የአፍሪካ አመራር ልህቀት አካዳሚ ለጠቅላይ ሚኒስትር ጽ/ቤት ተጠሪ ለሆኑ አምስት ተቋማት  በአካዳሚው   ሪፎርም ላይ ገለፃ አደረገ

ሱሉሉታ:ጥር 25 /2017 ዓ.ም /አፍሌክስ/ የአፍሪካ አመራር ልህቀት አካዳሚ በጠቅላይ ሚኒስትር ጽ/ቤት ተጠሪ ለሆኑ አምስት ተቋማት  በአካዳሚው   ሪፎርም ላይ ሱሉልታ በሚገኘው የአመራር ልማትና ማሠልጠኛ ማዕከል ገለፃ አደረገ።

እሸቴ  አበበ (ዶ/ር ) በአፍሪካ አመራር ልህቀት አካዳሚ የአመራር ልማት ዘርፍ ተወካይ አካዳሚው የኢትዮጵያንና የአፍሪካ መሪዎችን አቅምን የሚያጎለብቱ የሪፎርም ስራዎች ማጠናቁን አስታውቀው ኢትዮጵያ  እና አፍሪካ ከተቀረው ዓለም ማግኘት የሚገባቸውን  ጥቅም ማግኘት እንዲችሉ የሚያደርግ  ፕሮግራም መቀረጹን ገልጸዋል።

ከደቡብ ሱዳን እና ሌሎች የአፍሪካ ሀገራትን ዲፕሎማቶችን እና አመራሮችን ማሰልጠኑንም አስታውቀዋል።

አፍሌክስ አፍሪካዊ ስያሜ ቢኖረውም የሚጠበቅበትን ያህል እየሰራ እንዳልሆነ የጠቀሱት ዶር እሸቴ አካዳሚው በሪፎርም፤ ማስፋት እና ሽግግር ስራዎቹ ውስጥ ተቋሙ አፍሪካዊ መልክና ይዘት እንዲኖረው እየሰራ ነው ብለዋል።

አፍሌክስን የአፍሪካ የኮንፈረንስ ማዕከል ለማድረግ ሱሉሉታን እንደ ዳቮስ የሚል ፕሮጀክት መቀረጹንም ጠቁመዋል ።

እሸቴ አበበ(ዶ/ር ) የአፍሌክስ የሶሻል ሚዲያ ሊንኮችን ስካን በማድረግ ሰልጣኞች ቤተሰብ እንዲሆኑም ጋብዘዋል ።

ሰበር ዜና
ጠ/ሚ ዐቢይ አሕመድ (ዶ/ር) የብልጽግና ፓርቲ ፕሬዚደንት ሆነው ተመረጡ።
ሦስተኛ ቀኑን የያዘው የብልጽግና ፓርቲ ሁለተኛ መደበኛ ጉባኤ ዐቢይ አሕመድን (ዶ/ር) እጅግ ከፍተኛ በሆነ ድምጽ መርጧቸዋል።
ተመራጩ የብልጽግና ፓርቲ ፕሬዚዳንት ዐቢይ አሕመድ (ዶ/ር) በፓርቲው መተዳደሪያ ደንብ መሠረት በጉባኤተኛው ፊት ቃለ መሀላ ፈጽመዋል።
በተያያዘ ዜና ጉባኤው አቶ ተመስገን ጥሩነህን እና አቶ አደም ፋራህን የፓርቲው ምክትል ፕሬዚደንቶች አድርጎ እጅግ ከፍተኛ በሆነ ድምጽ መርጧል።
ሁለቱ ምክትል ፕሬዚደንቶች በፓርቲው መተዳደሪያ ደንብ መሠረት በጉባኤተኛው ፊት ቃለ መሀላ ፈጽመዋል።

የአፍሌክስ ፕሬዚዳንት ክቡር አቶ ዛዲግ አብርሃ ለብልጽግና ፓርቲ ፕሬዚዳንትና ምክትል ፕሬዚዳንቶች የእንኳን ደስ አላችሁ መልዕክት አስተላለፉ::

አዲስ አበባ፣ ጥር 25፣ 2017 (አፍሌክስ) :- የአፍሌክስ ፕሬዚዳንት ክቡር አቶ ዛዲግ አብርሃ ለብልጽግና ፓርቲ ፕሬዚዳንት ዐቢይ አሕመድ (ዶ/ር) እና ምክትል ፕሬዚዳንቶች አቶ ተመስገን ጥሩነህና አቶ አደም ፋራህ የእንኳን ደስ አላችሁ መልዕክት አስተላልፈዋል፡፡