‘የመጋቢት 24 ትሩፋቶችን ከኢትዮጵያ ትንሳኤና ከህዝባችን ህልምና መሻት ጋር አስተሳስሮ መመልከት አስፈላጊ ነው’ ወ/ሮ መሰረት ደስታ

አዲስ አበባ መጋቢት 22/2017 ዓ.ም (አፍሌክስ)፡- ‘የመጋቢታውያን የለውጥ ፍሬዎችና የነገ ተስፋዎች’ በሚል መሪ ቃል የለውጡ መንግስት በሰባት ዓመታት ውስጥ ያከናወናቸውን አኩሪ እና እመርታዊ ድሎችን የተመለከተ ውይይት ተካሄደ። ውይይቱ የአካዳሚው አመራሮችና ሰራተኞች በተገኙበት በአፍሌክስ ዋናው ቢሮ ተከናውኗል።

በአፍሪካ አመራር ልህቀት አካዳሚ የአስተዳደር እና ቢዝነስ ልማት ዘርፍ ምክትል ርዕሰ አካዳሚ ወንድዬ ለገሰ (ዶ/ር) በውይይቱ መክፈቻ ላይ ተገንተው ባስተላለፉት መልዕክት ባለፉት ሰባት አመታት የተካሄደው ፖለቲካዊ ለውጥ ፤ በኢኮኖሚ ላይ የተደረገ ማሻሻያ ፤ በሀገራችን ያለውን የለውጡን ቀጣይነት ዘላቂነት ለማረጋገጥ የሚያስችል ሪፎርምን ማእከል ያደረገ እንደሆነ ገልጸዋል።

በአፍሌክስ የአመራር ልማት ዘርፍ ምክትል ርዕሰ አካዳሚ ወ/ሮ መሰረት ደስታ የመጋቢታውያን የለውጥ ፍሬዎችና የነገ ተስፋዎች በሚል ርዕስ ባቀረቡት የጽሁፍ ገለጻ ላይ መጋቢት 24 በሀገራችን ታሪክ ሁለት ታላላቅ ሁነቶች የተስተናገዱበት ቀን መሆኑ ጠቅሰው፤ ይኸውም መላው የሀገራችን ህዝቦች የኢትዮጵያን ሁለንተናዊ ብልጽግና ዕውን ለማድረግ የሚያስችል ፖለቲካዊ ለውጥ የተደረገበት እና የለውጡ መሪ ክቡር ዶ/ር አብይ አህመድ ሀገራችንን ለማስተዳደር ቃለ መሃላ የፈጸሙበት መሆኑን ገልጸዋል።