"ကျောင်းသားနဲ့ နိုင်ငံရေးဆိုင်လား" ဆိုတဲ့ခေါင်းစဉ်နဲ့ ဗကသများအဖွဲ့ချုပ်က ဆွေးနွေးပွဲပြုလုပ်

ဧပြီ ၁၀၊ ဗကသ

"ကျောင်းသားနဲ့ နိုင်ငံရေးဆိုင်လား" ဆိုတဲ့ ခေါင်းစဉ်နဲ့ ဗကသများအဖွဲ့ချုပ်က ရဲဘော်တွေနဲ့ ရွှေ့ပြောင်းမြန်မာကျောင်းသားတွေ ပါဝင်တဲ့ ဆွေးနွေးပွဲတခုကို ဧပြီ ၇ ရက်နေ့က ထိုင်းနိုင်ငံ၊ မဲဆောက်မြို့မှာ ပြုလုပ်ခဲ့ပါတယ်။

အခြေအနေ အမျိုးမျိုးကြောင့် မဲဆောက်ကို ရောက်နေကြပြီး ပညာရေးနဲ့ လုံးပန်းနေရတဲ့ ရွှေ့ပြောင်းမြန်မာကျောင်းသားတွေကို နိုင်ငံရေးနိုးကြားနေဖို့နဲ့ ကိုယ့်ပြည်တွင်းနိုင်ငံရေးနဲ့ အဆက်မပြတ်နေဖို့ကို ရည်ရွယ်ပြီး ဒီဆွေးနွေးပွဲကို ပြုလုပ်ခဲ့တာပါ။

ဗမာနိုင်ငံလုံးဆိုင်ရာကျောင်းသားသမဂ္ဂများအဖွဲ့ချုပ် (ဗကသများအဖွဲ့ချုပ်) က ရဲဘော်တွေပြုလုပ်တဲ့ပွဲကို ဗကသများအဖွဲ့ချုပ်ရဲ့မဟာမိတ် အဖွဲ့အစည်းတခုဖြစ်တဲ့ လူ့ဘောင်သစ်ဒီမိုကရက်တစ် ပါတီက လိုအပ်တဲ့ အကူအညီတွေ ပေးခဲ့ပါတယ်။

ဓာတ်ပုံ - အိုးဝေ

#Oway #ABFSU #ဗကသ #DPNS #လူ့ဘောင်သစ် #ကျောင်းသား #နိုင်ငံရေး #ဆွေးနွေးပွဲ

မြန်မာရွှေ့‌ပြောင်း ကျောင်းသားတွေကို ဗကသများအဖွဲ့ချုပ်က အိုးဝေစာစောင်တွေ ဖြန့်ဝေ

၂၀၂၄ ဧပြီ ၁၀၊ ဗကသ

ထိုင်းနိုင်ငံ၊ မဲဆောက်မြို့က မြန်မာရွှေ့ပြောင်း ကျောင်းသားတွေကို ဗကသများအဖွဲ့ချုပ် ရဲဘော်တွေက ဧပြီ ၇ ရက်နေ့မှာ အိုးဝေစာစောင်တွေ ဖြန့်ဝေခဲ့ပါတယ်။

သတင်းနှင့်ပြန်ကြားရေးကော်မတီ
ဗကသများအဖွဲ့ချုပ်
#Oway0307 #ABFSU #အိုးဝေ #စာစောင် #ဗကသ #မဲဆောက် #ကျောင်းသား

ရန်ကုန်မှာ ဗကသများအဖွဲ့ချုပ်က မတရားစစ်မှုထမ်းဥပဒေ ဆန့်ကျင်ရေး လှုံ့ဆော်စတစ်ကာတွေ ဖြန့်ဝေ

၂၀၂၄ ဧပြီ ၁၀၊ ဗကသ

ကြည့်မြင်တိုင်မြို့နယ်ကျောင်းသားများသမဂ္ဂ (ဗကသများအဖွဲ့ချုပ်) က ဒီကနေ့ ဧပြီလ ၁၀ ရက်နေ့မှာ “စစ်မှုထမ်းဥပဒေကို ဆန့်ကျင်ကြ၊ မတရားမှုကို လူထုအားနဲ့တိုက်ဖျက်ကြ” စာသားပါစတေကာတွေကို ရန်ကုန်မြို့မှာ ဖြန့်ဝေခဲ့ပါတယ်။

သတင်းနှင့်ပြန်ကြားရေးကော်မတီ
ဗကသများအဖွဲ့ချုပ်
#ABFSU #ဗကသ #မတရားစစ်မှုထမ်းဥပဒေ