አለሕግAleHig ️

የፌደራል የአስተዳደር ተቋሞች
የአሠራር ሥነ-ሥርዓት አዋጅ
(ረቂቅ)
የፌደራል ጠቅላይ ዐቃቤ ሕግ

1.96K viewsAlemwaza, edited 07:17

2.35K viewsAlemwaza, 07:29

🔴በሌላ አለ ዜና ዛሬ......

የፍትሕ ወር በተለያዩ ፍትሕ ነክ ክንውኖች እንደሚከበር ተገለጸ

የፍትሕ ወር "የሕግ ተገዥ ነኝ!" በሚል መሪ ቃል ከሐምሌ 26 ቀን 2011 ዓ.ም ጀምሮ በተለያዩ ፍትሕ ነክ ዝግጅቶች እንደሚከበር የፌዴራል ፍትህ አካላት ጥምረት አብይ ኮሚቴ ሐምሌ 25 ቀን 2011 ዓ.ም በስካይ ላይት ሆቴል በጋራ በሰጡት ጋዜጣዊ መግለጫ ገለጹ፡፡

አምስቱ የፍትሕ አካላት በመባል የሚታወቁት የፌደራል ጠቅላይ ፍርድ ቤት፣ የፌደራል ጠቅላይ አቃቤ ሕግ፣ የፌደራል ማረሚያ ቤቶች አስተዳደር፣ የፌደራል ፖሊስ ኮሚሽን እና የአዲስ አበባ ፖሊስ ኮሚሽን በጋራ በመሆን ከ2003 ዓ.ም ጀምሮ በየዓመቱ "የፍትሕ ሳምንት" በማዘጋጀት ሕብረተሰቡ ስለፍትሕ አስፈላጊነት ግንዛቤ እንዲኖረውና ለፍትሕ መስፈን የድርሻውን እንዲወጣ የተለያዩ የግንዛቤ ማስጨበጫ ፕሮግራሞች ሲካሄዱ መቆታቸውን አስታውሰው ዘንድሮ በሚከበረው የፍትሕ ወር ደግሞ የተለያዩ የሕብረተሰብ ክፍሎች ተሳታፊ የሚሆኑባቸው የውይይት መድረኮችና አሳታፊ የሥነጥበብ ዝግጅቶች እንደሚካሄዱ በመግጫቸው ጠቁመዋል፡፡

አገራችን በለውጥ ሒደት ላይ መሆንዋን የገለጹትና ይህም በአንድ በኩል ተስፋ በሌላ በኩል ደግሞ ተግዳሮቶችን ይዞ እንደሚመጣ የገለጹት የፌደራል ጠቅላይ ፍርድ ቤት ፕሬዝደንት ወ/ሮ መዓዛ አሸናፊ በአገራዊ ለውጡ አማካኝነት በፍትሕ ዘርፉ የሚኖረውን መልካም አጋጣሚዎች ለማጠናከር እንዲሁም በዘርፉ ሊኖሩ የሚችሉ ተግዳሮቶችን ትክክለኛ መስመር አስይዞ ሕብረተሰቡ የፍትሕ ተጠቃሚ እንዲሆን በቅርበት ማወያየት እንደሚገባ አስምረውበታል፡፡

በፍትሕ ወር ከሚካሄዱ የተለያዩ ፕሮግራሞች የመጀመሪያው ሐምሌ 26 ቀን 2011 ዓ.ም በስካይ ላይት ሆቴል የሚካሄደውና 300 ያህል ተጋባዦች የሚሳተፉበት ሃገር አቀፍ ፎረም እደሚካሄድም ተናግረዋል፡፡ ፎረሙ በሽግግር ወቅት በመደበኛ የፍትሕ ስርዓቱ ላይ በሚያጋጥሙ ችግሮችና የመፍትሔ እርምጃዎች እንዲሁም የሕብረተሰቡ ሚና የሚዳሰስበት መድረክ እንደሚሆነም አስገንዝበዋልዋል፡፡

ይህን ተከትሎም ፍትህ ነክ የተውኔት፣ የዶክመንተሪ ፊልም የስዕል ኤግዚቢሽን እንደሚኖር በጋዜጣዊ መግለጫው ላይ የተጠቀሰ ሲሆን የፍትሕ ወር ከመጠቃለሉ በፊት ደግሞ ከፍትሕና ከባለድርሻ አካላት እንዲሁም ከልዩ ልዩ የሕብረተሰብ ክፍሎች የሚወከሉ 3000 ያህል ተሳታፊዎች የሚሳተፉበት ሕዝባዊ የውይይት መድረክ እንደሚኖርም ተገልጽዋል፡፡

የፍትሕ ወር በሚጀመርበትና በስካይ ላይት ሆቴል የሐምሌ 26 ቀን 2011 ዓ.ም በሚካሄደው መድረክ ላይ የክልል ርዕሰ-መስተዳድሮች፣ የክልል ጠቅላይ ፍርድ ቤት ፕሬዝዳንቶችና ም/ፕሬዜዳንቶች፣ የክልል ፖሊስ ኮሚሽን ኮሚሽነሮች፣ የማረሚያ ቤቶች ከፍተኛ የሥራ ኃላፊዎች፣ የአቃቤ ሕግ ጽ/ቤት ኃላፊዎች እንዲሁም የፌደራል ፍትሕ አካላት፣ የሲቪክ ማሕበረሰብ አባላትና ሌሎችም ተጋባዥ እንግዶች እንደሚሳተፉ ታውቋል፡፡

ዓብይ ኮሚቴው የአምስቱን የፍትህ ተቋማት ሃላፊዎች በአባልነት በመያዘ በፌዴራል ጠቅላይ ፍርድ ቤት ፕሬዝደንት ሰብሳቢነት በ2002 ዓ.ም የተቋቋመ ሲሆን የፍትህ ተቋማቱ ነጻነትና ገለልተኝነት እንደተጠበቀ በፍትህ ስርዓቱ በተለይም በወንጀል ፍትህ አስተዳደር የየራሳቸውን ሃላፊነት ሲወጡ በጋራ በሚያገናኟቸው ጉዳዮች ላይ ይመክራል፡፡ የአገልግሎት አሰጣጥ ቅልጥፍናና ውጤታማነትን ለማሳደግ የሚያስችል የአሰራርና የአደረጃጀት ማስተካከያዎች ለማድረግ የሚያስችሉ ሃሳቦችንም ያመነጫል፡፡

የፍትህ አካላት የሃገርን ሰላምና ደህንነትን ለማረጋገጥና ፍትህን ለማስፈን ወንጀልን የመከላከል፤ ተፈጽሞ ሲገኝ ተጠርጣሪዎችን በህግ ተጠያቂ የማድረግ፤ ዳኝነት የመስጠት በመጨረሻም አጥፊዎችን የማረም እና የማነጽ የተሳሰሩ ተግባራት የማከናወን ሃላፊነቶች ያለባቸው ናቸው፡፡

የፌዴራል የፍትህ አካላቱ ዓብይ ኮሚቴ የፍትህ ሳምንትን ለ8 ተከታታይ ዓመታት ያከበሩ ሲሆን ዘንድሮ ለዘጠነኛ ጊዜ የፍትህ ወር በሚል ስያሜ እና የህግ ተገዢ ነኝ በሚል መሪ ቃል ከሐምሌ 26 ቀን ጀምሮ ለአንድ ወር ያህል በልዩ ልዩ መርሃ ግብሮች የሚከበር ይሆናል፡፡

የፌ/ጠ/ፍ/ቤት ኮሚዩኒኬሽን ጉዳዮች ዳይሬክቶሬት

2.14K viewsAlemwaza, 08:54