🏦 Марказий банк 15 та банкка истеъмолчи ҳуқуқларини ҳимоя қилиш бўйича кўрсатма хатлари юборган

Регулятор ижтимоий тармоқлардаги банк хизматлари истеъмолчиларининг ҳуқуқ ва қонуний манфаатлари бузилишига оид хабарлар мунтазам равишда мониторинг қилиб бораётганини маълум қилган.

Хусусан, июль-сентябрь ойларида карта ҳисобварағидан пул маблағи ечилган бўлса-да, банкомат нақд пул бермаганлиги, нафақа пулини банк картаси орқали олиш бўйича муаммога дуч келинаётганлиги, банкнинг мобил иловаси орқали конвертация қилинган ҳамда бошқа картага ўтказилган маблағ кўринмаётганлиги каби ҳолатлар юзасидан ижтимоий тармоқларда хабарлар жойлаштирилган.

Мазкур ҳолатлар юзасидан Марказий банк томонидан 15 та банкка банк фаолияти билан боғлиқ масалаларни ўрганиб чиқиш ва зарурий чораларни кўриш юзасидан 31 та кўрсатма хатлар юборилган.


@bankers_uz

🏦 4 октябрь куни Ўзбекистон банк секторига оид хабарлар қисқа сатрларда

🏦 Марказий банк 15 та банкка истеъмолчи ҳуқуқларини ҳимоя қилиш бўйича кўрсатма хатлари юборган;

🔄 Қашқадарёда шифокор кўрикка келган беморнинг картасидаги пулларни ўзлаштирган;

👮‍♂️ Янги Наманганда яна кредит маблағларини ўзлаштириш ҳолати аниқланди;

💵 Тижорат банкларида нақд доллар танқислиги кузатила бошлади;

🏦 TBC Bank'нинг мобил иловасида рўйхатдан ўтган фойдаланувчилар сони 2 млн. га етди;

🏦 Агробанк вакиллари қишлоқ хўжалиги бўйича Туркия тажрибасини ўрганмоқда;

🏦 ЎзРВБда валютавий фьючерс операциялари жорий этилди;

🏦 Ўзжамғармабанк Халқ банки сифатида қайта ташкил этилганига 27 йил бўлди;

💵 Валюта биржасида АҚШ доллари курси 23 сўм 24 тийинга ошди ва 5 октябрдан бошлаб расмий курс 11 010 сўм 45 тийинни ташкил қилмоқда.

#дайжест

🏦 5 октябрь куни Ўзбекистон банк секторига оид хабарлар қисқа сатрларда

🏦 Миллий валютадаги кредит фоиз ставкалари пасайишда давом этмоқда;

🏦 Гарант банк Фарғонадаги 3та БХМсини ёпаётганини маълум қилди;

🏦 Тижорат банклари томонидан ажратилган таълим кредитларининг 39 фоизи Халқ банки ҳиссасига тўғри келмоқда;

🏦 Туронбанк ва ТДИУ ўртасида ўзаро англашув ва ҳамкорлик меморандуми имзоланди;

💵 Валюта биржасида АҚШ доллари курси 17 сўм 69 тийинга ошди ва 6 октябрдан бошлаб расмий курс 11 028 сўм 14 тийинни ташкил қилмоқда.

#дайжест

🏦 6 октябрь куни Ўзбекистон банк секторига оид хабарлар қисқа сатрларда

🏦 ЕТТБ вице-президенти банкларни хусусийлаштиришни олти ойга кечиктиришни таклиф қилди;

🏦 Ўзбекистон ва Италия Марказий банклари ўртасида молиявий саводхонлик йўналишида ҳамкорлик ўрнатилди;

🏦 Қишлоқ қурилиш банк "Яшил истеъмол" акцияси ғолибларини тақдирлади;

🏦 MKBANK Навоий минтақавий филиали янги бинода фаолиятини давом эттирмоқда;

🏦"Асакабанк" АЖ Халқаро Инвестиция Банки билан ҳамкорлик доираси шартномаси имзолади;

🏦 Россиядан ноқонуний нақд пуллар, асосан, БАА, Тожикистон, Туркия ва Ўзбекистон йўналишида олиб чиқилмоқда;

💵 Валюта биржасида АҚШ доллари курси 34 сўм 91 тийинга ошди ва 7 октябрдан бошлаб расмий курс 11 063 сўм 5 тийинни ташкил қилмоқда.

#дайжест

🏦 “Туркистон” хусусий акциядорлик тижорат банкидан банк фаолиятини амалга ошириш ҳуқуқини берувчи лицензия чақириб олинди

Марказий банк бошқарувининг 2022 йил 7 октябрдаги 22/1-сонли қарорига асосан “Туркистон” хусусий акциядорлик тижорат банкидан банк фаолиятини амалга ошириш ҳуқуқини берувчи лицензия чақириб олинди.


@bankers_uz

🏦 “HI-TECH BANK” хусусий акциядорлик тижорат банкидан банк фаолиятини амалга ошириш ҳуқуқини берувчи лицензия чақириб олинди

Марказий банк бошқарувининг 2022 йил 7 октябрдаги 22/2-сонли қарорига асосан “HI-TECH BANK” хусусий акциядорлик тижорат банкидан банк фаолиятини амалга ошириш ҳуқуқини берувчи лицензия чақириб олинди.


@bankers_uz

🏦 Жисмоний шахсларнинг кредитлари бўйича тўлов тартиблари ўзгартирилмоқда

Марказий банк томонидан Ўзбекистон Республикасининг “Ўзбекистон Республикаси Фуқаролик кодексининг 248-моддасига ўзгартириш киритиш тўғрисида”ги Қонуни лойиҳаси ишлаб чиқилиб, норматив-ҳуқуқий ҳужжатлар муҳокамаси порталига муҳокама учун жойлаштирилди.

Мазкур лойиҳада Кодекс билан белгилаб қўйилган пул мажбуриятлари бўйича талабларни қондириш навбатига доир нормаларга тегишли ўзгартиришлар киритилмоқда.

Ҳозир амалиётда фуқароларнинг амалдаги микроқарз ёки кредит шартномаларига асосан амалга оширилаётган тўлов суммалари пул мажбуриятларининг тўлиқ қоплаш учун етарли бўлмаса, ижрони олишга қаратилган чиқимлар, ҳисобланган фоизлар, сўнгра қарзнинг асосий қисмига йўналтирилади. Таклиф этилаётган ўзгартиришлар билан жисмоний шахсларга ажратилган микроқарз ёки кредит бўйича амалга оширилаётган тўлов суммалари пул мажбуриятларининг тўлиқ қоплаш учун етарли бўлмаса, биринчи навбатда, асосий қарз бўйича тўловларнинг қайтарилишига йўналтирилади.


@bankers_uz

🏦 Ўзсаноатқурилишбанк Венгрия банклари билан ҳамкорликни кенгайтирмоқда

Жорий йилнинг 3 октябрь куни Ўзбекистон Республикаси Президенти Ш.Мирзиёевнинг Венгрияга ташрифи арафасида Будапешт шаҳрида бўлиб ўтган ўзбек-венгер бизнес-форумида Ўзсаноатқурилишбанк ва Венгрия банклари ўртасида янги келишувларга эришилди.

Хусусан, ЎзСҚБ ва Венгрия Эксимбанки ўртасида венгриялик экспортёрлар иштирокида савдо ва инвестиция лойиҳаларини молиялаштириш соҳасида ҳамкорликни фаоллаштиришга қаратилган ўзаро англашув меморандуми имзоланди..

Бундан ташқари, Венгрия Райффайзенбанки билан “яшил” банк соҳасида тажриба ва фикр алмашилди ҳамда томонлар билан савдони молиялаштириш, халқаро ва маҳаллий молиявий операцияларни амалга оширишни янада яхшилаш, молиявий ечимларни оптималлаштириш чора-тадбирларини кучайтириш бўйича ҳамкорликни кенгайтиришга келишиб олдилар.


@bankers_uz

🏦 Инфинбанк 1-ярим йилликдаги соф фойдасини акциядорлар улушини ошириш орқали устав капиталини кўпайтиришга йўналтиради

ЧЭКИ "Invest Finance Bank" АТБ 28 сентябрь куни акциядорлар умумий йиғилишини ўтказди. Йиғилишда банкнинг 2022 йил I ярим йиллиги якунига кўра олган 70,4 млрд. сўм соф фойдасини тақсимлаш қарори қабул қилинди.

Маълум бўлишича, банк соф фойдасининг 70 млрд. сўми акциядорларга дивиденд шаклида ҳисобланади. Мазкур дивидендлар ҳисобидан банкнинг қўшимча акцияларини сотиб олиш амалга оширилади ва дивиденд маблағлари капитализацияга йўналтирилади. Бунда ҳар бир дона оддий акция учун 175 сўм миқдорида (даромадлилик 17,5 фоиз) дивиденд ҳисобланиши маълум бўлди.

Биринчи ярим йилликдаги соф фойданинг қолган қисми — 403,6 млн. сўми акциядорлар томонидан тегишли қарор қабул қилингунига қадар тақсимланмаган фойда шаклида қолдиришга қарор қилинган.


@bankers_uz

🏦 Қишлоқ қурилиш банк FPO бўйича фаол иш олиб бормоқда

АТБ “Қишлоқ қурилиш банк” акцияларини оммавий савдога чиқариш бўйича фаол иш олиб бормоқда.

Банк бу борада “Аvesta Investment Group” МЖЧ билан андеррайтерлик хизматларини кўрсатиш бўйича шартнома имзолади.

Эндиликда шартнома доирасида банкнинг қўшимча акцияларини (FPO) маҳаллий фонд биржаси орқали инвесторларга бирламчи оммавий жойлаштириш ишлари амалга оширилади.

Маълумот учун: FPO (follow-on public offering) — бу фонд биржаси котировкаларига киритилган компаниянинг инвесторлари учун қўшимча акцияларнинг сотувга чиқарилиши. Такрорий таклиф — бу компания томонидан бирламчи оммавий таклифдан (IPO) кейин амалга оширилган қўшимча акцияларнинг чиқарилиши. Кейинги таклифлар иккинчи даражали таклифлар сифатида ҳам танилган.


@bankers_uz

🏦 "Фуқароларимиздан омонат маблағларини қайтарилмай қолишидан хавотир олмасликларини сўраймиз" — Марказий банк фаолияти тугатилаётган банклар бўйича қўшимча ахборот берди

Марказий банкнинг тегишли қарори билан лицензияси чақириб олинган банклар — “Туркистон” хусусий акциядорлик тижорат банки ва “Hi-tech bank” хусусий акциядорлик тижорат банки билан боғлиқ вазият юзасидан Марказий банк матбуот котиби Акмал Назаров қўшимча ахборот берди.

Баёнотда ушбу банклардан лицензияни чақириб олиш сабаблари, банкдаги омонатчилар ва кредиторлар маблағларининг тақдири, шунингдек банкда хизмат кўрсатилган тадбиркорлар учун зарур маълумотлар берилган.

Батафсил - https://bankers.uz/news/851


@bankers_uz