💥#چیلله_گئجه‌سی، یوخسا یوخسول‌لارین آغیر گئجه‌سی
🖌 #محمد_رحمانی_فر
🔹هر ایله تای بو ایل ده چیلله گئجه‌سینه نئچه گون قالاندان، سانال دونیادا چالیشان یولداش‌لاریمیز بو گئجه‌نی قوتلاماغا باشلایییبلار. بو آرادا بو گئجه‌یه باغلی اولان آیری-آیری قونولاردا گؤزل-گؤزل یازی‌لار دا پایلاشیلماقدادیر. کیمیسی بو گئجه‌نین فلسفه‌سیندن یازیر. کیمیسی بو گئجه‌نین میفیک تمللریندن سؤز آچیر. کیمیسی بو گئجه‌نین دب‌لریندن دانیشیر. کیمیسی بو گئجه‌یه باغلی اولان شعرلری، ناغیل‌لاری، بایاتی‌لاری، هابئله ننه‌بابا سؤزلرینی پایلاشیر.
🔹منجه بونلارین هامیسی اولدوقجا اؤنملی قونولار ساییلیرلار. چیلله گئجه‌سی بیزیم ننه‌بابالاریمیزدان گلیب بیزه چاتان معنوی بیر دب‌دیر. بیزسه بوتون دب‌لریمیزله بیرلیکده بو گؤزل دَبی ده قورومالیییق. اؤزل‌لیک‌له بیزیم کیملیییمیزی، بیزیم وارلیغیمیزی دانانلارین قارشیسیندا کیملیییمیزین هابئله وارلیغیمیزین گؤسترگه‌سی ساییلان بو کیمی دب‌لریمیزی قوروماقدا هئچ کیم، هئچ نه بیزی اوساندیرا بیلمه‌یه‌جک‌دیر.
🔹بونا گؤره من یوخاریدا وورغولادیغیم هابئله وورغولامالارینی اونوتدوغوم اونلارا تای قونولاردا یازی یازیب پایلاشان یولداش‌لارین هامیسینین اؤنونده باش اَییرم. بونلار بیزیم معنوی دب‌لریمیزی تانیتدیرماقدا هابئله بو دب‌لری قوروماقدا اؤنملی ایش‌لر گؤرورلر. آنجاق، بو یازی‌دا بونلارین سانباللی چالیشمالارینی هئچ ده کوچومسه‌مه‌دن بو اولایا باشقا آچیدان دا باخمالی اولدوغوموزو دیله گتیرمک ایسته‌ییرم.
🔹بیلدییینیز کیمی ائلیمیز، اؤلکه‌نین اقتصادی گرگین‌لییینه گؤره، بو ایل چوخ آغیر دورومدادیر. اینانیرام چوخلو آتالار بو شکیل‌لرینی پایلاشدیغیمیز یئددی بویالی یاش-قورو یئمیش‌لری آلیب ائولرینه گؤتوره بیلمه‌یه‌جکلر. اینانیرام بو چیلله گئجه‌سی چوخلو آتالار اوتانجاقدان بالالارینین گؤزلرینه باخا بیلمه‌یه‌جکلر. اینانیرام چیلله گئجه‌سی اؤلکه تیلویزیونونون آیری-آیری کانال‌لاریندان یاییملانان یئددی بویالی یاش-قورو یئمیش‌لرله دولو اولان گؤرونتولر چوخلو بالالارین اوره‌یینه اوزونتو، چوخلو آتا-آنالارین اوره‌یینه ایسه اود سالاجاقدیر.
🔹آنجاق، بونو دا ایندی‌دن بیلیرم، نئچه گون سونرا مسیحی‌لرین بایرامی یئتیشدیکده، ائله بو تیلویزیونونون دونیایا سَپه‌لنمیش مخبرلری دونیانین دؤرد بوجاغیندان بایرام گئجه‌سی یوخسوللوق‌لاریندان دولایی ایسته‌دیک‌لرینی آلا بیلمه‌ین آدام‌لاری دیله توتوب اونلارین آغیر دوروم‌لارینی بیزلره چاتدیرماغا چالیشاجاقلار. البته، من غئیب بیلمک ادعاسیندا دئییلم. بونلاری بیلمک اوچون عیبه‌جر بیلیم‌لره یییه‌لنمک گرکمیر. بونلار بیزیم هر ایل بو تیلویزیوندان گؤردویوموز گؤرونتولردیر. بو مخبرلر یالنیز دونیا یوخسول‌لارینین سس‌لرینی بیزلره چاتدیرماقدا اؤزلرینی گؤرَولی بیلیرلر. بونلار نه تکجه اؤز یوخسول‌لاریمیزین سس‌لرینه سس وئرمکده گؤرَولی دئییل‌لر، بلکه تام ترسینه ال‌لریندن گلدییی قدر بو سس‌لری باتیرماغا چالیشیرلار.
🔹گؤره‌سن بو آرادا بیزلرین گؤرَوی نه‌دیر؟ یالنیز چیلله گئجه‌سینین دَب‌لریندن یاخود میفیک تمللریندن دانیشماق می، یوخسا باشقا گؤرَو‌لریمیزی ده دوشونوب یئرینه یئتیرمک می؟ یوخسول‌لارین الیندن توتماق الیمیزدن گلمیرسه؛ گلین، ان آزی پایلاشدیغیمیز شکیل‌لردن گؤز-قولاق اولاق! یوخسول‌لارین سسی اولا بیلمه‌ییریک‌سه؛گلین، ان آزی اونلارین باتمیش سس‌لرینین ائشیدنی اولاق! گلین، اونلارا اونلارین آجی‌لاریندان خبرسیز اولمادیغیمیزی بیلدیرک! گلین...
🌎 آرازنیوز ایله اؤزگورلوگه دوغرو...
🔗 @ArazNews
🖌 #محمد_رحمانی_فر
🔹هر ایله تای بو ایل ده چیلله گئجه‌سینه نئچه گون قالاندان، سانال دونیادا چالیشان یولداش‌لاریمیز بو گئجه‌نی قوتلاماغا باشلایییبلار. بو آرادا بو گئجه‌یه باغلی اولان آیری-آیری قونولاردا گؤزل-گؤزل یازی‌لار دا پایلاشیلماقدادیر. کیمیسی بو گئجه‌نین فلسفه‌سیندن یازیر. کیمیسی بو گئجه‌نین میفیک تمللریندن سؤز آچیر. کیمیسی بو گئجه‌نین دب‌لریندن دانیشیر. کیمیسی بو گئجه‌یه باغلی اولان شعرلری، ناغیل‌لاری، بایاتی‌لاری، هابئله ننه‌بابا سؤزلرینی پایلاشیر.
🔹منجه بونلارین هامیسی اولدوقجا اؤنملی قونولار ساییلیرلار. چیلله گئجه‌سی بیزیم ننه‌بابالاریمیزدان گلیب بیزه چاتان معنوی بیر دب‌دیر. بیزسه بوتون دب‌لریمیزله بیرلیکده بو گؤزل دَبی ده قورومالیییق. اؤزل‌لیک‌له بیزیم کیملیییمیزی، بیزیم وارلیغیمیزی دانانلارین قارشیسیندا کیملیییمیزین هابئله وارلیغیمیزین گؤسترگه‌سی ساییلان بو کیمی دب‌لریمیزی قوروماقدا هئچ کیم، هئچ نه بیزی اوساندیرا بیلمه‌یه‌جک‌دیر.
🔹بونا گؤره من یوخاریدا وورغولادیغیم هابئله وورغولامالارینی اونوتدوغوم اونلارا تای قونولاردا یازی یازیب پایلاشان یولداش‌لارین هامیسینین اؤنونده باش اَییرم. بونلار بیزیم معنوی دب‌لریمیزی تانیتدیرماقدا هابئله بو دب‌لری قوروماقدا اؤنملی ایش‌لر گؤرورلر. آنجاق، بو یازی‌دا بونلارین سانباللی چالیشمالارینی هئچ ده کوچومسه‌مه‌دن بو اولایا باشقا آچیدان دا باخمالی اولدوغوموزو دیله گتیرمک ایسته‌ییرم.
🔹بیلدییینیز کیمی ائلیمیز، اؤلکه‌نین اقتصادی گرگین‌لییینه گؤره، بو ایل چوخ آغیر دورومدادیر. اینانیرام چوخلو آتالار بو شکیل‌لرینی پایلاشدیغیمیز یئددی بویالی یاش-قورو یئمیش‌لری آلیب ائولرینه گؤتوره بیلمه‌یه‌جکلر. اینانیرام بو چیلله گئجه‌سی چوخلو آتالار اوتانجاقدان بالالارینین گؤزلرینه باخا بیلمه‌یه‌جکلر. اینانیرام چیلله گئجه‌سی اؤلکه تیلویزیونونون آیری-آیری کانال‌لاریندان یاییملانان یئددی بویالی یاش-قورو یئمیش‌لرله دولو اولان گؤرونتولر چوخلو بالالارین اوره‌یینه اوزونتو، چوخلو آتا-آنالارین اوره‌یینه ایسه اود سالاجاقدیر.
🔹آنجاق، بونو دا ایندی‌دن بیلیرم، نئچه گون سونرا مسیحی‌لرین بایرامی یئتیشدیکده، ائله بو تیلویزیونونون دونیایا سَپه‌لنمیش مخبرلری دونیانین دؤرد بوجاغیندان بایرام گئجه‌سی یوخسوللوق‌لاریندان دولایی ایسته‌دیک‌لرینی آلا بیلمه‌ین آدام‌لاری دیله توتوب اونلارین آغیر دوروم‌لارینی بیزلره چاتدیرماغا چالیشاجاقلار. البته، من غئیب بیلمک ادعاسیندا دئییلم. بونلاری بیلمک اوچون عیبه‌جر بیلیم‌لره یییه‌لنمک گرکمیر. بونلار بیزیم هر ایل بو تیلویزیوندان گؤردویوموز گؤرونتولردیر. بو مخبرلر یالنیز دونیا یوخسول‌لارینین سس‌لرینی بیزلره چاتدیرماقدا اؤزلرینی گؤرَولی بیلیرلر. بونلار نه تکجه اؤز یوخسول‌لاریمیزین سس‌لرینه سس وئرمکده گؤرَولی دئییل‌لر، بلکه تام ترسینه ال‌لریندن گلدییی قدر بو سس‌لری باتیرماغا چالیشیرلار.
🔹گؤره‌سن بو آرادا بیزلرین گؤرَوی نه‌دیر؟ یالنیز چیلله گئجه‌سینین دَب‌لریندن یاخود میفیک تمللریندن دانیشماق می، یوخسا باشقا گؤرَو‌لریمیزی ده دوشونوب یئرینه یئتیرمک می؟ یوخسول‌لارین الیندن توتماق الیمیزدن گلمیرسه؛ گلین، ان آزی پایلاشدیغیمیز شکیل‌لردن گؤز-قولاق اولاق! یوخسول‌لارین سسی اولا بیلمه‌ییریک‌سه؛گلین، ان آزی اونلارین باتمیش سس‌لرینین ائشیدنی اولاق! گلین، اونلارا اونلارین آجی‌لاریندان خبرسیز اولمادیغیمیزی بیلدیرک! گلین...
🌎 آرازنیوز ایله اؤزگورلوگه دوغرو...
🔗 @ArazNews
💥اقدام قابل تحسین شهرداری #خوی
🔹نصب بنرهای تبریک #چیلله_گئجه‌سی به #زبان_تورکی سطح شهر(میدان ولیعصر)
🔹 انشالله در سال آینده نسبت به نوشتاری درست زبان تورکی بیشتر دقت خواهند کرد.
🌎 آرازنیوز ایله اؤزگورلوگه دوغرو...
🔗 @ArazNews
🔹نصب بنرهای تبریک #چیلله_گئجه‌سی به #زبان_تورکی سطح شهر(میدان ولیعصر)
🔹 انشالله در سال آینده نسبت به نوشتاری درست زبان تورکی بیشتر دقت خواهند کرد.
🌎 آرازنیوز ایله اؤزگورلوگه دوغرو...
🔗 @ArazNews
💥اقدام قابل تحسین شهرداری #اورمیه
🔹نصب بنرهای تبریک #چیلله_گئجه‌سی به #زبان_تورکی در سطح شهر اورمیه
🌎 آرازنیوز ایله اؤزگورلوگه دوغرو...
🔗 @ArazNews
🔹نصب بنرهای تبریک #چیلله_گئجه‌سی به #زبان_تورکی در سطح شهر اورمیه
🌎 آرازنیوز ایله اؤزگورلوگه دوغرو...
🔗 @ArazNews