💬 AYNA-nın mart ayında keçirilən press-konfransından.

Vaxt keçir, amma Bakı piyadalar üçün təhlükəli və narahat şəhər olaraq qalır.

🩼 Əsa ilə hərəkət edən bu vətəndaşa yeraltı keçidlərin “rahatlığından” danışın.
⠀
Azmobilli vətəndaşlar kimdir?
🔹 Əlil arabası
🔹 Uşaq arabası
🔹 Əsa və qoltuqağacı
🔹 Ağır yük ilə hərəkət edənlər insanlar.
⠀
🔸 Böyük şəhərlərdə bu qrup vətəndaşlar əhalinin 25-30 %-ini təşkil edir. Bu vətəndaşların qayğısına qalan şəhərlərdə piyada keçidləri əlçatan olur, səkilələrdə isə baryerlər olmur. Nədənsə bizdə insanlara şərait yaratmaqdan isə, onlara yeraltı/yerüstü keçidlərdə əziyyət çəkməyə məcbur edirlər.

❗️ İnklüziv və beynəlxalq tədbirləri keçirən şəhər üçün bu nonsensdir.

🚳 Velosipedlə keçid qadağandır.
⠀
🚲 Velosipedçilər azmobilli insanlar qrupuna birbaşa daxil olmasa da, yeraltı/yerüstü keçidləri onlar üçün də əlçatan deyil. Bəzi yerlərdə isə rəsmi olaraq bir nişan da qoyublar ki, "velosipedlə bura olmaz"!
⠀
🔹 Özü də, bura Dənizkənarı bulvar tərəfə gedən küçədir — ən çox velosiped sürülən ərazilərdən biri.
⠀
🙈 P.S. Fotoçəkiliş qadağandır nişanı isə ayrı bir traqikomediyadır.

🚲 Velozolaq və velokeçid yaratmaq üçün daha bir fürsət yaranıb.
⠀
🔹 Yadınıza gəlirsə, sizə bu ərazidə düzgün təşkil edilməyən velokeçid göstərmişdim. İndi 28 May küçəsini təmir edərkən, burada daha bir velozolaq və artıq normal bir velokeçid də təşkil etmək üçün fürsət yaranıb.
⠀
🔹 Dilarə Əliyeva küçəsində də velozolağın “yeri görsənir”.
⠀
#velosipedzolaqları #minivloq

🚲 Bike sharing (veloicarə) xidməti istifadə verildi.

🚍 Daha bir avtobus zolağı salındı.
⠀
🔹 Tbilisi prospektinsə bu çoxdan gündəmdə idi, kifayət qədər marşrut xətti buradan keçir və tıxaclara görə daimə ləngiyirdi.
⠀
❓ Əlbəttə ki, “BUS” zolaqların mənasını sona qədər anlamayanda, təəssürat yaranır ki, “onsuzda tıxac idi, nəyə lazım idi” və “fotoda avtobus nəsə görünmür”.
⠀
🔹 Birincisi, bu zolaq elə tıxac olan küçədə lazımdır ki, avtobuslar tıxacda qalmasın. İkincisi də, əgər bu zolağa avtobus gec çatırsa, deməli haradasa başqa yerdə tıxacda ilişib qalıb. Və BUS zolaqların effektivliyi üçün onlar vahid şəbəkə təşkil etməlidir.
⠀
📸 Foto: Facebook / Cavanşir Tağıyev.

#avtobuszolaqları

❓ Avtobus zolağı olan yerlərdə sərnişini necə düşürdək?
⠀
🔸 Cərimələrin məbləği və nəzarət artandan sonra, bu cür suallar və şikayətlərin sayı xeyli artıb.
⠀
🔸 Belə baxanda, sual həqiqətən məntiqlidir. Bakıda və ümumiyyətlə ölkədə sərnişin mindirib-düşürtmək heç vaxt problem olmayıb, çünki nə avtobus, nə velozolaq deyilən bir şey yox idi (son illəri çıxsaq).
⠀
❗️ Xarici təcrübəyə baxsaq, inkişaf etmiş şəhərlərdə "harada istədim adam mindirdim/düşürtdüm" deyən bir anlayış yoxdur. Bəli, Bakıda taksi duracaqların sayı və sərnişinlərin minməsi və düşməsi üçün ayrılmış yerlərin sayı həqiqətən azdır. Çünki küçənin layihələndirilməsi çox xaotik şəkildə aparılır. Binalar, obyektlər, dayanacaqlar, — bunlar hamısının tikintisi müxtəlif dövrlərdə koordinasiya olmadan aparılıb və bunu tez həll etmək yaxın gələcəkdə mümkün olmayacaq.
⠀
🔹 Ona görə, indiki vəziyyətdə sürücülərə yeganə tövsiyəm — təhlükəsizliyi nəzərə alaraq, avtobus zolaqlarına daxil olmadan, ən sağ avtomobil zolağında sərnişinləri düşürdə bilərsiniz. Təbii ki, sərnişinlər də avtomobildən çıxanda öncədən arxaya baxıb avtobusun gəlməməsində əmin olmalıdır.
⠀
🚍 Bəzi yerlərdə avtobus zolaqlarında qırıq-qırıq (punktir) xətlər varsa, həmin xətlər olan yerlərdə zolağa daxil olmaq mümkündür. Lakin əksər yeni BUS zolaqlarında belə "ciblər" nəzərdə tutulmayıb. Ona görə yuxarıda qeyd olunan variant hələ ki ən uyğun görünür. Zamanla, insanlar mühitə öyrəşəcək və davranış da dəyişəcək.
⠀
#avtobuszolaqları #cərimələr