#ILQSO, Sadaasa 27, bara 2016
Guyyaan Farra Malaammaltummaa fi Ittisa Dhukkuba HIV AIDS sadarkaa ILQSOtti kabjame
Guyyaan Farra Malaammaltummaa akka naannoo Oromiyaatti marsaa 18ffaaf Mootoo "Malaammaltummaan Diina Waloo Keenyaa waan ta'eef Gamtaadhaan irratti Haa Qabsoofnu" jadhuun kabajamu sadarkaa ILQSOtti kabajame. Kaayyoon kabaja guyyaa kanaa miidhaa malaammaltummaan geessisaa jiruu fi geessiisuu danda'u akkasumas tarsimoo yakka kana ittiin ittisan irratti hubanno waliif uumu, waadaa qabsichaa haaromfachuu fi kallatti qabsoo gara ful duraa akeekuuf akka ta'e daayirektarri Ol'aanaan ILQSO Obbo Doobee Dhaabaa ibsaniiru. Sagantaa kanarratti hojjattoota naamusaan fakkeenya ta'aniif beekkamtii fi badhaasni kennameera. Dabalataaniis, guyyaan Farra Dhukkuba HIV AIDS marii hubannoo uumuutiin kabajameera.

#Workishoppii Xiqqaa Mirkaneessa Gumee Qorannoo
Inistitiyuutiin Leenjii fi Qorannoo Seeraa Oromiyaa qorannoowwan bara 2016 kana keessa gaggeessuuf karoorfate ilaalchisee gumeewwan qorannoo qophaa'an irratti Magaalaa #Bishooftutti marii gaggeessee jira. Kaayyoon marii kanaa gumeewwan qorannoo qophaa'an irratti yaada Abbootii hirtaa fi ogeessotaa fudhachuun gabbisuun Qorannoo gaggeessuuf akka ta'e ibsamee jira. Workishoppii Xiqqaa kana irratti hoggantootni fi ogeessotni manneen hojii dhimmi ilaaluu, leenjistootaa fi Qorattootni ILQSO fi koreen bulchiinsaa argamanii yaada isaanii gumaachanii jiru. Yaadotni marii kana irraa argaman gumeewwan qorannoo dhiyaatan gabbisuun qorannoowwan bilchinaa fi fudhatamummaa qaban akka gaggeeffaman kan taasisaniidha jedhameera.