#Malaammaltummaan_Uumaafi_Uumama_Irraanfachuudha!.

Guyyaan Farra Malaammaltummaa Inistiitiyuutii Leenjii fi Qorannoo Seeraa Oromiyaatti Dhaadannoo"Dhaloota Safuu fi Naamusa Gaariin Ijaaruun:Badhaadhina Hunda Galeessaaf!" Jedhuun kabajame.

Guyyaan Farra Malaammaltummaa bara 2017 akka Addunyaatti yeroo 21ffaaf akka biyya keenyatti yeroo 20ffaaf,akka Naannoo Oromiyaatti yeroo19ffaaf kabajamu #ILQSOtti qophiilee garaagaraatin kabajamee oolee jira. Qophiilee kanneen keessaa #Safuufi_Aadaan_Oromoo_Malaammaltummaa_Ittisuu_Keessatti_Gaheen_Inni_Qabu, mata duree jedhu irratti qorataa Aadaa fi barsiisaa Yunivarsiitii Naannoo Oromiyaa Obboo Leeniin Quuxootiin leenjiin bala'aa fi hawataan kennameera.

Gama biraatii barreeffamni Farra Malaammaltummaa irratti xiyyeeffate Leenjisaa Seeraa #ILQSO Obboo Getaachoo Kabbadaatin barruun gabaabaan malaammaltummaa akka dhaloonni safeeffatu kakaasu dhiyaatee jira. Barreeffamicha dhiyaate keessatti rakkooleen malaammaltummaan walqabatanii manneen hojii mootummaa keessatti qorannoon argaman ka'anii jiru. Barreeffamicha dhiyaate irratti mariin kan taasifame yoo ta'u, marii kanaanis dhimmi malaammaltummaa dhimma hundi keenya safeeffachuu qabnuudha jedhame.

I/A Daayrekteera Ol'aanaa Inistiitiyuutii Leenjii fi Qorannoo Seeraa Oromiyaa Obboo Sulxaan Abdoo kabaja guyyaa Farra Malaammaltummaa kana ilaalchisuun akka mana hojii keenyatti waan baay'etu nurraa eegama waan ta'eef, kaayyoo mana hojii keenyaa galmaan gahuuf qabeenya harkaa qabnu kunuunsuu irraa kaasee harka qulqulluu fi sammuu qulqulluun hawaasa keenya karaa haqa qabeessa ta'een tajaajiluun dhaloota hanna safeeffatu horachuu keessatti gahee keenya bahuu qabna jechuun dhaamanii jiru.

Dhuma irrattis Koreen badhaasaa fi beekkamtii hojjattoota ulaagaalee madaallii keessa darbanii badhaasaaf gahaniif waraqaan ragaafi badhaasni kennamuufin kabajni ayyanichaa sirna beekkamtii kennuutiin goolabameera.

Sadaasa 27/2017
Inistiitiyuutiin Leenjii fi Qorannoo Seeraa Oromiyaa mata duree #Seera_Deemsa_Falmii_Siivilii jedhu irratti leenjii hojii irraa yeroo gabaabaa Magaalaa Bishooftuutti kennaa jira.

Leenjichi guyyoota sadiif kan turu yoo ta'u, marsaa lammaffaaf Abbootii Seeraa Mana Murtii Waliigala Oromiyaatiif kennamaa jiera.

I/A Daayrekteera Ol'aanaa Inistiitiyuutii Leenjii fi Qorannoo Seeraa Oromiyaa Obboo Sulxaan Abdoo ,kaayyoon leenjii kanaa muuxannoo fi beekumsa Abbootii Seeraa bira jiru walitti fiduun rakkoowwan qabatamaan Seera Deemaa Falmii Siivilii keessatti mul'tan irratti ijjannoo fi yaada walitti dhiyaatu qabattanii sirna haqaa keessatti tajaajila haqa qabeessa hawaasaaf kennuuf akka ta'e ibsanii jiru.

I/A Pireezidantii Mana Murtii Woliigala Oromiyaa Obboo Badriitamaam Umar, woyta Haasawa baniinsaa taasisan akka jedhanitti, Dhimmi Seera Deemsa Falmii Siivilii dhimma yeroo tokkoon qulqulleessinee keessaa baanu waan hin ta'iniif, irra deddeebin muuxannoo wal jijjiiruun beekumsa keenna cimsannee rakkoolee dhimmoota kanneenin walqabatan furuu irratti hubannoo walfakkaataa fi murtii walitti siqaa akka kenninu hubannoo dandeessisu uumuuf waan ta'eef, leenjii kana irratti muuxannoo walirraa arganne qabatamaan hojitti jijjiiruuf leenjichaaf xiyyeeffannoo kennuu fi dammaqinaan hirmaachun barbaachisaadha jedhan.