🏦 Ориент Финанс банк акциядорларининг йиллик умумий йиғилиши 12 июнь куни ўтказилади

Акциядорлар умумий йиғилиши кун тартибидан 13 та масала ўрин олган бўлиб, улар қаторида банкнинг 2022 йилги ҳисоботларини тасдиқлаш, йил якунларига кўра банк олган соф фойдасини тақсимлаш, Кузатув кенгаши аъзоларига ҳақ тўлаш, Бошқарув раиси ва аъзолари билан тузилган меҳнат шартномаларини узайтириш, банкнинг янги ташкилий тузилмасини тасдиқлаш кабилар бор. Йиғилиш Тошкент шаҳар, Осиё кўчаси 5 уй манзилида жойлашган банкнинг бош офисида бўлиб ўтади.

Батафсил - https://bankers.uz/news/1119


@bankers_uz

🏦 "Rent Agro" МЧЖ Ипак Йўли банкининг энг йирик акциядорига айланди

"Rent Agro" масъулияти чекланган жамияти "Ипак Йўли" АИТБнинг 42,30 фоиз акциялари эгасига айланди. Бу ҳақда махсус порталда маълум қилинган. Жорий йил 15 май куни "Кафолат" СК банк устав капиталининг 6,28 фоизлик акциялар пакетини 62,47 млрд сўмга "Rent Agro" МЧЖга сотган.

"Rent Agro" МЧЖ 2012 йил августда ташкил этилган. Жамиятнинг устав капитали 83,46 млрд сўм бўлиб, иккита таъсисчи - Фазилов Хайрулла Хабибуллаевич (55,20%) ва Муратов Икромжон Ахматович (44,80%) га тегишли.

Батафсил - https://bankers.uz/news/1118


@bankers_uz

🏦 Bankers.uz ва республикамиз банк тизими жамоаси номидан бугун туғилган кунини нишонлаётган "Туронбанк" АТБ Бошқаруви раиси Чори Мирзаевни самимий муборакбод этамиз! (1971 йил туғилган)

Шу муносабат билан Чори Садибакосовичга соғлик-саломатлик ва куч-қувват, меҳнат фаолиятида эса янги ютуқлар тилаб қоламиз!


@bankers_uz

🏦 "HAYOT BANK" АЖ бошқарув раисига ўринбосарлар тайинланди

"HAYOT BANK" АЖ бошқарув раиси ўринбосарлари этиб Руслан Убайдуллаевич Хайдаров ҳамда Одил Оқил ўғли Пўлатовлар тайинланган. Бу ҳақда банк матбуот хизмати Bankers.uz'га маълум қилди.

Руслан Хайдаров 2012-2017 йиллар ҳамда 2019 йилдан Капиталбанк тизимида, хусусан, 2020 йилдан буён Капиталбанк "Тошкент шаҳар" смартбанк бошлиғи лавозимида фаолият юритган. Одил Пўлатов 2011-2020 йилларда Капиталбанк тизимида турли лавозимларда ишлаган. 2020-2022 йилларда “ANOR BANK” АЖ Чакана бизнес департаменти директори сифатида фаолият юритган.

Батафсил - https://bankers.uz/news/1122


@bankers_uz

🏦 TBC Group Payme'нинг 100 фоизлик улушига эга бўлди

TBC Group Payme'нинг 100% эгасига айланди. Бу ҳақда Грузия компаниясининг Лондон фонд биржасида эълон қилган баёнотида маълум бўлган.

2019 йил апрелидан бери TBC Group Payme'нинг 51% назорат пакетига эгалик қилиб келган ва охирги келишув натижасида компания таъсисчиларига тегишли бўлган 49% улушини ҳам сотиб олган. Айтилишича, бунинг учун гуруҳ келгуси 10 кун ичида нақд пул шаклида 55,7 млн доллар тўлайди. Битим натижасида Payme'нинг бозор қиймати 113,6 млн долларга баҳоланган.

Батафсил - https://bankers.uz/news/1123


@bankers_uz

🏦 Ўзмиллийбанк 2022 йил соф фойдасидан 2,17 трлн сўмни капитализацияга йўналтирди

"Ўзмиллийбанк" АЖ акциядорлари 12 май куни бир нечта масалалар, шу жумладан банкнинг 2022 йилги тақсимланмаган соф фойдасини тақсимлаш бўйича қарор қабул қилди.

Қарорда айтилишича, соф фойданинг 1,4 трлнлик қисми банк устав капиталини оширишга йўналтирилади. Банк ўтган йилнинг ярим йиллик соф фойдасидан қарийб 986 млрд сўмлик қисмини ҳам шу мақсадга йўналтирганини ҳисобга олсак, банк ўтган йилги соф фойдани 90 фоизини капитализацияга йўналтирган дейиш мумкин.

Батафсил - https://bankers.uz/news/1124


@bankers_uz

🏦 Давр банк бошқарув раисига ўринбосар тайинланди

"Давр банк" хусусий акциядорлик тижорат банки Кузатув кенгашининг тегишли қарорига асосан Самаржон Сидиқович Назаров банк бошқаруви раиси ўринбосари — юридик хизмат департаменти директори лавозимига тайинланган. Бу ҳақда Ягона корпоратив ахборот порталида маълум қилинди, хабарни С.Назаровнинг ўзи Bankers.uz'га тасдиқлади.

С.Назаров 2010-2017 йилларда ХАТБ "Давр банк"да турли лавозимларда ишлаган. 2017 йилдан буён хусусий секторда фаолият юритиш билан бир қаторда Давр банк Кузатув кенгаши аъзоси сифатида фаолият юритиб келган.

Батафсил - https://bankers.uz/news/1126


@bankers_uz

🏦 Ўтган йил республика бўйича ажратилган таълим кредитларининг 40 фоизи Халқ банки ҳиссасига тўғри келган

Aҳолига ипотека ва таълим кредитлари ажратиш борасида Халқ банки етакчилик қилмоқда, хусусан, 2022 йилда банклар томонидан ажратилган таълим кредитларининг 40 фоизи Халқ банки ҳиссасига тўғри келган. Бу ҳақда, 24 май куни АОКАда бўлиб ўтган матбуот анжуманида банк бошқарув раисининг биринчи ўринбосари Зафар Азимов маълум қилди.

Матбуот анжуманида, шунингдек, банкнинг 2022 йилдаги фаолияти натижалари ҳамда 2023 йилга мўлжалланган режалар ҳақида сўз борди.

Батафсил - https://bankers.uz/news/1127


@bankers_uz

💳 Ўзбекистон ичидаги халқаро карталар амалиётлари учун "Миллий шлюз" ишга туширилди

Бугунги кунда мижозлар Ўзбекистон банклари эмиссия қилган халқаро карталар — "VISA", "Mastercard" ёки "UnionPay" орқали мамлакат ичидаги терминалларда тўловларни амалга оширганда, ушбу транзакциялар хорижий тўлов тизими серверларига узатилар ва қайта ишловдан ўтиб, сўнгра транзакция амалга ошарди. Бу жараён халқаро интернет трафиги ва узоқдаги серверларга мурожаат қилишни талаб қилгани учун вақт ва хавфсизлик нуқтаи назаридан самарасизроқ эди.

HUMO тўлов тизими ишга туширган мазкур "Миллий шлюз" Ўзбекистон ичидаги халқаро карта амалиётларини тўлиқ маҳаллийлаштиради ва транзакцияларнинг қўшимча хавфсизлигини таъминлаб, ортиқча харажатларнинг олдини олади.

Батафсил - https://bankers.uz/news/1130


@bankers_uz

🏦 Асакабанк Хитойнинг Sinosure корпорацияси билан ҳамкорлик шартномасини имзолади

26 май куни "Асакабанк" АЖ Бош офисида Хитойнинг экспорт-кредит суғурта корпорацияси — "Sinosure" раиси Сонг Шугуанг бошчилигидаги делегация билан музокаралар бўлиб ўтди.

Асакабанк ва Sinosure ўртасидаги ҳамкорлик 2017 йилда бошланган бўлиб, қайд этилишича, ўтган давр мобайнида умумий қиймати 128,8 миллион долларлик иккита йирик лойиҳа биргаликда амалга оширилган.

Батафсил - https://bankers.uz/news/1131


@bankers_uz

🏦 ANORBANK нутқ технологиялари ва илғор бизнес амалиётлари соҳасидаги ютуқларини тақдим қилди

23 май куни Тошкент шаҳрида Марказий Осиё давлатларининг етакчи тизимли интегратори U-BSS ва Person Hunters компаниялар гуруҳи томонидан конференция ўтказилди.

Тадбирда ANORBANK бошқаруви раиси ўринбосари Икром Шукуров қатнашиб, банкнинг анъанавий офлайн банклар билан фарқлари, унинг рақамли моҳияти, шунингдек, кейинги ривожланиш режалари ҳақида тақдимот ўтказди.

Батафсил - https://bankers.uz/news/1132


@bankers_uz

🏦 Апрель ойида муаммоли кредитлар ҳажми 425 млрд сўмга кўпайган

Маълумотларига кўра, апрель ойи якуни бўйича банк тизимида муаммоли кредитлар ҳажми 425 млрд сўмга кўпайган. Кредит портфели ҳажми 5,2 трлн сўмдан зиёдга кўпайган ва 413,4 трлн сўмни ташкил қилмоқда. NPLнинг жами кредитлардаги улуши 3,57 фоизга етган (+0,06%).

Давлат банкларидаги NPL кўрсаткичи 0,1 фоизга кўпайиб, 3,96 фоизни ташкил қилмоқда. Ой давомида муаммоли кредитлар ҳажм жиҳатдан Ўзмиллийбанк (+208 млрд сўм), Асакабанк (+115 млрд сўм) ва Ўзсаноатқурилишбанк (+78 млрд сўм) да нисбатан кўпайган. Агробанк, Халқ банки, Ипотека-банк ҳамда Микрокредитбанкларда эса камайган.

Батафсил - https://bankers.uz/news/1133


@bankers_uz

🏦 "APEX BANK" АЖ бошқарув раисига биринчи ўринбосар тайинланди

"APEX BANK" АЖ Кузатув кенгаши қарорига кўра, Бобохон Рустамович Абдуллаев банк бошқаруви раисининг биринчи ўринбосари лавозимига тайинланган. Бу ҳақда Ягона корпоратив ахборот портали маълумотларида айтилган. Б.Абдуллаев 2005 йилдан 2023 йил апрель ойигача Асакабанк тизимида, хусусан, 2019 йил февралдан "Асакабанк" АЖ бошқаруви раиси ўринбосари лавозимида ишлаган.

Тартибга кўра, Б.Абдуллаев номзоди МБ билан келишилгандан сўнг, расман лавозимига тасдиқланган ҳисобланади.

Батафсил - https://bankers.uz/news/1129


@bankers_uz

🏦 Муомаладаги банк карталари сони Ўзбекистон аҳолиси сонидан ошди

МБ маълумотларига кўра, апрель ойи давомида пластик карталар 904,6 минг донага кўпайиб, уларнинг жами сони 37,5 млн донадан ошиб кетган. Карталар сонининг ўсиши бўйича Халқ банки (+431,4 минг дона), TBC Bank (+83,5 минг дона), ANORBANK (+52,7 минг дона), Агробанк (+51,4 минг дона) ва Ипак Йўли банки (49,1 минг дона) етакчи бўлган.

Апрель ойи мобайнида банкоматлар ва инфокиосклар сонида 4 336 тага камайган. Камайиш асосан тўлов ташкилотлари (4 490 дона) ҳиссасига тўғри келган.

Батафсил - https://bankers.uz/news/1134


@bankers_uz