ስፖርታዊ እንቅስቃሴ ለአካላዊ ጥንካሬ፣ ለአዕምሯዊ ንቃትና ለጤንነት ጉልህ ፋይዳ አለው።

ዛሬ ማለዳ "ልህቀት በሰው ተኮር አገልግሎት" በሚል መሪ ሀሳብ ስልጠና እየወሰዱ ከሚገኙ የፌደራል ከፍተኛ አመራሮች ጋር የአካል ብቃት እንቅስቃሴና የእግር ኳስ ጨዋታ አድርገናል።

እንደዚህ ያሉ ስፖርታዊ እንቅስቃሴዎች በአማራሩ መካከል ያለውን ግንኙነትን በማጠናከር የተሻለ አንድነትን ይፈጥራሉ፦

ምክትል ጠቅላይ ሚኒስትር ተመስገን ጥሩነህ
#Ethiopian_News_Agency #ኢዜአ #Ethiopia

በምክትል ጠቅላይ ሚኒስትር ማዕረግ የዴሞክራሲ ሥርዓት ግንባታ ማስተባበሪያ ማዕከል ኃላፊና የብልጽግና ፓርቲ ምክትል ፕሬዚዳንት አቶ አደም ፋራህ‼️

እንደመንግስት በሀገር አቀፍ ደረጃ የአገልግሎትና አስተዳደር ሪፎርም ለማስተግበር በከፍተኛ ቁርጠኝነት በመንቀሳቀስ ላይ እንገኛለን።

የሪፎርሙ ዓላማ በከፍተኛ ትጋት፣ ቁርጠኝነትና ፍጥነት ይሳካ ዘንድ የመንግስት ከፍተኛ አመራሮች ተሳታፊ የሆኑበት መድረክ በአፍሪካ ሊደርሺፕ አካዳሚ "ልህቀት በሰው ተኮር አገልግሎት" በሚል መሪ ሀሳብ የአቅም ግንባታ መድረክ እያካሄድን ሲሆን በመድረኩም ገንቢ ሀሳቦች እየተገኙበት ነው።

ሪፎርሙ በዋናነት 5 ዋና ዋና መነሻ ጉዳዮች ያሉትና እነዚህንም ትኩረት በማድረግ፦ ተገልጋዩን የህብረተሰብ ክፍል በከፍተኛ ሁኔታ ተጠቃሚ የሚያደርግ፣ አመራሩንም ሆነ ፈፃሚ አካሉን ከግንዛቤ ውስጥ ያስገባ ሲሆን በጥልቅ ምክክር እየዳበረ እና እየበለጸገ የሚሄድ የትግበራ ሂደትን ያነገበ ነው።

በመነሻነት ከተወሰዱ ጉዳዮች በቀደምትነት የሚጠቀሰው የ10 አመት መሪ የልማት እቅድን እና 2ኛው ሀገር በቀል የኢኮኖሚ ሪፎርም ትግበራን በስኬት ለመፈፀም የሚያስችል መሆኑ ተጠቃሽ ነው። የመንግስትን የመፈፀም አቅም በመገንባት ቀልጣፋ፣ አስተማማኝና በቴክኖሎጂ የተደገፈ አገልግሎት አሰጣጥን ለመተግበር በር ከፋችም ነው።

እንዲሁም ሂደቱ የመደመር እሳቤን እና ፕራግማቲክ አቅጣጫን መሰረት ያደረገ እሳቤን ያገናዘበም ነው። ይህም በመሆኑ ነባር የሆኑ ጥንካሬዎችን በማስቀጠል፣ ስህተቶችን እያረቀ የሚሄድ ብሎም በሁሉም አካባቢ የሚገኙ ጥንካሬዎችን ደምሮ ለመጠቀም የሚያስችል መርህን የሚከተል መሆኑ የትግበራውን ትሩፋት አጓጊ አድርጎታል።