በሚቻልባቸው መንገዶች ዙሪያ በረጅም እና በመካከለኛ ጊዜ ውስጥ የሚሰሩ ስራዎችን በመለየት ወደ ስራ መግባት እንደሚቻል ተናግረዋል።

የሳውዘርን ኮፐሬሽን ኦርጋናይዜሽን ሴክሬተሪ ጄኔራል መንሱር ቢን ሙሳላም Mansssour Bin Mussallam Secretary General of the Organization of Southeren Cooperation በበኩላቸው በቀረቡት ፕሮጀክቶች እና በአመራር ልማት ፕሮግራሞቹ ላይ ደስተኛ መሆናቸውን ጠቅሰው፤ የአፍሌክስን የአመራር ልማት ፕሮግራምን በቴክኒክ ለመደገፍ እና በመሰረተ ልማት ላይ አስተዋጽኦ ለማድረግ ዝርዝር ውይይት እንደሚያስፈልግ ተናግረው የቴክኒክ ኮሚቴው በሚያቀርበው ምክረ ሀሳብ መሰረት አጋርነታቸውን እንደሚገልጹ ተናግረዋል።

አቶ ዛዲግ አብርሃ ከሳውዘርን ኮፐሬሽን ኦርጋናይዜሽን ሴክሬተሪ ጄኔራል መንሱር ቢን ሙሳላም Mansssour Bin Mussallam Secretary General of the Organization of Southeren Cooperation (OSC)ጋር ተወያዩ።
ለሴክሬተሪ ጄኔራሉ ስለ አፍሪካ አመራር ልህቀት አካዳሚ ሪፎርም፤ ማስፋትና ሽግግር በርዕሰ አካዳሚው ሰፊ ገለጻ ተደርጎላቸዋል።
አቶ ዛዲግ በገለጻቸው ላይ እንዳብራሩት አካዳሚው አስራ ሶስት ፕሮጀክቶችን ቀርጾ ወደ ስራ እየገባ እንደሆነ እና በሀገራችን የነበረውን የስልጠና ስርአት ወደ አመራር ልማት ፕሮግራም ለማሳደግ ሰፊ ዕቅድ ተይዞ እየተሰራ እንደሆነ ጠቁመው፤ ለዚህም የሚሆን አራት ጠቅላላ እና ሰላሳ ሰባት ልዩ የአመራር ልማት ፕሮግራሞችን ተግባራዊ ለማድረግ እየተሰራ እንደሆነ ተናግረዋል።
አካዳሚው አፍሪካዊ መልክና ይዘት እንዲኖረውም እየተሰራ እንደሆነ ያስታወሱት አቶ ዛዲግ፤ የታቀደውን ለመፈጸም የዓለም አቀፍ ድርጅቶች ድጋፍ እና እገዛ እንደሚያስፈልግም ጠቁመዋል።
አፍሌክስን የኮንፈረንስ ማዕከል ለማድረግም ሱሉሉታን እንደ ዳቮስ የሚል ፕሮጀክት መቀረጹን ያስታወሱት ርዕሰ አካዳሚው፤ ሸገር ሲቲን ከዳቮስ ከተማ ጋር በእህትማማች ከተማ ለማገናኘት ስራ መጀመሩንም ተናግረዋል።
ሳውዘርን ኮፐሬሽን ኦርጋናይዜሽን በአፍሪካ ፕሮግራሞች ላይ በዲዛይን እና ፕሮግራም ቀረጻ ፤ ዓለም አቀፍ ስብሰባዎችን በአፍሌክስ ውስጥ እንዲያደርጉ እና በሀሳብ ማመንጫ ማዕከል ግንባታ ከአፍሌክስ ጋር በትብብር እንዲሰራ አቶ ዛዲግ ግብዣ አቅርበዋል።

የኢኖቬሽንና ቴክኖሎጂ ሚኒስትሩ ክቡር ዶ/ር በለጠ ሞላ በበኩላቸው ክቡር አቶ ዛዲግ በአፍሌክስ ውስጥ በተመደቡ በወራት ውስጥ ታላቅ ሀገራዊ የአመራር ልማት ፕሮግራም እና ፕሮጀክቶችን ቀርጸው ወደ ስራ ለመግባት ያደረጉትን ጥረት አድንቀው፤ ከአመራር ጋር በተያያዘ ያለውን የኢትዮጵያን ፖለቲካል ኢኮኖሚ ስብራት ለመጠገን የአመራር ልማት ፕሮግራሞቹ ከፍተኛ እገዛ እንደሚኖራቸው ተናግረዋል።
በአፍሌክስ ውስጥ ውጤታማ አመራር ማፍራት እና ማብቃት ከተቻለ ምርት እና ምርታማነትን መጨመር እንደሚቻል የጠቀሱት ክቡር ሚኒስትሩ ከአካዳሚው ጋር በመሆን ለአመራር ልማት ዕድገት የበኩላቸውን አሻራ ማሳረፍ እንደሚፈልጉ ተናግረው በዝርዝር በማየት በምን መልኩ ከአፍሌክስ ጋር መስራት እንደሚችሉ መነሻ ጥናት እንዲዘጋጅ አቅጣጫ አስቀምጠዋል።
ከሁለቱም ተቋማት የተውጣጡ የቴክኒክ ኮሚቴም በሁለት ሳምንት ውስጥ መነሻ ሀሳብ እንዲያቀርብ ከስምምነት ላይ ተደርሷል።