ဖက်ဆစ်စစ်တပ်ရဲ့ အကြမ်းဖက်လုပ်ရပ်တွေကြောင့် သေဆုံးခဲ့ရတဲ့ ပြည်သူတွေအတွက် ဗကသနဲ့ မဟာမိတ်တွေက ရန်ကုန်မှာ လှုပ်ရှားမှုပြုလုပ်

၂၀၂၄ မေ ၂၅၊ ဗကသ

ရွှေပြည်သာမြို့နယ်ကျောင်းသားများသမဂ္ဂ (ဗကသများအဖွဲ့ချုပ်)၊ ရွှေပြည်သာမြို့နယ်သပိတ်ကော်မတီနဲ့ မျိုးဆက်သစ်လူငယ်များသပိတ်ကော်မတီ (NGYSC) တို့ ပူးပေါင်းပြီး ရန်ကုန်မှာ “သွေးကြွေးလည်းတောင်း၊ စစ်ခွေးလည်းမောင်း” စာသားပါ ဘန်နာကိုချိတ်ပြီး၊ စစ်အာဏာရှင်စနစ် ဆန့်ကျင်ရေး လှုံ့ဆော်စတေကာတွေ ကပ်တာ၊ စာရွက်ကြဲတာ စတဲ့ လှုပ်ရှားမှုတွေကို ဒီကနေ့ မေလ ၂၅ ရက်နေ့က ရန်ကုန်မြို့အနှံ့အပြားမှာ ပြုလုပ်ခဲ့ပါတယ်။

သတင်းနှင့်ပြန်ကြားရေးကော်မတီ
ဗကသများအဖွဲ့ချုပ်
#abfsu #ဗကသ

ဗကသများအဖွဲ့ချုပ်နဲ့ MRF တို့ပူးပေါင်းပြီး စစ်ဘေးရှောင်စခန်း နှစ်ခုကို အာဟာရဒါန ပြုလုပ်

၂၀၂၄ မေ ၂၈၊ ဗကသ

ဗကသများအဖွဲ့ချုပ်နဲ့ Mini Rats' Force - MRF တို့ ပူးပေါင်းပြီး ယင်းမာပင်မြို့နယ်အတွင်းက စစ်ဘေးရှောင်ပြည်သူတွေကို ဒီကနေ့ မေလ ၂၈ ရက်နေ့မှာ ရေခဲညှပ်‌မုန့်တွေ အာဟာရဒါနဖြစ် ကျွေးမွေးခဲ့ပါတယ်။ အာဟာရဒါနလုပ်နိုင်ဖို့ ထောက်ပံ့ကူညီခဲ့တဲ့ ပြည်သူတိုင်းကို စစ်ရှောင်လူထုကိုယ်စား ဗကသများအဖွဲ့ချုပ်က ကျေးဇူးအထူးတင်ရှိပါတယ်။

သတင်းနှင့်ပြန်ကြားရေးကော်မတီ
ဗကသများအဖွဲ့ချုပ်

ဗကသများအဖွဲချုပ်နဲ့ မဟာမိတ်တွေက မတရားစစ်မှုထမ်းဥပဒေ ဆန့်ကျင်ရေး၊ အထွေထွေအကျပ်အတည်း ဖြေရှင်းရေး လှုံ့ဆော်လှုပ်ရှားမှု ပြုလုပ်

၂၀၂၄ ဇွန် ၅၊ ဗကသ

ဗမာနိုင်ငံလုံးဆိုင်ရာကျောင်းသားသမဂ္ဂများအဖွဲချုပ် (ဗကသများအဖွဲချုပ်) နဲ့ မဟာမိတ် အဖွဲအစည်းများဖြစ်တဲ့ တာမွေသပိတ်ကော်မတီ (Tarmwe Strike Committee)၊ လူ့ဘောင်သစ်လူငယ် (Youth For New Society)၊ Mayangone Democratic Front (MDF)၊ Kyimyindaing Networks (KMD18)၊ လင်းရောင်နီ (လူငယ်အဖွဲ့အစည်း) နဲ့ Owl Community တို ပူးပေါင်းပြီး “မတရားစစ်မှုထမ်းဥပဒေကို လူထုအားနဲ့ ဆန့်ကျင်ကြ" စာသားပါဘန်နာကို ကိုင်စွဲပြီး မတရားစစ်မှုထမ်းဥပဒေ ဖျက်သိမ်းရေး၊ အထွေထွေအကျပ်အတည်း ဖြေရှင်းရေးနဲ့ စစ်အာဏာရှင်စနစ် ဆန့်ကျင်ရေး လှုံ့ဆော်လှုပ်ရှားမှုတရပ်ကို ဇွန်လ ၄ ရက်နေ့က ရန်ကုန်မြို့မှာ ပြုလုပ်ခဲ့ပါတယ်။

“မတရားစစ်မှုထမ်းဥပဒေကို လူထုအားနဲ့ ဆန့်ကျင်ကြ”

သတင်းနှင့်ပြန်ကြားရေးကော်မတီ
ဗကသများအဖွဲချုပ်
#ABFSU #ဗကသ #GSC #လှုပ်ရှားမှု #မတရားစစ်မှုထမ်းဥပဒေ #အထွေထွေအကျပ်အတည်း