በመንግሥት የ2016 ዓ.ም 10 ወራት የማክሮ ኢኮኖሚና የዘርፎች ዋና ዋና አፈፃፀም እና የ2017 የትኩረት አቅጣጫዎች ላይ ውይይት ተደረገ::

የአፍሪካ አመራር ልህቀት አካዳሚ አመራሮች እና ባለሙያዎች በመንግሥት የ10 ወራት እቅድ አፈፃፀም እና በ2017 የትኩረት አቅጣጫዎች ላይ ውይይት ያደረጉ ሲሆን ውይይቱን የመሩት የአካዳሚው የኦፕሬሽን ዘርፍ ምክትል ርዕሰ አካዳሚ ወንድዬ ለገሰ (ዶ/ር) ሰፊ ገለፃ አድርገዋል::

ምክትል ርዕሰ አካዳሚው ስለ አለምአቀፋዊ የኢኮኖሚ አዝማሚያ እና ሀገራዊ አፈፃፀም ላይ ሰፊ ማብራሪያ ያቀረቡ ሲሆን በኢትዮጵያ ዋና ዋና የኢኮኖሚ ዕድገት ምንጮች አፈፃፀም ላይም መንግሥት ያከናወናቸውን አበይት ተግባራትን አብራርተዋል::

ምክትል ርዕሰ አካዳሚ ወንድዬ ለገሰ (ዶ/ር) አያይዘውም የመሰረተ ልማት እና የፕሮጀክት አፈፃፀምን በተመለከተ በ10 ወራት ውስጥ መንግሥት የሰራቸውን ስራዎች ጠቅሰው መሰረተ ልማትን ለማስፋፋት መንግሥት በስፋት እየሰራ እንደሆነና ፕሮጀክቶችም በተያዘላቸው በጀት እና ጊዜ እየተጠናቀቁ በመሆናቸው የመንግስትን አቅዶ የመፈፀም አቅም በጉልህ የሚያሳዩ እንደሆኑ ተናግረዋል::

የማህበራዊ እና የአስተዳደር ዘርፎች አፈፃፀም ላይም መንግሥት ውጤታማ ስራዎችን እንደሰራ የገለፁት ምክትል ርዕሰ አካዳሚው የኑሮ ውድነትን ለመቅረፍም ሰፋፊ ስራዎች እየተሰሩ እንደሆኑ ገልጸዋል::

በውይይቱ ላይ የ2017 ዓ.ም የመንግስት ዋና ዋና አቅጣጫዎች በምክትል ርዕሰ አካዳሚ ወንድዬ ለገሰ (ዶ/ር) የተገለፁ ሲሆን የአካዳሚው አመራሮችና ባለሙያዎች ላነሷቸው ጥያቄዎችና አስተያየቶች ምላሽ እና ማብራሪያ ተሰጥቶባቸዋል::

የአፍሪካ አመራር ልህቀት አካዳሚን የለውጥ: የማስፋት እና የሽግግር ስራዎች ውጤታማ ለማድረግ በርካታ ተግባራት መከናወናቸውን ፕሬዝዳንቱ ተናገሩ::

የአፍሌክስ ፕሬዝዳንት አቶ ዛዲግ አብርሃ ለአካዳሚው አመራር እና ባለሙያዎች ሲሰጥ በነበረው የአቅም ግንባታ ስልጠና ማጠቃለያ ላይ ተገኝተው እንደተናገሩት
ባለፉት ስምንት ወራት የተከናወኑ ተግባራት ለተቋሙ የወደፊት ጉዞ እርሾ የሚሆኑ ስራዎች መሆናቸውን ጠቅሰዋል::

አቶ ዛዲግ እንደተናገሩት ባለፉት ስምንት ወራት የአካዳሚውን መዋቅር እንደ አዲስ በመስራት በሚመለከታቸው አካላት በማስተቸት እና በማስገምገም በሲቪል ሰርቪስ ኮሚሽን አስፀድቀው ለድልድል ዝግጁ እንዲሆን ማድረጋቸውን ገልጸዋል::

ፕሬዝዳንቱ አያይዘውም የአፍሌክስን ግብ እና መዳረሻ ለዓለም አቀፉ ማህበረሰብ ለማስተዋወቅ በርካታ ስራዎች እንደተከናወኑ አስታውሰው የተገኘው ድጋፍም የተቋሙን የገንዘብ እና የሰው ሀይል ችግር የሚፈታ ነው ብለዋል::

የተቋሙን የመሰረተ ልማት ችግር ለመፍታትም ከሀገር ውስጥ እና ከውጭ ተቋማት ድጋፍ ባሻገር በመንግሥት ልዩ ውሳኔ የኮንቬንሽን ማዕከል ለመገንባት መታቀዱንም አቶ ዛዲግ ተናግረዋል::

በአፍሌክስ ውስጥ የነበሩ ብልሹ አሰራሮችንና ህገወጥ ግዥዎችን በመመርመርና ተገቢውን የማስተካከያ ርምጃ በመውሰድ አላስፈላጊ ወጭዎችን በመቀነስ የመንግስት ገንዘብ ለተመደበለት ዓላማ እንዲውል መደረጉንም ፕሬዝዳንቱ አስታውሰዋል::

መላው የአካዳሚው ማህበረሰብም የተቋሙን የለውጥ: የማስፋት እና የሽግግር ፕሮግራሞች በመደገፍ የድርሻውን እንዲወጣም ፕሬዝዳንቱ አሳስበዋል::

ከአመራሮች እና ሰራተኞች ለተነሱ ጥያቄዎች እና አስተያየቶችም አቶ ዛዲግ መልስና ማብራሪያ ሰጥተዋል::

AFLEX President and Ben Leibowitz, First Secretary, Political British Embassy in Ethiopia, Forge Paths for Transformative Partnership
The African Leadership Excellence Academy president, Mr. Zadig Abreha, recently discussed with Ben Leibowitz, the First Secretary of the Political British Embassy in Ethiopia.
The purpose of their meeting was to explore potential areas of partnership.
During the meeting, Mr. Zadig Abreha provided detailed insights into AFLEX Academy’s reform, scaling up, and transformation plans.
The discussion point was the leadership development projects that AFLEX plans to execute over the next three years.