#Ruusiyah Pirezdanti Viladmir Puutin Kay qande Yukreenit qaduuk carbi abtuh amriseek lakal ta baaxok baxaabaxsa le dariifat miisa'el maysataka kee bakaq akkuk geytimaamih oytitte awquk geytimta.

Samara-Caxah alssk 17, 2014 (AFMMA)

Ruusiyah Pirezdanti Viladmir Puutin Kay qande Yukreenit qaduuk carbi abtuh amriseek lakal ta baaxok baxaabaxsa le dariifat miisa'el maysataka kee bakaq akkuk geytimaamih oytitte awquk geytimta.


Tahaak ugutak Yukreen Ruusiyallih leh tan diploomasih qalla qaduuk tirgiqe.Yukreen pirezdant volodmir Zelensiki yeceh yan maybalaalaqal baxxaqse.

Yukreen baaxol qaran meerraytih safar inki taniik soolisseh geytimta. Tahak sabab qaran safar qawwalayla bohoy lem kinnih tanimih sabbatah ta margaqat yemeetenim maybalaaqal qaddoyse.

Ruusiya kaxxaam nabah akak iyyen kalta mabux tet qambaalam" United Kingdom "ik Afa caagidak fayya le saqal Jemsi kelivli yaabe. Ta kalta mabux asaakuk qimbisak abbinootelem qaddoysen. Ahaak afal ruusiyal heenih yanin kalta mabuxuk muxxi nabaah, qilsa lem baxxaqsen.

Ameerikay, Biritaniyay, awroppah eglay, Galli maroh egla kee kilbatti atlantikih qagleh qande (NATO) mirocti ruusiya yukreenil fakteh tan maysataka yessecekken.

Ruusiyah pirezdanti viladmir putin ta gaadi yukreenil yittikiyyeh yan cayla salcisnuh edde culle iyye.
Ruusiyak naharsi misa'elitte yukreenit raddam qimbissem kinnuuk inayta magaala Kiyov ummatta awquk geytimta.

Chayna isi katuk , ruusiya kee yukreen bood lafissaamak soolak salaam fan akah yamaaten innah seeco tatrusse.

Galli maroc eglak naharsi kutbe abeyni Antooniyo Guterez , Viladmiir Putin 'Isi Qande akah yayyaaqennah seeco tayruse.'

Tengele Ameerika kee Awroppah egla Ruusiyal nabah yan kaltâ Xibixiy Baxsa le hoonuh itritak geytiman.

#Raceena: BBC+ALJAZEERA

Bicissem :Qali Qabdulkaadir.