🏦 Бизнесни ривожлантириш банки “БРБ ёш иқтидорлари” клубини очди

Куни кеча “БРБ ёш иқтидорлари” клубининг очилиш маросими ва тақдимоти ўтказилди. Тадбирда банк бошқаруви, йўналишлар раҳбарлари, ёш мутахассислар ҳамда ОАВ вакиллари иштирок этди. “Ёшлар ва бизнесни қўллаб қувватлаш йили” муносабати билан банкдаги ёш ходимларни ҳар томонлама қўллаб-қувватлаш ва малакасини ошириш мақсадида бошланган лойиҳа тақдимотида банк бошқаруви раиси С.Аннакличев қатнашди ва ёшларга тилакларини билдирди.

Батафсил: https://bankers.uz/news/1495


@bankers_uz

🏦 Tenge Bank бизнес учун автотранспорт воситаларини сотиб олишга кредитлар таклиф этмоқда

Tenge Bank юридик шахслар ва ЯТТлар учун 5 млрд сўмгача бўлган автомобиллар ёки махсус техникаларни сотиб олишга, 5 йиллик муддатли молиялаштириш дастурини янгилади. Автомобилларни бирламчи ва иккиламчи бозордан расмийлаштириш мумкин. Дастлабки тўлов миқдори янги автомобиллар учун 25% ни, фойдаланилган автомобиллар учун 30% ни, юк машинаси ёки махсус техникалар учун эса 30% ни ташкил қилади. Қўшимча маълумот расмий веб-саҳифа ёки 1245 рақами орқали.

Батафсил: https://bankers.uz/news/1496

@bankers_uz

🏦 Олтин-валюта захиралари апрель ойида 918 млн долларга кўпайган

Олтин нархининг ортиши ҳисобига Ўзбекистоннинг олтин-валюта захиралари кетма-кет иккинчи ой ўсишда давом этмоқда. Апрель ойида мамлакат захиралари 918 млн долларга кўпайиб, 35,1 млрд долларни ташкил қилган. Захиралар таркибидаги олтин ҳажми бир ойда деярли ўзгармаган бўлса-да, унинг қиймати +1 159,2 млрд долларга ошган. Хорижий валютадаги захира активлари апрель ойи давомида 238,6 млн долларга камайиб, 8,0 млрд долларни ташкил қилган.

Батафсил: https://bankers.uz/news/1497

@bankers_uz

🏦 Марказий банк апрель ойида 9 та банкка жарима қўллади

МБнинг Банк назорати қўмитаси апрель ойида 7 марта йиғилиш ўтказган ва унда жами 49 та масала муҳокама қилинган. Хабар берилишича, қонунчилик ва ўрнатилган иқтисодий меъёрлар талабларига риоя қилмаганлиги ва аниқланган қоидабузарликлар учун 9 та банкка жарима санкциялари қўллашга қарор қилинган. Ўтказилган текширувлар натижасида аниқланган қоидабузарликлар учун эса 16 та банк ва 2 та микромолия ташкилоти огоҳлантирилган.

Батафсил: https://bankers.uz/news/1498

@bankers_uz

🏦 Халқ банки чарм саноати тармоғи ривожига масъул бўлади — президент

“Чармсаноат” уюшмаси фаолияти ўзгартирилиб, бу тармоққа Халқ банки бириктирилади. Президент Халқ банки бошқарув раиси Шуҳрат Атабаев ва Савдо-саноат палатаси раиси Даврон Ваҳобовга вилоят ҳокимлари билан биргаликда бир ой муддат ичида тадбиркорларни топиб, 14 та кичик саноат зонасида 100 млн долларлик лойиҳалар бошлаши бўйича топшириқ берди.

Батафсил: https://bankers.uz/news/1500


@bankers_uz

💳 Беҳзод Абдураҳмонов Ўзбекистондаги Visa минтақавий бўлинмаси раҳбари этиб тайинланди

2020 йилдан Visa компаниясининг Ўзбекистон ва Туркманистон банкларида бизнесни ривожлантириш бўйича менежери лавозимида ишлаб келаётган Беҳзод Абдураҳмонов компаниянинг Ўзбекистондаги минтақавий раҳбари этиб тайинланди. У ўзининг янги лавозимида бутун мамлакат бўйлаб Visa бизнесини бошқариш ва ривожлантиришга масъул бўлади.

Батафсил: https://bankers.uz/news/1501


@bankers_uz

🏦 Агробанк бошқарув раисига янги ўринбосар тайинланди

2022 йилдан Агробанкда Риск Департаменти директори лавозимида ишлаб келган Фарход Бадриддинович Насриев ушбу банк бошқаруви раиси ўринбосари этиб тайинланди. Фарход Насриев (1988 й.т.) Тошкент молия институти, Банк-молия академияси ҳамда Британиянинг Сассекс университетини тамомлаган. Банк тизимида 2006 йилдан, 2011 йилдан буён Агробанк тизимида турли лавозимларда, шу жумладан, Тошкент вилоят филиали раҳбари, бошқарма ва департамент директори лавозимларида фаолият юритган.

Батафсил: https://bankers.uz/news/1502


@bankers_uz

🏦 Ўзсаноатқурилишбанк Марказий Осиёдаги энг фаол эмитент банклардан бири сифатида эътироф этилди

7-9 май кунлари Испаниянинг Барселона шаҳрида Жаҳон Банки гуруҳи таркибига кирувчи Халқаро молия корпорациясининг “Глобал савдо ҳамкорлари тадбири” бўлиб ўтди. Тадбир доирасида Ўзсаноатқурилишбанкнинг ХМК кўмагида амалга оширилган лойиҳалари эътироф этилди ва банк "Марказий Осиёда энг фаол эмитент банк”лардан бири сифатида (“Outstanding GTFP issuing bank, dynamic growth, Central Asia” award) тақдирланди.

Батафсил: https://bankers.uz/news/1503


@bankers_uz

💳 HUMO тўлов тизимининг I чоракдаги соф фойдаси қарийб 88 фоизга ошди

Миллий банклараро процессинг маркази (HUMO тўлов тизими)нинг жорий йил январь-март ойларида соф фойдаси 37,4 млрд сўмни ташкил этди ва ўтган йил мос даврига нисбатан 87,6% га ортди. Аввалроқ HUMO'нинг 2023 йилдаги соф фойдаси ҳам 2022 йилга нисбатан қарийб икки баробарга ортгани маълум бўлганди. Эслатиб ўтамиз, 2024 йил 19 апрелдаги Президент қарорига асосан HUMO тўлов тизимидаги 100 % давлат улуши тўлиқ сотилиши кўзда тутилган.

Батафсил: https://bankers.uz/news/1504


@bankers_uz

🏦 Асакабанк учинчи бор Ўзбекистондаги энг фаол эмитент банк сифатида эътироф этилди

Жорий йил 14 май куни Ереван шаҳрида бўлиб ўтган Европа тикланиш ва тараққиёт банки (ЕТТБ) Бошқарувчилар кенгашининг 33-йиллик йиғилиши ҳамда бизнес-форумида Асакабанк ЕТТБ билан ҳамкорликда Ўзбекистонда савдони молиялаштириш бўйича энг фаол эмитент банк сифатида эътироф этилди. Бу 2019 йил сентябрь ойида ЕТТБ савдони молиялаштириш дастурига қўшилган Асакабанк учун учинчи бор эътироф ҳисобланади.

Батафсил: https://bankers.uz/news/1507


@bankers_uz

🏦 Мадад Инвест банк ва Tune Consulting банкни рақамлаштириш лойиҳасини ишга туширди

"Мадад Инвест Банк" АТБ ҳамда Ўзбекистон банклари учун рақамли ечимлар таклиф қилувчи "Tune Consulting" компанияси ўртасида банк маҳсулот ва хизматларини рақамлаштириш, уларни босқичма-босқич бозорга чиқариш режаси юзасидан келишувга эришилди. “Мадад Инвест банк билан ҳамкорликдаги лойиҳа биз учун жиддий чақириқ ҳисобланади", — деб таъкидлаган компания асосчиси ва раҳбари Фарҳод Обидхонов.

Батафсил: https://bankers.uz/news/1508


@bankers_uz

🏦 Ориент Финанс Банк UZCARD билан биргаликда “Омадингизни белгиланг!” акциясини бошлади!

Бош соврин — iPhone 15 Pro учта бахтли ғолибга берилади.

Иштирок этиш учун нима қилиш керак:

1️⃣ Янги “OFB” мобил иловасини юклаб олинг, ўрнатинг ва идентификациядан ўтинг;
2️⃣ Акция бошланишидан олдин ёки унинг давомида банкда 5614 рақам билан бошланувчи Uzcard картасини очинг;
3️⃣ Карта ёрдамида қуйидаги амалиётлардан бирини амалга оширинг: картага ўтказиш (p2p), хизматлар учун тўлов, валюта конвертацияси, депозит очиш.

Акция 20 июлгача давом этади. Ҳар ой битта iPhone 15 Pro совға қилинади.