təşkil olunmuş küçə-yol infrastrukturudur.
⠀
Yol keyfiyyətindən tutmuş nişanlanmaya qədər.
⠀
Acınacaqlısı isə odur ki, cəzanı çəkən hər zaman sürücülərin özləri olur. Ya cərimə ilə, ya da öz həyatı bahasına.

🇳🇱🚲 Bilirdinizmi, bu gün Niderlandda 29.000 km-dən çox xüsusi ayrılmış velosiped zolaqları var?
⠀
Çünki bu ölkədə demək olar ki hamı velosiped sürür.
⠀
Əhalinin 84%-nin ən azı bir velosipedi var. Hamının: qulluqcudan tutmuş, kraliça Beatriksə qədər.
⠀
Hətta avtomobili olanlar da velosipeddən istifadə edirlər, çünki o, daha sürətli, həmişə daha ucuz və sağlam ola bilər.
⠀
Bəs Niderlandda buna necə nail oldular?
⠀
Bloqumuzun yeni yazısında bu mövzuya böyük diqqət yetirən dostumuz Arzu Suleymanov Niderlandın velosiped tarixini və mövcud infrastrukturdan ətraflı məqalə yazıb.
⠀
Oxuyun və Bakıda heç vaxt velosiped populyar olmayacaq deyən dost və tanışlarınıza da bu məqaləni göndərin.
⠀
👇
⠀
https://city4people.az/post/niderland-velosiped/

🏃‍♂️🚗 Uşaqlar və həyətlər.
⠀
👆Bu videonu izləyici göndərib. Şikayət edir ki, blokdan çıxış birbaşa olaraq həyətə çıxır ki, hansı ki tranzit kimi küçələr arası yol kimi istifadə olunur.
⠀
"Dəfələrlə burada qəzalar baş versə də, nə icra Hakimiyyəti, nə AAYDA, nə BNA nə də Yol Polisi heç bir tədbir görmür" - izləyici yazır.
⠀
Bu cür hallara dair iki məsləhət vermək olar:
1) Problem həll olunmayadək təkrar müraciətlər göndərin, zəng edin, məmurların qəbuluna yazılın. Bu, sizin vətəndaş hüququnuzdur.
⠀
2) Həyətinizdə uşaqlarınız üçün təhlükəsiz şərait istəyirsinizsə, onu maşınlardan azad etməyi tələb edin. Bu gün hər kəsin arzusudur ki, öz həyətində istədiyi yerdə maşın saxlasın, parkinq üçün əlavə pul ödəməsin. Lakin parkinqə çevrilən həyət heç vaxt təhlükəsiz sayıla bilməz.
⠀
Mən hələ burada hər hansı bir rahatlıqdan danışmıram.