የኅብረት ባንክ ዋና ሥራ አስፈጻሚ አቶ መላኩ ከበደ ከኃላፊነታቸው ለቀቁ!
***
በኅብረት ባንክ በተለያዩ የኃለፊነት መደቦች ከ20 ዓመታት በላይ ሲያገለግሉ የቆዩት፣ ባለፉት 5 ዓመታት ደግሞ በዋና ሥራ አስፈጻሚነት ሲመሩ የነበሩት አቶ መላኩ ከበደ ከኃላፊነታቸው ለቀቁ፡፡

የሪፖርተር ምንጮች እንደገለጹት አቶ መላኩ ከኃላፊነታቸው የለቀቁት በገዛ ፈቃዳቸው ሲሆን፣ ይህንንም በመልቀቂያ ደብዳቤያቸው ላይ ያሰፈሩ ቢሆንም፣ ውሳኔያቸው ድንገተኛ ነው ተብሏል፡፡ ከባንኩ የተገኘው መረጃ ደግሞ አቶ መላኩ ኃላፊነታቸውን የለቀቁት ከግል ምክንያት ጋር በተያያዘ ነው፡፡

ድንገተኛ የተባለውን የአቶ መላኩ የሥራ መልቀቂያ ደብዳቤ የተቀበለው የባንኩ ዳይሬክተሮች ቦርድ፣ ጥያቄያቸውን ተቀብሎ አዎንታዊ መልስ እንደሰጣቸው ለማወቅ ተችሏል፡፡

ቦርዱ በአቶ መላኩ ምትክ ተጠባባቂ ዋና ሥራ አስፈጻሚ ሆነው እንዲያገለግሉ፣ የባንኩ ሲኒየር ምክትል ዋና ሥራ አስፈጻሚ (ኦፕሬሽን) ሆነው በማገልገል ላይ የሚገኙትን ወ/ሮ ጽጌሬዳ ተስፋዬን መሰየሙ ታውቋል፡፡

በኢትዮጵያ የባንክ ኢንዱስትሪ ውስጥ ልምድ አላቸው ተብለው ከሚጠቀሱ የባንክ ባለሙያዎች መካከል አንዱ የሆኑት አቶ መላኩ፣ በኅብረት ባንክ ብቻ ከ20 ዓመታት በላይ በተለያዩ የኃላፊነት ቦታዎች ላይ ሲያገለግሉ ቆይተዋል፡፡ በተለይ ዋና ሥራ አስፈጻሚ ሆነው ከመሾማቸው በፊት፣ ከ11 ዓመታት በላይ በምክትል ሥራ አስፈጻሚነት ሲያገለግሉ ነበር፡፡

አቶ መላኩ በኅብረት ባንክ ቆይታቸው በተለይ የዲጂታል ባንኪንግ አገልግሎት ወደ ተሻለ ደረጃ ለማድረስ የተከናወኑ ሥራዎችን በሙሉ በማስተባበርና በመምራት፣ ከፍተኛ አስተዋጽኦ እንደነበራቸው ይጠቀሳል፡፡

ም/ፕሬዚዳንትና ዳይሬክተር በመሆን የዲጂታል የባንክ አገልግሎት ዘርፉን  ለ11 ዓመታት መምራታቸውን የተገኘው የባንኩ መረጃ ያስረዳል፡፡

Siket Bank registers 1.6 billion birr profit in first year after banking transition

Siket Bank, formerly known as Addis Credit and Saving S.C., has marked a significant milestone in its first year as a full-fledged bank, reporting an impressive profit of 1.6 billion birr for the 2023/24 financial year. This marks the end of a successful inaugural year since its transition from a microfinance institution to a commercial bank.

The bank, which became Ethiopia’s 32nd commercial bank after receiving approval from the National Bank of Ethiopia last year, earned more than 2.3 billion birr in revenue during the fiscal year. This represents a 42 percent increase in income compared to the previous year, when the institution was still operating as a microfinance entity.



Source: capitalethiopia

Highest Dollar offer DBE

@etstocks

የኢትዮጵያ መድን ድርጅት በተጠናቀቀው በጀት ዓመት 8.6 ቢሊዮን ብር የአርቦን ገቢ ማስመዝገብ መቻሉን እና የእቅዱን 92.4 በመቶ ማሳካት መቻሉን አስታወቀ

ብቸናዉ መንግስታዊ የኢንሹራንስ ኩባንያ የሆነዉ ተቋሙ ካስመዘገበዉ የአረቦን መጠን ዉስጥ 8.3 ቢሊዮን ያህሉ ከመድን ዘርፍ የተመዘገበ ካለፈው በጀት ቀሪዉ 306.5 ሚሊዮን የሚሆነዉ ከረጅም ጊዜ መድን ዘርፍ የተመዘገበ መሆኑን በዓመታዊ ሪፖርቱ ገልጿል።

በበጀት አመቱ ከተመዘገበው አረቦን ውስጥ 85 በመቶውን ለመሰብሰብ እቀድ የተያዘ ቢሆንም የተሰበሰበው የአረቦን መጠን 89.7 በመቶውን ነው፡፡ ይህም ከተቀመጠው እቅድ አንጻር ሲገመገም አፈጻጸሙ 105.5 በመቶ መሆኑን ያስታወቀዉ ድርጅቱ ከአምናው ተመሳሳይ ወቅት ጋር ሲነጻጸር ግን አፈጻጸሙ የ9.3 በመቶ ብልጫ አለዉ ብሏል።

የኢትዮጵያ መድን ድርጅት እንዳስታወቀው በተጠናቀቀው ሂሳብ ዓመት ከታክስ በፊት ከ 1.66 ቢሊዮን ብር በላይ ትርፍ ማስመዝገቡን እና ይህም ከተያዘው እቅድ ጋር ሲነፃፀር 7.5 በመቶ ዕድገት አሳይቷል ሲል በሪፖርቱ ገልጿል ።

Source: ENA

Ethiopia and China strike a historic currency swap deal to boost trade.

At the China-Africa summit, FDRE Minister of Finance H.E. Ahmed Shide, anounced a significant financial agreement between Ethiopia and China. The two nations have entered in to a currency swap deal, allowing them to conduct trade using their own local currencies.

ሰነደ መዋዕለ ንዋይን ለሕዝብ ለማቅረብ የሚያስችል መመርያ ተዘጋጀ

ለአዳዲስ ሥራ ፈጣሪዎች የካፒታል ገበያ ቁጥጥር ማጣሪያ ማዕቀፍ መዘጋጀቱ ተገልጿል
ለካፒታል ገበያ ወደ ሥራ መግባት ትክክለኛና አስፈላጊ ነው የተባለ የሰነደ መዋዕለ ንዋይን ለሕዝብ ለማቅረብ የሚያስችል መመርያ ዝግጅት መጠናቀቁን፣ የካፒታል ገበያ ባለሥልጣን አስታወቀ።

የካፒታል ገበያ ባለሥልጣን አዳዲስ የሥራ ፈጣሪዎች በሥራ ላይ ያሉትን የቁጥጥር ደንቦችና መመርያዎችን መከተል ሳይጠበቅባቸው፣ አገልግሎቶቻቸውን ለካፒታል ገበያ ማቅረብ የሚያስችል የቁጥጥር ማጣሪያ ማዕቀፍ ሐሙስ ነሐሴ 23 ቀን 2016 ዓ.ም. ይፋ አድርጓል።

የካፒታል ገበያን ወደ ሥራ ለማስገባት ከ2013 ዓ.ም. ጀምሮ በርካታ የሕግ ማዕቀፎች ሲዘጋጁ መቆየታቸውን የካፒታል ገበያ ባለሥልጣን ዋና ዳይሬክተር ወ/ሪት ሀና ተኸልኩ ለሪፖርተር ገልጸዋል።

የካፒታል ገበያን ሙሉ በሙሉ ወደ ሥራ ለማስገባትና የኩባንያዎችን መዋዕለ ንዋይ ለሕዝብ ማቅረብ እንዲቻል፣ ባለሥልጣኑ ሲያዘጋጀው የቆየው መመርያ መጠናቀቁን የገለጹት ወ/ሪት ሀና፣ ተግባራዊ ለማድረግም በፍትሕ ሚኒስቴር ማስመዝገብ ብቻ ነው የቀረው ብለዋል፡፡ ‹‹በዚህ መሀል ሰነደ መዋዕለ ንዋይን ለሕዝብ የሚያቀርቡ ድርጅቶች ሰነዶቻቸውን እንዲያዘጋጁ ለማድረግ እየሠራን ነው፤›› ሲሉም ጠቁመዋል።

የውጭ ባለሀብቶች ወደ አገር ውስጥ በመግባት የካፒታል ገበያው ውስጥ አክሲዮን መግዛት እንዲችሉ በቅርቡ የተደረገው የኢኮኖሚ ማሻሻያ እንደሚፈቅድ የገለጹት ዋና ዳይሬክተሯ፣ ነገር ግን የሰነድ መዋዕለ ንዋይን ለሕዝብ ለማቅረብ የሚያስችለው መመርያ ፀድቆ ወደ ሥራ ያልገባ በመሆኑ፣ የውጭ ባለሀብቶች ገብተው አክሲዮን እንዳልገዙ አስታውቀዋል። መመርያው ፀድቆ የካቲፓል ገበያው ሙሉ በሙሉ ወደ ሥራ ሲገባ፣ የውጭ ባለህብቶች ወደ አገር ውስጥ ገብተው ሼር የመግዛትም ሆነ የመሸጥ መብት እንዳላቸው ገልጸዋል።

‹‹በካፒታል ገበያ ሰዎች ከተሻሻጡ በኋላ አክሲዮኑን ከአንድ ሰው ገንዘቡን ደግሞ ከሌላ ሰው የሚያቀያይር ሥርዓት (Central Securities Depository) ያስፈልጋል፤›› ያሉ ዋና ዳይሬክተሯ፣ ይህንንም በብሔራዊ ባንክ ግዥ መካሄዱንና የሙከራ ሒደት ላይ እንደሚገኝ አመላክተዋል።

በተባበሩት መንግሥታት ድርጅት (ተመድ) የልማት ድርጅት አዳዲስ የፋይናንስ ሙከራ ዳይሬክቶሬት ዳይሬክተር ወ/ሪት ዳግማዊት ሽፈራው በበኩላቸው፣ ባንኮች የሚሰጧቸው እንደ ብድር፣ ገንዘብ ማስቀመጥና ኢንሹራንስ ያሉ አገልግሎቶች ለሚሰጡ ባንኮች፣ ብሔራዊ ባንክ በሚያወጣቸው ሕጎችና መመርያዎች የሚተዳደሩ መሆናቸውን፣ በካፒታል ገበያ ውስጥ ያለ አገልግሎት ከሆነ የካፒታል ገበያ ባለሥልጣን በሚያወጣቸው ሕጎች እንደሚተዳደሩ ገልጸዋል።

ሆኖም ኢንቨስትመንት ባንክ ሆነው በተለየ መንገድ የሚሠሩ ከሆነና አሁን ባለው የኢንቨስትመንት ባንክ ፈቃድ አሰጣጥ የማይቻል ከሆነ ደግሞ፣ ባለሥልጣኑ ይፋ ባደረገው የካፒታል ገበያ ቁጥጥር ማጣሪያ ማዕቀፍ እንደሚታይ አስታውቀዋል።

በቁጥጥር ማጣሪያ ማዕቀፉ የሚቀርበው ጥያቄ ተቀባይነት ካገኘ በኋላ አገልግሎቱ የፈጠራ ይዘቱ እንደሚመረመር፣ እንዲሁም ለምን ዓይነት ገበያና ተጠቃሚዎች ይቀርባል የሚለው እንደሚጣራ ወ/ሪት ሀና ገልጸዋል። ይህን ሒደት ያለፈ አገልግሎትም ተግባራዊ ሲደረግ የሚፈጠረውን ሁኔታ ለመገንዘብ የሙከራ ጊዜ እንደሚዘጋጅ አመላክተዋል።

ፈጠራን ማበረታታት አንዱ የማዕቀፉ ዓላማ መሆኑና አዳዲስ የፋይናንስ የፈጠራ አገልግሎቶችና ምርቶች ሲመጡ፣ ባለሥልጣኑ እንዴት መቆጣጠር እንደሚችል የሚማርበትና የቁጥጥር አቋም የሚገነባበት እንደሆነም ገልጸዋል።

ሪፖርተር
@etstocks

Source:- Banks Ethiopia
@etstocks