Оммавий югуриш марафонида ўн минг киши қатнашди

Бобур шаҳрида «Eco-Save Aral-2025 va Inson uchun» халқаро хайрия ва экологик оммавий югуриш марафони ташкил этилди.

Соғлом турмуш тарзини тарғиб қилиш, югуриш спорт турини оммалаштириш, экологик барқарорликни таъминлаш ва аҳолининг турли қатламларини жисмоний фаолиятга жалб қилиш мақсадида ташкил этилган мазкур марафонда вилоятидаги олий таълим муассасалари талабалари, умумтаълим мактаблари ўқувчилари, имконияти чекланган шахслар ва 7 ёшдан 70 ёшгача бўлган аҳоли қатлами вакиллари иштирок этди. Ушбу тадбирда қарийб ўн мингга яқин иштирокчи қатнашди.

Марафон шартига кўра, белгиланган масофани биринчилардан бўлиб босиб ўтган турли ёшдаги эркак ва аёл иштирокчилар ташкилотчиларнинг диплом ва эсдалик совғалари билан тақдирланди.

Facebook | YouTube | Web-site
Instagram | Telegram

Аҳмадалиев Аброрбек Қосимжонович
Андижон вилояти Избоскан тумани ҳокими лавозимига тайинланди.

Аброр Аҳмадалиев 1988 йилда Избоскан туманида туғилган. 2012 йилда Андижон машинасозлик институтини тамомлаган.

Меҳнат фаолияти давомида Андижон вилояти иқтисодиёт бош бошқармаси 1-тоифали мутахассиси, Андижон вилояти ҳокимлиги ахборот-таҳлил хизмати бош мутахассиси, Андижон вилояти ҳокимлиги молия-иқтисодиёт ва камбағалликни қисқартириш масалалари бўйича котибиятининг мудири,  Андижон вилояти Камбағалликни қисқартириш ва бандлик бош бошқармаси бошлиғининг ўринбосари - Маҳаллабай ишлаш ва тадбиркорликни ривожлантириш бошқармаси бошлиғи вазифаларида фаолият олиб борган.

Ушбу лавозимга тайинлангунига қадар Андижон вилояти  Камбағалликни қисқартириш ва бандлик бош бошқармаси бошлиғи  лавозимида фаолият юритаётган эди.  

Facebook | YouTube | Web-site
Instagram | Telegram

#live
Айни дамда вилоят ҳокими Шуҳратбек Абдураҳмонов "Ипак йўли" эркин иқтисодий саноат зонасида хорижлик инвесторлар билан учрашмоқда.

Facebook | YouTube | Web-site
Instagram | Telegram

Тадбиркорлик ҳудуд иқтисодиётининг мустаҳкамлиги асоси. Бугунги кунда Қўрғонтепа туманида ҳам кўплаб тадбиркорлик корхоналари фаолият олиб бормоқда. Улардан бири "Big life" МЖЧ.

Лойиҳа қиймати 3 млн доллар бўлган ушбу корхона спорт кийимларини ишлаб чиқаришни йўлга қўйган. Натижада 200 дан зиёд ҳудуд аҳолиси иш билан таъминланди.

Facebook | YouTube | Web-site
Instagram | Telegram

#live
Айни дамда Бобур шаҳрида вилоят ҳокими Шуҳратбек Абдураҳмонов тадбиркорлик фаолиятини йўлга қўймоқчи бўлган, фаолият олиб боришида турли қийинчиликларга учраётган тадбиркорлар билан учрашиб, мулоқот қилмоқда.

Facebook | YouTube | Web-site
Instagram | Telegram