የአፍሪካ መሪዎችን በማሰልጠን የወደፊት ምጡቅ አፍሪካዊ መሪዎችን ለማፍራት ራእይ ይዞ እየሰራ እንደሚገኝ የአፍሪካ አመራር ልህቀት አካዳሚ አስታወቀ
************
የአካዳሚው ርዕሰ አካዳሚ ዶ/ር ምህረት ደበበ በተለይ ለኢቢሲ ሳይበር ሚዲያ አንዳሉት፥ ባለፉት 2 ዓመታት ውስጥ በኢትዮጵያ በተለያዩ ደረጃ ለሚገኙ አስር ሺህ አመራሮች ስልጠና ሰጥቷል።
ስልጠናው በዋናነት ለፌደራል ተቋማት አመራርና ባለሙያዎች፣ ለሲቪል ማህበረሰብ ድርጅቶች፣ ለድፕሎማቶች፣ ለፌደራልና ለክልል ካቢኔዎች፣ ለየሴክተር አመራሮችና ከፍተኛ ባለሙያዎች እየተሰጠ ነው።
አካዳሚው በፓንአፍሪካኒዝም፤ በኢትዮጵያ ስኬታማ በሆኑ እንደ የኢትዮጵያ አየር መንገድ ባሉ ተቋማት እና ከአመራር ጋር በተያያዙ በተለያዩ ርእሰ ጉዳዮች ላይ ጥናት እየሰራ ይገኛል ተብሏል።
ኢትዮጵያ የምትገኝበት ጂኦግራፊዊ አቀማመጥ፣ የአፍሪካ ህብረት መቀመጫ መሆኗ፣ ነፃነቷን አስጠብቃ የቆየች ሀገር መሆኗ፣ ጥንታዊ ታሪክ ያላት ሀገር መሆኗ፣ በሀገረ መንግሥት ምስረታ ረጅም ታሪክ ያላት ሀገር መሆኗ በአፍሪካ ጉዳይ ልዩ ኃላፊነት እንድትሸከም አድርጓታል ነው ያሉት።

የአፍሪካ አመራር ልህቀት አካዳሚ የአካዳሚውን ማስተር ፕላን ንድፍ /Master plan Design/ ደረጃውን በጠበቀ መልኩ ለማሰራት ጨረታ አውጥቶ ያወዳደረ ሲሆን 14 ተጫራቾች የየራሳቸውን ንድፍ አቅርበው የመጨረሻ ማጣሪያው ላይ ደርሰዋል።
አሸናፊው የሚለይበት መርሀ-ግብር ነሀሴ 20/2015 በሱሉልታ በሚገኘው በተቋሙ ማሰልጠኛ ማዕከል የአካዳሚው የቦርድ አመራሮች፤ ከፍተኛ የመንግስት የስራ ሃላፊዎች፤ የተቋሙ አመራሮችና የማስተር ፕላን ንድፍ ባለሙያዎች በተገኙበት የማስተር ፕላን ንድፍ የውድድር የማጠናቀቂያ እና እውቅና የመስጠት መርሀ ግብር እንደተዘጋጀ ያገኘነው መረጃ ያመለክታል።

የ Shanghai Administration Institute (SAI) ልዑክ ቡድን ጉብኝት በፎቶ

" በአካዳሚው በመጪዎቹ አምስት አመታት በርካታ የአፍሪካ አገራት አመራሮችን ማሰልጠን የሚያስችል ሥራዎች ይሰራሉ" ዶክተር ምህረት ደበበ ገለፁ።
የአፍሪካ አመራር ልህቀት አካዳሚ አቅም በማሳደግ በመጪዎቹ አምስት አመታት በርካታ የአፍሪካ አገራት አመራሮችን ለማሰልጠን የሚያስችል ሥራዎች ይሰራሉ ሲሉ ርዕሰ አካዳሚ ዶክተር ምህረት ደበበ ገለፁ።
የአካዳሚውን የማስተር ፕላን ዲዛይን ውድድር የማጠናቀቂያና እውቅና የመስጠት መርሐግብር ተከናውኖ ታይሎን ኢንጂነሪንግ አሸናፊ ሆኗል።
የአፍሪካ አመራር ልህቀት አካዳሚ ርዕሰ አካዳሚ ዶክተር ምህረት ደበበ እንደገለጹት፣ የአካዳሚውን አቅም በማሳደግ በመጪዎቹ አምስት አመታት በርካታ የአፍሪካ አገራት አመራሮችን ለማሰልጠን የሚያስችል ሥራዎች ይሰራሉ ብለዋል፡፡
እንደ ዶክተር ምህረት ገለጻ የአካዳሚውን የማስተር ፕላን ንድፍ ደረጃውን በጠበቀ መልኩ ለማሰራት ውድድር ተዘጋጅቷል።
በጨረታው 14 ዓለም አቀፍ ተጫራቾች የራሳቸውን ንድፈ ያቀረቡ ሲሆን የመጨረሻ አሸናፊ ልየታ እየተካሄደ ይገኛል፡፡
አካዳሚው በ50 ሄክታር መሬት ላይ ያረፈ ዘመናዊና በአይነቱ ለየት ያለ የአመራር ማሰልጠኛ ነው፡፡ በአካዳሚው 300 ደረጃቸውን የጠበቁ መኝታ ክፍሎች ይገኛሉ ያሉት ዶክተር ምህረት የመመገቢያና ሥልጠና አዳራሾች ጨምሮ የተለያዩ አገልግሎት መስጫ ስፍራዎች ይገኙበታል ብለዋል፡፡
በመርሃግብሩ የኢትዮጵያ አርክቴክት ማህበር ፕሬዝዳንት አቶ ሀብታሙ ጌታቸው የተገኙ ሲሆን የአካዳሚው የአዳሚው አመራሮችን ጨምሮ የማስተር ፕላን ንድፍ ባለሞያዎች ተገኝተዋል፡፡

የአፍሪካ አመራር ልህቀት አካዳሚን በአፍሪካ እሴቶች የተቃኘ አህጉራዊ ተቋም ማድረግ የሚያስችሉ ስራዎችን እያከናወነ መሆኑ ተገለጸ
የአፍሪካ አመራር ልህቀት አካዳሚን በአፍሪካ እሴቶች የተቃኘ አህጉራዊ ተቋም ማድረግ የሚያስችሉ ስራዎችን እያከናወነ መሆኑን አካዳሚው አስታወቀ።
አካዳሚው ስሙን የሚመጥን በፓን-አፍሪካኒዝም የተቃኘ አህጉራዊ ተቋም መሆን የሚያስችል አዲስ ተቋማዊ የማስተር ፕላን ንድፈ ሃሳብ ይፋ አድርጓል።
በአካዳሚው ማስተር ፕላን ንድፈ ሃሳብን ለማቅረብ ከተወዳደሩ 14 የኪነ-ሕንፃ ባለሙያዎች መካከል ለአሸናፊው እና ለተሳታፊዎቹ ዕውቅና ተሰጥቷቸዋል።
የአካዳሚው ምክትል ርዕሰ አካዳሚ ዶክተር ወንድዬ ለገሰ፤ አካዳሚው በፓን አፍሪካኒዝም ይዘት ለትውልድ ተሻጋሪ ተቋም የመሆን ግብ ሰንቆ እየሰራ መሆኑን ገልፀዋል።
አዲሱ መሪ ፕላን ተቋማዊ ገጽታውን መገንባት እንደሚያስችለው ነው የጠቆሙት።
አካዳሚው ከኢትዮጵያ አልፎ ለአፍሪካ ለውጥ የሚበጁ አመራሮች የሚፈልቁበት የሀሳብ ልዕልና ማዕከል በመሆኑ፤ የአካዳሚው ገጽታ የአፍሪካን እሴቶች ያንፀበረቀ እንዲሆን የተለያዩ ስራዎች እየተከናወኑ ነው ብለዋል።
ማስተር ፕላኑ አካባቢያዊ ሁኔታውን ታሳቢ ያደረገ፣ የመሬት ሀብቱን በቅጡ የተጠቀመ፣ አፍሪካዊ ገፅታ ያለው ዘመን ተሻጋሪ ሕንፃ ለመገንባት እንደታቀደም አብራርተዋል።
የኢትዮጵያ አርክቴክቶች ማህበር ፕሬዝዳንት ሀብታሙ ጌታቸው በበኩላቸው፤ ማስተር ፕላኑ የአካዳሚውን አህጉራዊ የልህቀት ተቋም የመሆን እንቅስቃሴን ለማሳካት የራሱ ድርሻ እንደሚኖረው ገልጸዋል።
የማስተር ፕላን ሀሳቡ በውድድር መደረጉ በምህንድስና መስፈርቶችን ያሟሉ ግንባታዎችን ለማካሔድ ብሎም ተቋማዊ ገፅታ በመገንባት ሁነኛ ፋይዳ እንደሚኖረው በመጠቆም። (ኢዜአ)