Baseerat / بصيرت

✍️ اللہ رب العالمین کا ذکر کریں اور جنت میں درخت لگائیں۔
🌼•🌼•🌼

▫️عبداللہ بن مسعود رضی اللہ عنہ بیان کرتے ہیں کہ رسول اللہ ﷺ نے ارشاد فرمایا:

اسراء و معراج کی رات میری ملاقات حضرت ابراہیم (علیہ السلام) سے ہوئی تو انہوں نے کہا:
اے محمد ﷺ ! اپنی امت کو میری طرف سے سلام پہنچا دینا اور انہیں آگاہ کرنا کہ
جنت کی مٹی بہت اچھی ہے، اس کا پانی انتہائی میٹھا اور اس کی زمین بالکل ہموار اور زرخیز ہے، اور وہ خالی پڑی ہوئی ہے
اور اس کی باغبانی سبحان اللہ والحمد لله ولا إله إلا اللہ والله أكبر سے ہوتی ہے ۔
📚 [جامع ترمذی3462، الصحيحة: 106]

♻️ جنت کو جنت اس لیے کہتے ہیں کہ اس میں درخت ہی درخت ہیں، جنت کے معنی ہوتے ہی باغات ہیں تو پھر خالی پڑی ہوئی ہے کا کیا مطلب؟؟؟

👈مطلب یہ کہ جس قدر بندوں کے اعمال ہوتے ہیں اسی کے بقدر اسمیں شجر کاری ہوتی رہتی ہے اس کے درخت بندوں کے اعمال ہی کا ثمرہ ہیں، اللہ رب العالمین جانتا ہے کہ کون کون بندے اپنے اعمال کے بدلے جنت میں داخل ہوں گے، سو اس نے ان کے اعمال کے بقدر وہاں درخت اگا دیئے ہیں، یا اگا دے گا، اس لحاظ سے بندہ جتنی بار کلمات کو کہتا ہے، اتنے ہی درخت پیدا ہوتے چلے جاتے ہیں۔

اسی طرح رسول اللہ ﷺ کا فرمان ہے: "جس نے سبحان الله العظيم وبحمده کہا تو اسکے لئے جنت میں ایک درخت لگا دیا جاتا ہے"
📚 [ترمذی: 3464، صحیح]

🌼 اللہ رب العالمین کا کثرت سے ذکر واذکار کرنا اسکی اطاعت کے کاموں میں سے ہے، اور یہ کثرت سے نیکیوں کے حصول اور گناہوں سے بخشش کا ذریعہ ہے، جنت میں داخل ہونے کا سب سے اہم وسیلہ ہے۔

👈🏼لہٰذا ہم بھی کثرت سے رب العالمین کا ذکر کرکے جنت میں شجر کاری کریں.

🤲 اللہ رب العالمین ہمیں کثرت سے ذکر واذکار کرنے کی توفیق عطا فرمائےِ آمین۔

•┈•❀•🍃🌼•🌼•🌼🍃•❀•┈•

🔗 مركز بصيرت: 🕋 مکہ مکرمہ کے ٹیلی گرام چینل سے جڑیں، اور اپنے دوست واحباب سے بھی شیئز کریں۔
https://t.me/baseeratur

ہمارے سوشل میڈیا اکاؤنٹس:
www.youtube.com/baseeratUr
www.facebook.com/baseeratUr

•🍃🌼•🌼•🌼🍃•
اس میسج کو زیادہ سے زیادہ شیئر کریں۔
•🍃🌼•🌼•🌼🍃•