ስለ ውሳኔ አሰጣጥ ሰፋ ያለ ስልጠና የሰጡት አቶ ዛዲግ፤ መወሰን ሲገባን ባለመወሰናችን የደረሰብንን ኪሳራ ከመወሰን ጥቅም ጋር መሳ ለመሳ አድርገውም አቅርበዋል። እንደ ምሳሌም ጥቂት ማሳያዎችን ያቀረቡት አቶ ዛዲግ በኮቪድ 19 ወቅት መንግስታት ማድረግ መወሰን የሚገባቸውን ውሳኔ ባለመወሰናቸው 6.9 ሚሊየን ሰዎች ሞተዋል።

የመሪዎች ውሳኔ በተገቢው ቦታ ጊዜ እና ሁኔታ ውስጥ መሆን አለበት የሚባለውም በምክንያት እንደሆነ ፕሬዚደንቱ ያስቀምጣሉ። በተሳሳተ ውሳኔ አሜሪካ በኢራቅ ጦርነት 2.4 ትሪሊየን ዶላር አጥታለች። ይህ የደካማ ውሳኔ ማሳያ ነው። ሌማን ብራዘርስ የተባለው ባንክ በተሳሳተ የብድር ውሳኔው 10 ትሪሊየን ዶላር ከስሯል። 8 ሚሊየን ሰዎችም ስራ አጥ እንዲሆኑ መንስኤ ሆኗል።

ከውሳኔ አሰጣጥ ጋር የተያያዙ ችግሮች የሚፈጠሩት በተሳሳተ መልኩ በሚወሰን ውሳኔ ብቻ ሳይሆን የውሳኔ አሰጣጥ ቅደም ተከተልን ተከትሎ ባለመስራት እንደሆነም አቶ ዛዲግ ጠቅሰዋል።

የሰሚር እና መሀመድ ያልተነገረ አስደናቂ ታሪክ

ኢትዮጵያውያን ከእነዚሀ ጓደኛማቾች ምን እንማራለን?

የጓደኝነትን ምንነት በተግባር በማሳየታቸው፤ ዓለም በምሳሌነት የሚጠቅሳቸው መሀመድ እና ሰሚር እነማን ናቸው? ልዩነታቸውን ወደ ጎን ትተው ለአንድነታቸው የደከሙ፤ የአንዱን ጉድለት ሌላው እየሞላ ካሰቡበት ደርሰው ችግራቸውን የተሻገሩ ናቸው። ሰው ለሰው መድሀኒት መሆኑን ያስመሰከሩት መሀመድ እና ሰሚር ለእኛ ለኢትዮጵያውያን ምን ያስተምሩናል?

እ.ኤ.አ በ 1889 ደማስቆ ላይ የተጻፈው ታሪክ ዛሬም ደምቆ ይታያል። ዛሬ ላይ ፍቃዳችሁ ይሁንና አንዳቸው የሌላውን ህይወት ስለታደጉት "መሀመድ እና ሰሚር" ስለተባሉት ጓደኛማቾች ታሪከ እናውጋችሁ። መሀመድ በተፈጥሮው ዓይነ ስውር ሲሆን ሰሚር ደግሞ ሰውነቱ "ፓራላይዝ" ነው። ልዩነታቸው ከዚህ ይጀምራል። ስንቀጥል ደግሞ መሀመድ የእስልምና እምነት ተከታይ ነበር። ሰሚር ደግሞ የክርስትና ሀይማኖትን ተከታይ። ልዩነት ሁለት።

ከታች በፎቶው ላይ እንደሚታዩት ህይወታቸውን ሲገፉ የነበሩት ሰሚር የመሐመድ አይን ፤ መሐመድ ደግሞ የሰሚር እግር በመሆን ነበር። ዓይን አልባው እግር ሲሆን እግር አልባው ደግሞ አይን ሆነው ነበር። ሁለቱም ያላቸውን ነገር አክብረው የሌላቸውን በጸጋ ተቀብለውና አክብረው ዓመታትን ተሻግረዋል።
ህይወትን ለማሸነፍ ሲሉ መተጋገዝን እና መተሳሰብን ብቻ አማራጫቸው ሁኔታዎቻቸውንና እክሎቻቸውን አሸንፈዋል ። አንዱ ለሌላው ምን ማለት እንደሆነ በተግባር አሳይተዋል። መሀመድ ጉድለቱን ከሰሚር፤ ሰሚርም ክፍተቱን ከመሀመድ ሞልቷል።

ታሪካቸው የተለያዩ ባህሎች እና ሃይማኖቶች አንድ ላይ ሆነው እርስ በርስ ሲረዳዱ ተአምር እንደሚፈጠር የሚያሳይ ድንቅ ምሳሌ ነው።
መረዳዳት ቢኖር ሁሉም ቢተባበር ብለው እንዳቀነቀኑት የሀገራችን ድምጻውያን፤ ሰው ለሰው ቢፋቀር የት ይደረስ ነበር።ሁሉም ጣቶች እኩል ርዝመት የላቸውም። ሲረዳዱ ግን ሁሉም እኩል ይሆናሉ ነው ብሂሉ። ሁኔታዎችን እንዳመጣጣቸው እየተረዳዳን ስናስተናግዳቸው ሕይወት የበለጠ ቀላል ትሆናለች።

ነገሩን ወደ ኢትዮጵያ ስንመልሰው ምን ትርጉም ይሰጠናል? የጥልቅ ብዝሀነት ባለቤትና ባለጸጋ የሆነቸው ሀገራችን ህዝቦቿ ቢረዳዱ እና ቢተባበሩ የት ትደርስ ነበር? የአንዳችን የተፈጥሮም ሆነ የባህል ጸጋ ለሌላኛችን ያለውን ዋጋ ተረድተን ልዩነቶቻችን ወደ ጎን ትተን፤ ትልቁን ምስል አብልጠን አይተን፤ ብንደመር የጀመርነውን የብልጽግና ጉዞ ከጫፍ ለማድረስ ጉልበት ይሆነናል።

መረዳዳት፤ መከባበር፤ አንዱ የሌላውን ጉድለት መሙላት ለእኛ ለኢትዮጵያውያን ምርጫችን ሳይሆን ብልጫችን ነው። ተደምረን አንዳችን የሌላችንን ጉድለት ብንሞላ ምን እንሆናለን?

የአፍሌክስ ፕሬዚደንት አቶ ዛዲግ አብርሃ የመሀመድን እና የሰሚርን ታሪክ ከሀገራችን የእስካሁን ጉዞ ጋር እያገናኙ፤ የወደፊቱን ዕጣ-ፈንታችንን ፍንትው አድርገው ያሳዩናል። በቀጣይ የምንለቀው “የኮሙኒኬሽን ሀይል እና የአመራር ጥበብ” በሚለው ሙሉ የስልጠና ቪዲዮ ላይ በሰፊው ያገኙታል።

ከነዚህ ውጥኖች መካከል አንዱ የሆነው የሴቶች የአመራር ልማት ፕሮግራም ለአንድ አመት ያህል ያሰለጠናቸውን 50 ሴት መካከለኛ አመራሮች በቅርቡ ማስመረቁ ይታወሳል።

በኢትዮጵያ 'ፈጣንና ቀጣይነት ያለው ሁሉን አቀፍ ለውጥ በሴቶች ተሳትፎ ይረጋገጣል' በሚል መረ ቃል እየተከበረ የሚገገኘው የዘንድሮው አለም አቀፍ የሴቶች ቀን በአፍሌክስ ሲከበር መላው አመራር እና ሰራተኛ የጾታ እኩልነት በአመራር መስኩ እንዲረጋገጥ የበኩሉን ሃላፊነት እንዲወጣ አደራ በማስያዝ እንደሆነ ተገልጿል።

የአፍሌክስ ፕሬዝዳንት አቶ ዛዲግ አብርሃ
#የኮሙኒኬሽን_ኃይል_እና_የአመራር_ጥበብ በሚል ርዕሥ ለከፍተኛ አመራሮች የሰጡትን የስልጠና ሙሉ ቪዲዮ ወደ እናንተ ለማድረስ የአንድ ሰዓት ጊዜ ብቻ ቀርቶናል። በፌስቡክ ገጻችን እና እና በዩቱዩብ ቻናላችን ይጠብቁን!!