የአፍሌክስ ሰራተኞች የጸረ - ሙስና ስልጠና መውሰድ ጀመሩ

ሱሉልታ፣ ግንቦት 26/2017 (አፍሌክስ) – የአፍሪካ አመራር ልህቀት አካዳሚ ሰራተኞች "ሙስና እና ብልሹ አሰራርን በመከላከል የዜግነት ግዴታዬን እወጣለሁ" በሚል መሪ ቃል ሙስናና ብልሹ አሰራርን መከላከል በሚቻልበት ሁኔታ ላይ ስልጠና መውሰድ ጀምረዋል።

ዛሬ ጅማሮውን ያደረገው ለ2 ቀናት በሚቆየው በዚህ ስልጠና መክፈቻ ላይ ተገኝተው ንግግር ያደረጉት የአፍሌክስ የአስተዳደር እና ቢዝነስ ልማት ዘርፍ ም/ርዕሰ አካዳሚ ወንድዬ ለገሰ (ዶ/ር) "ሁሉም ሙስናን ለመከላከል ድርሻ አለው በዚህ ሂደት የመጀመሪያው እርምጃ የእያንዳንዳችንን ድርሻ ማወቅ ነው!" ብለዋል።

ዶ/ር ወንድዬ የስልጠናውን አላማ ሲያብራሩ “ሁላችንም ወጥ የሆነ አቋም እንድንይዝ ከዚያም አሰራራችንን እንድንፈትሽ ማስቻል ነው” ሲሉ ገልጸዋል።

ስልጠናውን የሚሰጡት በኢትዮጵያ ሲቪል ሰርቪስ ዩኒቨርሲቲ አሰልጣኝ የሆኑት ተስፋዬ ሂርጳሳ (ዶ/ር) አሁን ላይ በሃገራችን ሙስናን ለመከላከል በመንግስት ደረጃ የሚሰራው ስራ በዋናነት ዘርፍ ተኮር መሆኑን ገልጸው ይህ ስልጠናም የዛው አካል እንደሆነ ተናግረዋል።

የፌዴራል ቤቶች ኮርፖሬሽን የአፍሌክስ ሕንጻዎችን የሪኖቬሽን እና የማዘመን ሥራን ለመስራት ተስማማ
****

አዲስ አበባ ሰኔ 04/2017 (አፍሌክስ):- የፌዴራል ቤቶች ኮፖሬሽን የአፍሪካ አመራር ልህቀት አካዳሚን ሕንጻዎችን የማስዋብ እና የማዘመን ሥራ ለመስራት ስምምነት ፈጽሟል፡፡

የማስዋብ እና የማዘመን ሥራው አፍሌክስ የሚሰጠውን አገልግሎት የበለጠ ምቹና ዘመናዊ ለማድረግ እንደሚያስችለው ተገልጿል፡፡

የፌዴራል ቤቶች ኮርፖሬሽን ዋና ሥራ አስፈጻሚ ክቡር አቶ ረሻድ ከማል በፊርማ ሥነ ሥርዓቱ ወቅት ባደረጉት ንግግር ፡- አፍሌክስ በመጠን ከፍተኛ ለሆነው የሪኖቬሽን ሥራ ኮርፖሬሽኑን መምረጡ እንዳስደሰታቸው ገልጸው የፌዴራል ቤቶች ኮርፖሬሽን በሚታወቅበት ውጤታማ የፕሮጀክት አፈጻጸም በውሉ በተቀመጠው የማጠናቀቂያ ጊዜ አጠናቆ እንደሚያስረክብም ገልጸዋል፡፡

ኮርፖሬሽኑ በዚህ ፕሮጀክት ትርፍን ሳይሆን ለጥራት እና ለጊዜ ከፍተኛ ትኩረት እንደሚሰጥም ተናገረዋል፡፡