የአሜሪካ እና ቻይና የንግድ ተፅእኖ በ2000 እና በ2024።

የኢትዮጵያን ቦንድ የገዙ ባለሃብቶች IMF ኢትዮጵያን አስመልክቶ በቅርቡ ያወጣ የግምገማ ሪፖርት እውነታውን ያለባበሰ ነው ሲሉ መውቀሳቸውን በርካታ የውጭ ሚዲያዎች ዘግበዋል።

ከ አራት ሳምንት በፊት አለምዓቀፉ የገንዘብ ድርጅት/IMF ለኢትዮጵያ በቅርቡ አፅድቆ መፅቀቅ በጀመረው ብድር ሁለተኛ ዙር ግምገማ ያገኘውን ውጤት በዝርዝር ሪፖርት ማውጣቱ ይታወሳል።

ሆኖም የኢትዮጵያን ቦንድ 40 በመቶ ድርሻ የያዙ የግል ባለሃብቶችን ያካተተው የአበዳሪ ኮሚቴ የIMF ሪፖርት እውነቱን በመሸፈን አገሪቷ እዳ የመክፈል አቅሟ የተዳከመ በማስመሰል አቅርቧል ሲል ነው የጠቀሰው።

ይህም አበዳሪዎች ችግሩን በመመልከት የእዳ ሽግሽግ ስምምነት እንዲያደርጉ ለመገፋፋት ያለመ አሳሳች ነው ሲል ኮሚቴው የገለፀው።

እንደኮሚቴው ገለፃ የኢትዮጵያ ወቅታዊ ሁኔታ በIMF እንደቀረበው አይደለም የማክሮ ኢኮኖሚ ለውጡም መልካም መሻሻል ለአገሪቱ እያመጣ ነው ሲል መታዘቡ ነው የተዘገበው።

መንግስት ልክ እንደ አገራት አበዳሪዎች ሁሉ የዛሬ 10 አመት ለሸጠው አንድ ቢሊየን ዶላር የሚያወጣ ቦንድ/ዩሮ ቦንድ የእዳ መክፈያ ሽግሽግ ለማድረግ ፍላጎት አለው።

ሆኖም ከአበዳሪዎች ጋር የሚያደርገው ድርድር ገና አልተቋጨም።

መንግስት የዩሮ ቦንዱን እዳ ሙሉ ለሙሉ ባለፈው ታህሳስ ከፍሎ መዝጋት ቢኖርበትም ያን አላደረገም።
ይልቁንም ከአንድ ቢሊየን ዶላሩ ዋና እዳ በተጨማሪ ባለፈው አንድ አመት ያልከፈለው 99 ሚሊየን ዶላር መኖሩ ነው በ IMF የቅርብ ሪፖርት የተገለፀው

ማንበብ ይቀጥሉ
Condoaddis.com/250218-1

ኢትዮጵያ በዚህ ወር መጨረሻ የዓለም ንግድ ድርጅት አባልነት ለማግኘት ወሳኝ ድርድር  ልታደርግ ነዉ

ኢትዮጵያ የዓለም ንግድ ድርጅት  አባል ለመሆን ያላት የረዥም ጊዜ ምኞት ወደ ፍጻሜው እየተቃረበ ሲሆን፣ ቀጣዩ የድርድር ዙር በየካቲት መጨረሻ ወይም በመጋቢት መጀመሪያ ላይ ይካሄዳል።

ኢትዮጵያ ለመጀመሪያ ጊዜ የዓለም ንግድ ድርጅት አባልነትን እኤአ በ2003 ያቀረበች ሲሆን፣ ከዚያን ጊዜ ጀምሮ የድርጅቱን ጥብቅ መስፈርቶች ለማሟላት ሰፊ የኢኮኖሚ እና የንግድ ፖሊሲ ማሻሻያዎችን አድርጋለች።

በጄኔቫ የሚካሄደው የድርድር ዙር የገበያ ተደራሽነት ግዴታዎችን እና የሀገር ውስጥ የቁጥጥር ማስተካከያዎችን ጨምሮ ዋና ዋና የውድድር ኮንትራቶችን በማጠናቀቅ ላይ ያተኩራል ተብሏል።

የንግድ ባለሙያዎች እና የመንግስት ባለስልጣናት ሂደቱ ተስፋ ሰጪ እንደሆነ ገልጸዋል። የንግድ እና ቀጠናዊ ትስስር ሚኒስትር ዴኤታ ወ/ሮ ያስሚን ወሃብረቢ እንደገለጹት፣ "ይህ የዓለም ንግድ ድርጅት አባልነት ለኢትዮጵያ ኢኮኖሚዋን ለማጠናከር እና የውጭ ኢንቨስትመንትን ለመሳብ ታሪካዊ እድል ነው።

Source: capitalethiopia
@etstocks

2ኛ ዙር የውጭ ምንዛሪ ሽያጭ ጨረታ
60 ሚሊዮን ዶላር  ጨረታ ሊወጣ ነው  !!


የኢትዮጵያ ብሔራዊ ባንክ ልዩ የውጭ ምንዛሪ ጨረታ ማክሰኞ የካቲት 18 ቀን 2017 አካሂዳለሁ ብሏል ። ይህም የማክሮ ኢኮኖሚ ማሻሻያ ወደ ትግበራ ከገባ ካለፈው ሐምሌ 22 ቀን 2016 ዓም አንስቶ የአሁን የውጭ ምንዛሬ ሽያጭ ጨረታ ሲወጣ ለ2ኛ ጊዜ ነው፡፡


ለጨረታ የሚቀርበው የውጭ ምንዛሪ መጠን 60 ሚሊዮን ዶላር ሲሆን፣ ጨረታው ለሁሉም ባንኮች ክፍት ይሆናል፡፡


ቅዳሜ ገበያ የጨረታውን ዝርዝር መረጃ  አያይዞ የለጠፈ ስለሆነ የማስታወቂያ አጠቃላይ ይዘት መመልከት ይቻላሉ !!

Source~NBE
@Etstocks

ብሔራዊ ባንክ አንድ የአሜሪካ ዶላር በአማካይ 135 ብር ዋጋ መሸጡን አስታወቀ

የኢትዮጵያ ብሔራዊ ባንክ ትላንት ባካሄደው ልዩ የውጭ ምንዛሪ ጨረታ ውጤት መሰረት፣ የአንድ የአሜሪካ ዶላር አማካይ የምንዛሪ ዋጋ 135 ነጥብ 6185 ብር መሆኑን ይፋ አደረገ።

በዚህ ጨረታ 27 ባንኮች የተሳተፉ ሲሆን፣ ብሔራዊ ባንክ ከፍተኛ ቁጥር ያለው ተሳትፎ መኖሩን ገልጿል። ባንኩ አክሎም አስፈላጊ ሆኖ ሲገኝና ከዋጋና ከውጭ ምንዛሪ መረጋጋት ጋር በሚስማማ መልኩ ተጨማሪ ጨረታዎችን እንደሚያካሂድ አስታውቋል።

ይህ የውጭ ምንዛሪ ጨረታ የገንዘብ ገበያውን ለማረጋጋትና የውጭ ምንዛሪ ተገኝነትን ለማሻሻል የሚደረገው ጥረት አካል መሆኑ ተጠቁሟል።

የማክሮ ኢኮኖሚ ማሻሻያ ወደ ትግበራ ከገባ ካለፈው ሐምሌ 22 ቀን 2016 ዓ.ም አንስቶ የአሁን የውጭ ምንዛሬ ሽያጭ ጨረታ ሲወጣ ለ2ኛ ጊዜ መሆኑ ይታወቃል ።

በዚህም በመጀመሪያዉ ዙር የውጭ ምንዛሬ ጨረታ፣ አንድ የአሜሪካ ዶላር በአማካይ በ107 ነጥብ 9 ብር ዋጋ መሸጡን እና 27 ባንኮች በጨረታው ላይ መሳተፋቸውን ገልፆ ነበር።

Source: NBE
@Etstocks

የኢትዮጵያ ምርት ገበያ አዲስ ዋና ሥራ አስፈጻሚ ሾመ

#Ethiopia  | የኢትዮጵያ ምርት ገበያ የዳይሬክተሮች ቦርድ አቶ መርጊያ ባይሳን የኢትዮጵያ ምርት ገበያ ዋና ሥራ አስፈጻሚ አድርጎ ሾሟል።

አቶ መርጊያ በተቋሙ ውስጥ ከምስረታው ጀምሮ በተለያዩ የኃላፊነት ቦታዎች ያገለገሉ ሲሆን፣ ለሰባት ዓመታትም ምክትል ዋና ሥራ አስፈጻሚ እንደነበሩ ተጠቁሟል።

በተጨማሪም ቦርዱ ወ/ሪት ቅድስት ስጦታውን በገበያና ግብይት ዘርፍ ምክትል ዋና ሥራ አስፈጻሚ፣ እንዲሁም አቶ ታምራት ተሰማን በመጋዘንና ጥራት ዘርፍ ምክትል ዋና ሥራ አስፈጻሚ አድርጎ ሾሟል ሲል ካፒታል ዘግቧል።

(ዘ-ሐበሻ ዜና) ከአያት ሪል ስቴት ሱቅ የገዙ ሰዎች በድርጅቱ ላይ አቤቱታ አሰሙ፡፡ በአዲስ አበባ ከተማ ለሚ ኩራ ክፍለ ከተማ ወረዳ 10 አያት ሾፒንግ ሞል በሚል በተገነባው ህንፃ ውስጥ ሱቅ የገዙት የዛሬ 16 አመት እንደነበር አቤቱታ አቅራቢዎቹ ገልፀዋል፡፡ በወቅቱ ድርጅቱ በሁለት አመት ውስጥ ግንባታውን አጠናቆ እንደሚያስረክባቸው ቃል እንደገባላቸውም አስረድተዋል፡፡

የአያት ሞል ሱቅ ባለቤቶች ማህበር ፀሀፊ ሩት ግርማይ ስትናገር ‹‹እኛ የማህበሩ አባላት በህጋዊ መንገድ ሱቅ የገዛንና ውል የፈፀምን ነን፡፡ ነገር ግን ድርጅቱ ተገቢውን መሰረተ ልማት አሟልቶ ባለማጠናቀቁ ሱቃችንን ለመረከብ ፈቃደኛ ባለመሆናችን ተዘግቶ ይገኛል›› ብላለች፡፡ እንደገለፀችውም በህንፃው ውስጥ ካልተጠናቀቁት መሰረተ ልማቶች መካከል መብራት፣ ውሀ፣ መፀዳጃ ቤት፣ መኪና ማቆሚያና ሊፍት ይገኙበታል፡፡ የህንፃው ግንባታ ረጅም ጊዜ በመቆየቱ አንዳንድ የማህበሩ አባላት በራሳቸው ወጪ አጠናቀው ስራ መጀመራቸውን ሩት ገልፃለች፡፡

ጉዳዩን ወደፍርድ ቤት ለመውሰድ ቢፈልጉም የገንዘብ እጥረት እንዳለባቸው ጠቅሳም በአሁኑ ወቅት ለሚመለከታቸው የመንግስት መስሪያ ቤቶች አቤቱታ በማቅረብ ላይ ቢሆኑም ምንም መፍትሄ አለማግኘታቸውን አስርታለች፡፡ የአያት ሪል ስቴት ቦርድ ምክትል ሊቀመንበር አቶ አብይ ማሞ ስለጉዳዩ ከዘሪፖርተር ተጠይቀው ሲመልሱ ‹‹እኛ ሱቅ ገዢዎቹን በመነጋገርና በውይይት ችግሩን እንድንፈታ ጠይቀናቸው ነበር፡፡ እነሱ ግን ጉዳዩን ወደተለያዩ የመንግስት መስሪያ ቤቶች መውሰድን መርጠዋል›› ካሉ በኋላ ጉዳዩን ለመፍታት በሂደት ላይ መሆናቸውን አስታውቀዋል፡፡

ለውይይት የቀረበው የባንኮች የመጠባበቂያ ረቂቅ መመሪያ የክፍያ ሂሳብ በመጠባበቂያ ቋት ውስጥ ከግምት እንዲገባ የሚያደርግ መሆኑ ተጠቀሰ።
ብሄራዊ ባንክ የባንኮች መጠባበቂያ መመሪያን ለመከለስ ረቂቅ ህግ ከመፅደቁ በፊት አስተያየት እንዲሰጥበት ባሳለፍነው ሳምንት ይፋ አድርጓል።
በዚህም መሰረት ቀደም ሲል ባንኮች ለመጠባበቂያ መያዝ አለባቸው የሚለው የገንዘብ መጠን ላይ ማስላት ከሚችሉት የተጣራ ተቀማጭ በተጨማሪ የክፍያ ሂሳብ መጠቀም እንዲችሉ የሚያደርግ መሆኑ ተጠቅሷል።

የአክሲዮን ዓይነቶች

አክሲዮኖች በተለያዩ ባህሪያት ላይ ተመስርተው በተለያዩ መንገዶች ሊከፋፈሉ ይችላሉ. የዋና ዋና ዓይነቶች አጠቃላይ እይታ ይኸውና፡-

1. በባለቤትነት አንፃር፡-
- መደበኛ አክሲዮን: የመምረጥ መብቶችን እና እምቅ የትርፍ ክፍፍልን ይሰጣል
- ተመራጭ አክሲዮን፡ ቅድሚያ የተሰጣቸው የትርፍ ክፍፍሎች/ንብረቶች፣ በተለምዶ ምንም የመምረጥ መብቶች የለውም።

2. የገበያ ካፒታላይዜሽን፡-
- ትልቅ ካፒታል፡ የተቋቋሙ ድርጅቶች (ከ10 ቢልየን በላይ የገበያ ዋጋ፣ ለምሳሌ፣ ሜታ)።
- መካከለኛ ካፒታል፡ የሚያድጉ ኩባንያዎች (ከ2–10 ቢልየን ካፒታል)።
- አነስተኛ ካፒታል፡ ትናንሽ ድርጅቶች (ከ2 ቢልየን በታች ካፒታል፣ ከፍ ያለ ስጋት ያለው

3. በኢንቨስትመንት ዘይቤ፡-
- የዕድገት አክሲዮኖች፡ ከፍተኛ የማደግ አቅም፣ ገቢዎችን እንደገና ኢንቨስት የሚያደርግ።
- የእሴት አክሲዮኖች: ዝቅተኛ ዋጋ ያላቸው እና የተረጋጊ (ለምሳሌ, ኮካ ኮላ).

4. በዘርፎች/ኢንዱስትሪዎች፡-
- በኢንዱስትሪ የተከፋፈለ (ቴክ፡ ኒቪዲ፤ ጤና አጠባበቅ፡ Pfizer፤ ኢነርጂ፡ ኤክስክሶን ሞቢል)።

5. የትርፍ ክፍፍል ፖሊሲ፡-
- የትርፍ ክፍፍል አክሲዮን፡ መደበኛ ክፍያዎች ያሉት
- ያልተከፋፈሉ አክሲዮኖች፡ ትርፍን እንደገና ኢንቨስት የሚያደርጉ

6. በኢኮኖሚያዊ እይታ፡-
- ዑደታዊ፡ ከኢኮኖሚ ጋር የተሳሰረ (ለምሳሌ አየር መንገድ)።
- ተከላካይ/ሳይክሊካል ያልሆነ፡ የተረጋጋ ፍላጎት (ለምሳሌ መገልገያዎች፣ Walmart)።

7. ጂኦግራፊያዊ ትኩረት፡
- የሀገር ውስጥ፡ በዋነኛነት በትውልድ ሀገር ውስጥ ይሰራል።
- ዓለም አቀፍ: የውጭ እና እልም አቀፍ ተደራሽ
- ብቅ ያሉ ገበያዎች፡ ከፍ ያለ ስጋት/ሽልማት ያሏቸው (ለምሳሌ አሊባባ)።

8. የESG ምክንያቶች፡-
- በዘላቂነት ላይ ያተኩሩ (ለምሳሌ፡ NextEra Energy በታዳሽ እቃዎች)።

9. የአደጋ ተጋላጭነት ማህደር፡-
- ፔኒ ስቶኮች፡ ዝቅተኛ ዋጋ (<$5)፣ ተለዋዋጭ (ለምሳሌ፣ ማይክሮ ካፕ ኩባንያዎች)።
- ሰማያዊ-ቺፕ: አስተማማኝ, ትልቅ-ካፕ (ለምሳሌ, ጆንሰን እና ጆንሰን).
- ግምታዊ/Meme አክሲዮኖች፡ በአዝማሚያዎች እና ወቅታዊ ሁነቶች የሚመራ (ለምሳሌ፡ GameStop)።

10. የመጀመሪያ የህዝብ አቅርቦት አክሲዮኖች፡-
- አዲስ የህዝብ ኩባንያዎች

11. በአክሲዮን ክፍሎች፡
- የተለያዩ መብቶች (ለምሳሌ፣ Alphabet’s Class A [ድምፅ] ከክፍል C ጋር [ድምፅ የማይሰጡ)።

12. ልዩ ልዩ አወቃቀሮች፡-
- REITs፡ ሪል እስቴት ላይ ያተኮረ፣ ከፍተኛ የትርፍ ክፍፍ ያለው

ማሳሰቢያ፡ ምድብ ዓይነቶች ብዙ ጊዜ ይደራረባሉ (ለምሳሌ፣ እንደ አፕል ያለ ትልቅ የቴክኖሎጂ አክሲዮን የእድገት እና የትርፍ ክምችት ሊሆን ይችላል። እነዚህን ዓይነቶች መረዳት ከኢንቨስትመንት ግቦች እና ከአደጋ መቻቻል ጋር የተጣጣመ የተለያየ ፖርትፎሊዮ ለመገንባት ይረዳል።