ከአፍሌክስ ጋር ለመስራት በሚቻልባቸው ጉዳዮች ላይ ሰፊ ውይይት የተደረገ ሲሆን ዋና ዳይሬክተሩ በአመራር ልማት ፕሮግራም: በአፍሌክስ አዋርድ: በውጭ ሀገር የሚካሄዱ አጫጭር ስልጠናዎችን በመቀነስ እና በማስቀረት አብሮ መስራት እንደሚቻል ጠቁመው: በስራቸው ካሉ ኢንተርፕራይዞች ጋር በመወያየት የሀሳብ ማመንጫ ማዕከል ለመገንባት የሚቻልበት ሁኔታ እንዳለ ተናግረዋል::

አቶ ዛዲግ አብርሃ የአፍሌክስን የሪፎርም (Reform)፤ የማስፋት (Scaling Up) እና የሽግግር (Transformation) ስራዎች ለኢፌዴሪ የመንግስት ልማት ድርጅቶች ይዞታ አስተዳደር ከፍተኛ አመራሮች ገለጻ አደረጉ።
የአፍሌክስ ርዕሰ አካዳሚ አቶ ዛዲግ አብርሃ ከኢፌዴሪ የመንግስት ልማት ድርጅቶች ይዞታ አስተዳደር ከፍተኛ የስራ ሃላፊዎች ጋር ባደረጉት ውይይት ላይ እንደገለጹት አካዳሚው ለኢትዮጵያ እና ለአፍሪካውያን የአመራር ልማት ፕሮግራም የልህቀት ማዕከል ለመሆን እየሰራ እንደሆነ እና ይህንን ዓላማውን ለማሳካትም አራት የጠቅላላ እና ሰላሳ ሰባት ልዩ የአመራር ልማት ፕሮግራሞችን ቀርጾ በሶሰት ዓመት ውስጥ ለመፈጸም እየሰራ እንደሆነ ተናግረዋል።
አፍሌክስ ከኢፌዴሪ የመንግስት ልማት ድርጅቶች ይዞታ አስተዳደር ጋር በመሆን በዘርፉ ልዩ የአመራር ልማት ፕሮግራም በመቅረጽ ወደ ስራ ለመግባት ዝግጁ መሆኑን የገለጹት አቶ ዛዲግ፤ ተቋሙ ያለውን ሰፊ የባለሙያ አቅም እና ልምድ በመጠቀም ከአፍሌክስ ጋር እንዲሰራ ጥሪ አቅርበዋል። የሀሳብ ማመንጫ ማዕከል በመገንባትም በዘርፉ ያለውን የጥናትና ምርምር ስራዎች በማጎልበት ሳይንሳዊ እና ችግር ፈቺ የምርምር ውጤቶችን ማፍለቅ እንደሚገባ ርዕሰ አካዳሚው ተናግረዋል።
የኢፌዴሪ የመንግስት ልማት ድርጅቶች ይዞታ አስተዳደር ዋና ዳይሬክተር አቶ አቶ ኃብታሙ ኃይለሚካኤል በበኩላቸው አፍሌክስ ይዞ የተነሳውን አህጉር አቀፍ የሪፎርም፤ የማስፋት እና የሽግግር ዕቅድ አድንቀው ለተግባራዊነቱ ተቋማቸው ድጋፍ እንደሚያደርግ ተናግረዋል።

የኖርዌይ አምባሳደር ስቲአን ክሪስተንሰን Stian Christensen, Ambassador and Permanent Representative to AU, IGAD and UNECA በበኩላቸው አፍሌክስ ያቀረበውን ገለጻ አድንቀው በጋራ መስራት በሚቻልባቸው ጉዳዮች ዙሪያ ለመነጋገር ኤምባሲያቸው ፈቃደኛ መሆኑን ጠቅሰው በሚቀርቡ ዝርዝር ጥናቶች ላይ ተመስርተው በስፋት ለመነጋገር ቀጠሮ በመያዝ ውየዕይቱ ተጠናቋል።

የአፍሌክስ ርዕሰ አካዳሚ አቶ ዛዲግ አብርሃ ከአፍሪካ አቅም ግንባታ ፋውንዴሽን ከፍተኛ አመራሮች Mbacke Niang MBE, Director Program and Impact at The African Capacity Building Foundation (ACBF) እና Barassou Diawara,Senior knowledge management expert at The African Capacity Building Foundation ጋር ተወያዩ።
አቶ ዛዲግ አብርሃ በአፍሌክስ ሪፎርም(Reform)፤ ማስፋት (Scaling Up) እና ሽግግር (Transformation) ዙሪያ ለከፍተና የስራ ሀላፊዎቹ ገለጻ አድርገዋል።
አፍሌክስ የጀመረውን የአመራር ልማት ፕሮግራም ለማሳካት በአፍሪካ ውስጥ ከሚገኙ ፋውንዴሽኖች ጋር ጋር በመሆን እንደ ስሙ አፍሪካዊ ተቋም ለመሆን እየሰራ እንደሆነ ርዕሰ አካዳሚው ተናግረዋል።
አካዳሚው ለኢትዮጵያ እና ለአፍሪካውያን የልህቀት ማዕከል ለመሆን እየሰራ እንደሆነ እና ይህንን ዓላማውን ለማሳካትም አራት የጠቅላላ እና ሰላሳ ሰባት ልዩ የአመራር ልማት ፕሮግራሞችን ቀርጾ በሶሰት ዓመት ውስጥ ለመፈጸም በመስራት ላይ እንደሆነም አቶ ዛዲግ ገልጸዋል።
የአፍሪካ አቅም ግንባታ ፋውንዴሽን The African Capacity Building Foundation (ACBF) ከፍተኛ ሀላፊዎች በበኩላቸው የአፍሌክስን ፕሮጀክቶች እና የአመራር ልማት ፕሮግራሞች በማወቃቸው ተደስተው ከአካዳሚው ጋር ሊሰሩ የሚችሉባቸውን መስኮች በመለየት ስትራቴጂያዊ አጋር ለመሆን እንደሚፈልጉ ተናግረዋል።
በቅርቡ ከአፍሪካ ህብረት ጎን ለጎን በሚደረግ ጉባኤ ላይም የአፍሌክስ ርዕሰ አካዳሚ አቶ ዛዲግ አብርሃ ተገኝተው ንግግር በማድረግ የአፍሌክስን ተልዕኮ እና ራዕይ ለሌሎች አፍሪካውያን እንዲያጋሩ ጋብዘዋቸዋል።

የፌዴራል መንግስት እና የትግራይ ክልል ጊዜያዊ አስተዳደር በትብብር ትላልቅ ድሎችን አስመዝግበዋል:- ጠቅላይ ሚኒስትር ዐቢይ አሕመድ (ዶ/ር)
****************

በፕሪቶሪያ ከተደረሰው የሰላም ስምምነት በኋላ፤ የፌዴራል መንግስት እና የትግራይ ክልል ጊዜያዊ አስተዳደር በትብብር ትላልቅ ድሎችን ማስመዝገብ ችለዋል ሲሉ የኢፌዴሪ ጠቅላይ ሚኒስትር ዐቢይ አሕመድ (ዶ/ር) ገለጹ።

6ኛው የሕዝብ ተወካዮች ምክር ቤት 3ኛ ዓመት የሥራ ዘመን 14ኛ መደበኛ ስብሰባ ጠቅላይ ሚኒስትር ዐቢይ በተገኙበት እየተካሄደ ይገኛል።

በስብሰባው ጠቅላይ ሚኒስትሩ ከምክር ቤቱ አባላት ለተነሱላቸው ጥያቄዎች እና አስተያየቶች ምላሽ እና ማብራሪያ እየሰጡ ነው።

ጠቅላይ ሚኒስትሩ በሰጡት ምላሽና ማብራሪያ፤ በፕሪቶሪያ ከተደረሰው የሰላም ስምምነት በኋላ የተገኙት ድሎች የፌድራል መንግስቱ ለብቻው ያመጣቸው እንዳልሆኑ ገልጸው፤ ከትግራይ ክልል ጊዜያው አስተዳደር ጋር ተዳምረው የተገኙ አሙርቂ ውጤቶች ስለመሆናቸው ነው የተናገሩት።

የተገኘው ሰላም ካመጣቸው ድሎች ውስጥ የአየር ትራንስፓርት ወደ ትግራይ ክልል መጀመሩ አንዱ መሆኑን ጠቅሰው፤ ለብዙዎች እፎይታ የሰጠ መሆኑንም አንስተዋል።

በክልሉ የስልክ እና የኤሌክትሪክ አገልግሎት መጀመሩን ገልጸው፤ በፌዴራል መንግስት እና በክልሉ ጊዜያዊ አስተዳደር ትብብር የትግራይ ህዝብ አገልግሎቶቹን እንዲያገኝ መደረጉን አብራርተዋል።

በኢትዮጵያ ውስጥ የፖለቲካ ፍላጎትን የማሳኪያ ስልት ልምምድ ሰላምን እየፈተነ ነው፦ ጠቅላይ ሚኒስትር ዐቢይ አሕመድ (ዶ/ር)
***************

ባለፉት 50 እና 60 ዓመታት ሃሳብ ይዞ በሃሳብ አሸንፎ ስልጣን የመያዝ ልምምዱ ያልታየ በመሆኑ እንደባህልም እየተወሰደ ያለው የፖለቲካ ፍላጎትን በጠብመንጃ የማሳካት ፍላጎት አንዱ አደገኛ ስብራት መሆኑን ጠቅላይ ሚኒስትር ዐቢይ አሕመድ (ዶ/ር) ገለጹ፡፡

ጠቅላይ ሚኒስትሩ በህዝብ ተወካዮች ም/ቤት አባላት ለተነሱላቸው ጥያቄዎች ምላሽና ማብራሪያ በሰጡበት ወቅት የሰላም ችግር መሰረቱ የፖለቲካ ፍላጎት ማሳኪያ መንገድ ላይ ያለው ልምምድ መሆኑን ተናግረዋል።

የሚያጋጥሙ ችግሮችን ለመፍታት በሚደረጉ ጥረቶች ውስጥም ቢሆን እንደሀገር ያለን ልምምድ በውይይት ወይም በሽምግልና ለመፍታት ያለው ልምምድ አንስተኛ መሆኑን ጠቁመዋል።

በእነዚህ ችግሮች ውስጥም ተሁኖ የሰላም ጅማሮዎች ሲኖሩ ደግሞ ከግራም ከቀኝም በሰላም መንገድ ላይ ወጥመድ ማስቀመጥ መኖሩ የሰላም ልምምዱ ወደ ኋላ እንዲመለስ የማድረግ ልምምዱም ከፍተኛ ነው ብለዋል።

አዲስ አበባ፤ ጥር 28/2016(ኢዜአ)፦ የኢዩቤልዮ የታችኛው ቤተ- መንግሥት ዕድሳት በሶስት ወራት ውስጥ እንደሚጠናቀቅ ጠቅላይ ሚኒስትር ዐቢይ አሕመድ(ዶ/ር) ገለፁ።

ጠቅላይ ሚኒስትር ዐቢይ አሕመድ(ዶ/ር) ይህን ያሉት በሕዝብ ተወካዮች ምክር ቤት 14ኛ መደበኛ ስብሰባ ላይ ተገኝተው ከህዝብ ተወካዮች ለተነሱላቸው ጥያቄዎች በሰጡት ማብራሪያ ነው። መንግስት የቱሪስት መዳረሻ ታሪካዊ ስፍራዎችን እሴት በመጨመር የኢትዮጵያን ልክና መሻት በሚያሳዩ መልኩ እየሰራ መሆኑን ገልጸዋል።

መንግስት የዳግማዊ ምኒልክ ቤተ-መንግስትን ዕዳሳት በማድረግ አንድነት ፓርክን ገንብቶ አሁን ላይ በመቶ ሚሊየኖች ገቢ እያስገኘ መሆኑን ተናግረዋል።

በሌላ በኩል በቀዳማዊ ኅይለሥላሴ የተገነባው ኢዩቤልዮ ቤተ- መንግሥት በጥራትና በፍጥነት እየታደሰ መሆኑን ገልፀዋል።

የታችኛው ቤተ- መንግሥት ዕድሳት ሲጠናቀቅ ከአዲስ አበባ ሊታዩና ሊጎበኙ ከሚችሉ ውብና ምርጥ የቱሪዝም መዳረሻዎች አንዱ ይሆናል ብለዋል።

በታችኛው ቤተ- መንግሥት ዕድሳት 3 ሺህ 400 ሰራተኞች የያዘ 13 ፕሮጀክት እየተከናወነ መሆኑን ገልጸው፤ ከሁለት ወይም ከሶስት ወራት በኋላ እንደሚጠናቀቅ ጠቁመዋል።

በሌላ በኩል ላሊበላ አብያተ ክርስቲያናት እና የጎንደር አብያተ መንግስታትን ጨምሮ ሌሎች ታሪካዊ ቅርሶችን ዕድሳት የማድረግ ጥረቶችንም አንስተዋል።

የዓድዋ ድል መታሰቢያ አርኪ የታሪክ ሀብት የያዘ ነው፡ - ጠቅላይ ሚኒስትር ዐቢይ አሕመድ (ዶ/ር)
***********************

የዓድዋ ድል መታሰቢያ በመጠኑ እጅግ የሚያኮራ እና በውስጡ አርኪ የታሪክ ሀብት የያዘ መሆኑን ጠቅላይ ሚኒስትር ዐቢይ አሕመድ (ዶ/ር) ተናገሩ፡፡

ጠቅላይ ሚኒስትሩ መታሰቢያው እንኳን ኢትዮጵያዊ የትኛውም አፍሪካዊ ሀገር ዜጋ ጊዜ ወስዶ ቢመለከተው፤ በግዝፈቱ፣ በያዘው የታሪክ ሀብት እና በአካታችነቱ በዓርአያነት የሚወሰድ መሆኑን ገልጸዋል፡፡

ለግላዊ እና ቡድናዊ ፍላጎቶች ሲባል መታሰቢያውን ለማራከስ እና ለማንኳሰስ የሚደረገው ጥረትም፤ ቀርቦ በማየት የሚቀለበስ ነው ብለዋል ጠቅላይ ሚኒስትሩ፡፡

ጠቅላይ ሚኒስትር ዐቢይ፤ በ6ኛው የሕዝብ ተወካዮች ም/ቤት 3ኛ ዓመት የሥራ ዘመን 14ኛ መደበኛ ስብሰባ ላይ ከምክር ቤቱ አባላት ለተነሱላቸው ጥያቄዎች ምላሽ እና ማብራሪያ እየሰጡ ነው፡፡

ድርቅን ለፖለቲካ ፍጆታ ለማዋል የሚደረገው ጥረት ተገቢነት የለውም - ጠ/ሚ ዐቢይ አሕመድ

ጥር 28/2016 ጠቅላይ ሚኒስትር ዐቢይ አሕመድ ድርቅን ለፖለቲካ ፍጆታ ለማዋል የሚደረገው ጥረት ተገቢነት የለውም ሲሉ ገለጹ።

ድርቅ በተለያዩ አከባቢዎች ተከስቷል ያሉት ጠቅላይ ሚኒስትሩ ድርቁ የሰው ሕይወት እንዳይቀጥፍ ተባብረን መስራት አለብን በማለት አሳስበዋል።

ነገር ግን ድርቁን ለፖለቲካ ፍጆታ ለማዋል የሚደረገው ጥረት ግን ተገቢነት የለውም ነው ያሉት፡፡

ድርቁን ለመከላከል በሚደረገው ስራ ውስጥ ትልቁን ድርሻ የሚይዘው መንግስት እንደመሆኑ መጠን ድርቁን ለመከላከል ከ14 ቢሊዮን ብር በላይ በማውጣት ሰብዓዊ ድጋፍ ተደራሽ እንዲሆን ማድረጉን ገልጸዋል፡፡

መንግስት በቀጣይም ፕሮጀክቶችን በማጠፍም ጭምር ድርቁ በዜጎች ህይወት ላይ ጉዳት እንዳያደርስ የሚሰራ ይሆናል ነው ያሉት፡፡

ኢትዮጵያ በዓለም ፈጣን እድገት እያስመዘገቡ ካሉ አገራት አንዷ ናት፡፡ በዘንድሮው ዓመትም በኢትዮጵያ የ7 ነጥብ 9 በመቶ እድገት ይጠበቃል፡፡ በተለይ በግብርና ዘርፍ እጅግ ውጤታማ ስራ ተከናውኗል፤ በፊስካልና ሞኒተሪ ፖሊሲ ላይ የተደረጉ ማሻሻያዎችም ከፍተኛ ለውጥ እያስመዘገቡ ነው፡፡

የጠዋቱ ውይይት እንደቀጠለ ነው። አሁን ጊዜው የጥያቄ እና የአስተያየት ነው።
አቶ ታሪኩ ተረዳ ባነሱት ሀሳብ ላይ እንደገለጹት ሀብቶቻችንን በአግባቡ መጠቀም የምንችለው ያለንን ብዝሀነት በአግባቡ ማስተናገድ ስንችል ነው። የማንነት ጥያቄዎችንም በአግባቡ ለመፍታት አሉታዊ ትርክቶችን በሚያግባባ ገዥ ትርክቶች በማስተካከል ዕድሎችን በአግባቡ መጠቀም ያስፈልጋል። በብዝሀነት ውስጥ ያለውን አንድነት ማክበር ያስፈልጋል። አካታችነትን መሰረት ያደረጉ እንደ አድዋ ዜሮ ዜሮ ያሉ ፕሮጀክቶች አንድነትን የሚያጠናክሩ እና ብዝሀነትን የሚያከብሩ በመሆናቸው ሊበረታቱ ይገባል። በአማራ ክልል የተፈጠረውን የጸጥታ ችግር በውይይት ለመፍታት ጥረት መደረጉ የሚበረታታ ነው።

የጠዋቱ ውይይት እንደቀጠለ ነው። አሁን ጊዜው የጥያቄ እና የአስተያየት ነው።
አቶ አልአዛር ፈንታው በበኩላቸው አገራችን ለውጡን ካስተናገደች በሁዋላ ተስፋ ሰጭ የነበሩ ሁኔታዎችን በአግባቡ ባለመጠበቃችን እና ባለመንከባከባችን የሀዘን እና የችግር ጊዜ እያሳለፍን ነው። በየቦታው በሚፈጠሩ ችግሮች በበርካታ ወገኖቻችንን እያጣን ነው። ይህ እስከመቼ ነው የሚቀጥለው? በሲቪሊያን ላይ የሚደርሱ ሞቶች እና ጉዳቶች ያሳስቡኛል። ችግሮቻችንን ለመፍታት ትክክለኛው ጊዜ አሁን ነው። የሚከፈለውን የሰላም ዋጋ በመክፈል ወደ ሰላም ለመምጣት መስራት ይገባናል። ችግሮችን መሸፋፈናችን ዋጋ እያስከፈለን ነው። ከሩዋንዳ ብዙ መማር ይገባናል። ችግራችንን ለመፍታት ከዚህ የተሻለ ጊዜ ከየትም አይመጣም። ወጥቶ ለመግባት ስጋት ላይ ነን።
የኑሮ ውድነቱ አሳሳቢ ደረጃ ላይ ደርሷል። መንግስት ትኩረት መስጠት ይኖርበታል። የዲፕሎማሲ ስራው ላይ መንግስት በስፋት በመስራት የዓለምን ሀሳብ መግዛት ይኖርበታል። የባህር ወደብ እንደሚያስፈልገን ቢታመንም ልናገኝ የሄድንበት መንገድ ሁሉንም የሚያግባባ መሆን አለበት።