🏦 7 октябрь куни Ўзбекистон банк секторига оид хабарлар қисқа сатрларда

🏦 Регулятор иккита банкнинг лицензиясини чақириб олди;

🏦 Лицензияси олиб қўйилган банклардаги омонатчиларнинг маблағлари икки ойда тўлиқ қайтарилади;

🏦 Жисмоний шахсларнинг кредитлари бўйича тўлов тартиблари ўзгартирилмоқда;

🏦 Ўзсаноатқурилишбанк Венгрия банклари билан ҳамкорликни кенгайтирмоқда;

🏦 Инфинбанк 1-ярим йилликдаги соф фойдасини устав капиталини кўпайтиришга йўналтиради;

🏦 Қишлоқ қурилиш банк FPO бўйича фаол иш олиб бормоқда;

🏦 Агробанк бир нечта раҳбарлик лавозимларига танлов эълон қилмоқда;

🏦 Марказий банк фаолияти тугатилаётган банклар бўйича қўшимча ахборот берди;

👮‍♂️ Жиззах ва Самарқанд вилоятларида кредит маблағларини талон-торож қилиш ҳолатлари аниқланди;

🏦 Марказий банк бошқарувининг навбатдаги таянч йиғилиши жорий йилнинг 27 октябрида ўтказилади;

🏦 “Туркистон” ХАТБ ва 🏦 "HI-TECH BANK" ХАТБ тугатиш комиссиялари банк кредиторлари ва омонатчиларига мурожаат қилди;

🏦 Туронбанк ҳамда Тошкент молия иститути ўртасида ўзаро ҳамкорлик меморандуми имзоланди;

🏦 "Асакабанк" АЖ ва Иқтисодиёт университети ўртасида ўзаро ҳамкорлик шартномаси имзоланди;

💳 Марказий банкда “Mastercard” компанияси билан ҳамкорликда семинар ўтказилди;

🏦 7 октябрдан бошлаб "Капиталбанк" АТБ валюта айирбошлаш банкоматлари ва инфокиосклари иши тўхтатилмоқда;

💵 Валюта биржасида АҚШ доллари курси 11 сўм 78 тийинга пасайди ва 10 октябрдан бошлаб расмий курс 11 051 сўм 27 тийинни ташкил қилмоқда.

#дайжест

🏦 10 октябрь куни Ўзбекистон банк секторига оид хабарлар қисқа сатрларда

🏦 Марказий банк томонидан молиявий саводхонлик бўйича янги лойиҳа ишга туширилди;

🏦 Алоқабанкнинг соф фойдаси ўтган йилнинг мос даврига нисбатан 60 фоиз ортган;

🏦 Asia Alliance Bank ўз колл (алоқа) маркази учун қисқа рақамни жорий қилди;

🏦 "MKBANK Erudit" интеллектуал ўйинига старт берилди;

🏦 TBC Bank Ғазалкентда мижозларга хизмат кўрсатиш нуқтасини ишга туширди;

🏦 10-12 октябрь кунлари Ўзмиллийбанкнинг Наманган вилояти ҳудудий бўлинмаси, Чуст, Тўрақўрғон ва Косонсой шаҳарларидаги ОПЕРУ банкоматлари вақтинча ўчирилади;

🏦 Молия вазирлигида Халқ банки трансформациясига бағишланган учрашув бўлиб ўтди;

💵 Валюта биржасида АҚШ доллари курси 18 сўм 56 тийинга ошди ва 11 октябрдан бошлаб расмий курс 11 069 сўм 83 тийинни ташкил қилмоқда.

#дайжест

🏦 11 октябрь куни Ўзбекистон банк секторига оид хабарлар қисқа сатрларда

🚓 Тошкент ва Самарқандда қарийб 2,4 млрд. сўм кредит маблағлари ўзлаштирилгани аниқланди;

💳 NFC'ни қўллаб-қувватлайдиган UZCARD карталари эмиссия қиладиган банклар сони яна биттага кўпайди;

🏦 Марказий банк 2022 йилнинг 9 ойи давомида аҳолига ажратилган ипотека кредитлари бўйича маълумот тақдим қилди;

🏦 10-15 октябр кунлари Трастбанкнинг айрим банкоматлари ишламайди;

🏦 10-14 октябрь кунлари Ўзмиллийбанкнинг айрим филиалларига қарашли банкоматлар ишламайди. Рўйхат бу ерда;

🏦 8-9 октябрь кунлари Алоқабанкнинг Сурхондарё, Қашқадарё ва Бухоро вилоятларидаги ходимлари иштирокида Aloqabrains интеллектуал ўйинлари бўлиб ўтди;

💵 Валюта биржасида АҚШ доллари курси 14 сўм 23 тийинга ошди ва 12 октябрдан бошлаб расмий курс 11 084 сўм 6 тийинни ташкил қилмоқда.

#дайжест

🏦 Агробанк АТБ қуйидаги йўналишларда раҳбарлик лавозимларига танлов эълон қилмоқда:

➖ Чакана хизматларни ривожлантириш;
➖ Кичик ва ўрта бизнесни ривожлантириш;
➖ Банк карталарига хизмат кўрсатиш;
➖ Мобил иловани ривожлантириш.

Номзодлардан қуйидагилар талаб қилинади:

1. Олий иқтисодий маълумот, халқаро сертификат ва дипломлар;
2. Рус ва инглиз тилларини аъло даражада билиш;
3. Йўналиш бўйича камида 5 йил фаолият юритган бўлиши;
4. Бизнес жараёнларини соддалаштириш, янги банк маҳсулотлари, хизмат турлари ва сотув каналларини жорий қилиш, йўналиш бўйича банкнинг бозордаги улушини ошириш ва фаол мижозлар базасининг ўсишини таъминлаш бўйича малакага эга бўлиши.

Иш ҳақи суҳбат давомида келишилади.

Вакансиялар бўйича қуйидаги манзилга онлайн мурожаат қилиш сўралади:

Телеграм орқали мурожаат қилиш: +998 95 036 78 81
Электрон почта манзили: i.olimova@agrobank.uz


@bankers_uz

🏦 12 октябрь куни Ўзбекистон банк секторига оид хабарлар қисқа сатрларда

💳 UZCARD яна хусусийлаштирилди;

💳 HUMO карталаридан йўлкира учун тўлов кетма-кет 2−3 мартадан ечиб олинаётгани айтилмоқда;

🏦 Марказий банк иккита компанияни микромолия ташкилотлари реестрига киритди;

🏦 Ўзмиллийбанк Марказий амалиёт филиалида Россиянинг Газмпромбанки мутахассиси иштирокида семинар-тренинг ташкиллаштирилди;

🏦 Давр-банк бошланғич тўлови мавжуд бўлмаган тижорий ипотека кредити таклиф қилмоқда;

💵 Валюта биржасида АҚШ доллари курси 11 сўм 25 тийинга ошди ва 13 октябрдан бошлаб расмий курс 11 095 сўм 31 тийинни ташкил қилмоқда.

#дайжест

🏦 Ўзмиллийбанк 1-ярим йилликдаги соф фойдасини устав капиталини кўпайтиришга йўналтиради

"Ўзмиллийбанк" АЖ 30 сентябрь куни акциядорлар умумий йиғилишини ўтказди. Йиғилишда банкнинг 2022 йил I ярим йиллиги якунига кўра олган 985,96 млрд. сўм соф фойдасини тақсимлаш қарори қабул қилинди.

Қарорда айтилишича, “Ўзмиллийбанк” АЖ нинг 2022 йил I ярим йиллик натижасида олинган - 985 млрд. 961 млн. сўмдан ортиқ соф фойдаси тўлиқ банк капиталига йўналтирилади. Қўшимча чиқарилаётган акцияларни ёпиқ обуна орқали 2022 йил 26 сентябрь ҳолатига шакллантирилган реестрдаги акциядорлар улушларига мутаносиб равишда, яъни Тикланиш ва тараққиёт жамғармасига 555,2 млрд. сўм ва Молия вазирлигига 381,43 млрд. сўм улушда жойлаштирилади.

Мазкур чиқарилиш амалга ошмаган деб топилган тақдирда, акциялар учун қабул қилинган тўлов воситалари ушбу чиқарилиш амалга ошмаган деб топилган кундан бошлаб 10 (ўн) кун давомида қайтарилади.


@bankers_uz

🏦 13 октябрь куни Ўзбекистон банк секторига оид хабарлар қисқа сатрларда

🏦 Ўзмиллийбанк 1-ярим йилликдаги соф фойдасини устав капиталини кўпайтиришга йўналтиради;

🏦 Чирчиқда 3 нафар ҳарбий хизматчи банкоматларга ҳужум қилди;

🏦 “Туркистон банк”да OSON фойдаланувчиларининг 1,5 миллиард сўмдан ортиқ маблағлари музлатиб қўйилди” – Фарҳод Маҳмудов;

💳 UZCARD 75 фоиз давлат улуши жами 210 млрд. сўмга сотилган;

🏦 Марказий банк "2022 йилнинг сентябрь ойида аҳолининг даромадлар кесимида инфляция даражаси ва сезилган инфляция шарҳи"ни тақдим этди;

🏦 "Bank Apelsin" АЖ юридик манзили ўзгарганини маълум қилмоқда;

💵 Валюта биржасида АҚШ доллари курси 12 сўм 94 тийинга ошди ва 14 октябрдан бошлаб расмий курс 11 108 сўм 25 тийинни ташкил қилмоқда.

#дайжест

🏦 Гарант банк бошқарув раисига ўринбосар тайинланди

"Гарант банк" АЖ кузатув кенгашининг 2022 йил 3 октябрда бўлиб ўтган йиғилишида банк бошқаруви раиси ўринбосари лавозимига номзодни тасдиқлаш масаласи кўриб чиқилган.

Йиғилиш қарорига кўра бугунги кунга қадар Гарант банкда Муаммоли активлар билан ишлаш бошқармаси бошлиғи лавозимида ишлаб келаётган Ҳошимов Отабек Анваржонович банк бошқаруви раиси ўринбосари лавозимига тасдиқланган.

О.Ҳошимов 1984 йил туғилган, 2005 йил Фарғона Политехника институтини тугатган. 2005 йилдан бери банк тизимида, хусусан, Ўзмиллийбанкда турли лавозимларда ишлаган. 2022 йилдан бери "Гарант банк" АЖда бошқарма бошлиғи лавозимида ишлаб келаётган эди.


@bankers_uz

🏦 14 октябрь куни Ўзбекистон банк секторига оид хабарлар қисқа сатрларда

🏦 Марказий банк томонидан 2022 йил январь-сентябрь ойлари учун "Нақд пул муомаласи бўйича қисқача шарҳ" тайёрланди;

💳 Бугун UZCARD ташкил этилганлигига 18 йил бўлди;

🏦 Гарант банк бошқарув раисига ўринбосар тайинланди;

🏦 Капиталбанк норезидентлар учун ҳисоб очишга қўшимча текширувлар ва комиссия жорий қилмоқда;

🏦 Анорбанк ижтимоий тармоқ фаолларини банк имижига етказган зарари учун судга мурожаат қилиши ҳақида огоҳлантирмоқда;

🏦 Ипотека-банкда Тожикистоннинг Esxata Bank'и вакиллари билан учрашув бўлиб ўтди;

💵 Валюта биржасида АҚШ доллари курси 23 сўм 20 тийинга ошди ва 17 октябрдан бошлаб расмий курс 11 131 сўм 45 тийинни ташкил қилмоқда.

#дайжест