Ўзбекистон банкларининг депозит базаси йил бошига нисбатан 14 трлн сўмга камайиб кетган

Оператив маълумотларга кўра, Ўзбекистон банкларида депозит базаси 1-ярим йил якунида 202 трлн 894 млрд сўмни ташкил қилган. Бу йил бошига нисбатан 13 трлн 936 млрд сўмга ёки 6,4 фоизга камдир. Депозит базаси 14 та банкда камайган, хусусан Ўзмиллийбанк (-10,5 трлн сўм), Асакабанк (-4,7 трлн сўм), Ипотека банк (-1,5 трлн сўм), ЎзСҚБ (-1,3 трлн сўм), Капиталбанк (949,6 млрд сўм), Азия Альянс банк (-874,4 млрд сўм), КДБ Банк Ўзбекистон (-644,5 млрд сўм)да нисбатан сезиларли камайиш кузатилган.

Агробанк (+1,5 трлн сўм), Халқ банки (+1,4 трлн сўм), Алоқабанк (+853,8 млрд сўм), ТиБиСи банк (617,2 млрд сўм), Микрокредитбанк (430,6 млрд сўм), Ҳамкорбанк (407,5 млрд сўм)лар депозит базасини миқдорий жиҳатдан сезиларли ўсишига эришган.

Батафсил - https://bankers.uz/news/1179


@bankers_uz

Бугун Тошкент шаҳридаги "InterContinental" мажмуасининг тадбирлар залида ”Тадбиркорлик ривожи учун янги таклиф ва ташаббуслар” мавзусида 200 нафарга яқин бизнес вакиллари билан очиқ мулоқот форматида учрашув бўлиб ўтди.

Ўзбекистон Савдо-саноат палатаси томонидан ташкиллаштирилган ушбу норасмий учрашувда Палата Раиси Даврон Вахабов ҳамда бир нечта соҳа экспертлари иштирок этди. Д.Вахабовнинг таъкидлашича, бу каби учрашувлар барча вилоятларда ўтказилган бўлиб, ушбу учрашувларда 2000 дан ортиқ тадбиркорлар томонидан 130 га яқин тизимли таклифлар берилган.

Бугунги тадбирда ҳам юқоридаги таклиф ва муаммолар, хусусан, мамлакатдаги тадбиркорлик муҳитини янада яхшилаш, бизнес учун ҳуқуқий базани такомиллаштириш, солиқ назорати, банк, энергия таъминоти, ҳисоботлар ва бошқа йўналишлардаги таклифлар муҳокама қилинди.

Тадбир видеоёзувини қуйидаги ҳавола орқали кўриш мумкин.

Муаммоли кредитлар қолдиғи июнь ойида 336 млрд сўмга камайган

Марказий банк маълумотларига кўра, июнь ойи давомида тижорат банкларининг муаммоли кредитлари қолдиғи қарийб 336 млрд сўмга камайган ва ой якунида 14 трлн 303 млрд сўмни ташкил этган. NPL улуши 3,38 фоиз (июль ойига нисбатан 0,11 фоизга кам) даражасида қайд этилган.

Муаммоли кредитлар қолдиғининг миқдорий камайиши асосан давлат банклари, хусусан Ўзмиллийбанк (-140,6 млрд сўм), Агробанк (-52,6 млрд сўм), Туронбанк (-53 млрд сўм), Асакабанк (46,1 млрд сўм) ва Ўзсаноатқурилишбанк (-37 млрд сўм) ҳиссасига тўғри келган.

Батафсил -https://bankers.uz/news/1180


@bankers_uz

Мамаризо Нурмуратов: Банк ходимларини ҳам кечаси уйма-уй юришини олдини олишга ҳаракат қилдик

Кеча бўлиб ўтган матбуот анжуманида Марказий банк раиси Мамаризо Нурмуратов яқинда тижорат банкларига юборилган "Жисмоний шахсларнинг муддати ўтган қарздорликлари ундирилишига доир Тавсиялар" ҳақида журналистнинг саволларига жавоб берди.

— Бизнинг асосий мақсадимиз, ўзларинг ҳам бу ҳақда кўп бора ёзиб чиқардиларинг, "шанба куни, якшанба куни банкирлар уйма-уй юрибди, кечаси юрибди" деган хулосалар бор, ана ўшаларни тартибга солиш. Яъни, нафақат мижозни кечаси безовта қилмаслик, балки кечаси банк ходими ҳам юрмасин деган мақсадда қилинган ҳаракат, — деб таъкидлади М.Нурмуратов


@bankers_uz