#Rakaakayak Naharsí Saqal Cajji Awwal Qarba COVID-19 Aftabu Dubtê Hospitaalal Geytimak Qembisiise.

Samara-Qado Dirri 04/2013 (AFMMA)

Rakaakayak Naharsí Saqal Cajji Awwal Qarba COVID-19 Aftabu Dubtê Hospitaalal Geytimak Qembisiise.

Covid-19 Kalalih Aftabu Asaakî macsenta Dubtê Magaalal Geytimah Yan Dubtek Referaal Hospitaalal qimmisiisen.

Qembo Miduh Yamcawwu Waah Yan Ta Aftabi Qaafiyat Tutaaxagooy, Tonnah Kaadu Ta Biyak Gibdaabina Elle Kataasu Xiqah Yan Qaafiyat Taqabi-leela Kee Karma Akak fayya Inteh Tan Ayyunti XagortihYantacawwu-waah Yanim Qaafiyat Biirok Naharsí Saqal Enjiner Macammad Tayib Qaddoyse.

Qembol Covid Kalalih Aftabu Abak Qembisiseh Yan Rakaakayak Naharsi Saqal Cajji Awwal Qarba Abeh Yan Yaabal Ta Dalka Qemboh Addah Ethiopial Edde Geytimteh Tan Ayro Ta Dalkak Aftabi Ni Baaxol Yantacawwem Qembiseh Yanim Kee Tokkeey Takke Fan Mangoh Yan Ayyuntal Gibdaabina Kataasak Mangoh Yan Seehadayti Baxih Qawwadi Edde Yewqeem Kassiise.

Ta Dalkah Kalaluh Mangoh Yan Fida Mekelteh Tan Qaafiyat Tutaaxagoh Kaadu Kulsa Le Gadda Gacisak Ayyunti Kaadu Uxikinni Way Ta Dalkak Cubbi Abitam Faxximtam Rakaakayak Naharsi Saqal Cajji Awal Qarba Ciggiilak Abeh Yan Yaabal Qaddoyse.

Qafár Rakaakay Qembo Miduh Yacayu Waah Yan Covid Kalaluh 54000 Alfih Doose Aftabu Hirgeenih Yaninim Qaddoysen.

#Raceena: Qa/Ra/Do/Anga/Kutbeh Buxa

#Rakaakayak Naharsi Saqal Gifta Awwal Qarba
6 Heele Agat Caddoh Doorô Xalu wagsiisak tatruse Unkaqiinô Farmo

Massakaxxa le Qafár Ummattey,

6 Heele agat doorol tamaatuwayta 5 Liggiiitteh Leedâ Missoyna nee miraacissay axcuk nee doorak, isinni xongolo neh acayuk nee doorteenimih kulsa le gadda siinih gacisnaah, Unkaq ruffatteenih ruffa innem siinik inna.

Leeda sin doorit akkuk dorten wak Qafar Ummatta bisoh intuh, tatre qaalamat matarutuh ux udduurih addat ni ummattallih gacak nuskuttubeh nan baxaabaxsa le langitteh xalu kee foocâ fan kaadu ummattak meqe xiinissoh esseroora le waktil gacisak dadalte Qafar rakaakay, wonna hinnammay kaadu dadalteeh, leedde Itiyoppiya hadalluh kinnim digga hayna.

Leedâ Missoyna dorten wak ikraaro kee poolisil nibbixeh nan leedâ wadboobi arac xagisnuh kaxxa arqo kee aytikuma neh takkem kinnuk uxi kinnih abnah nan gexsol ni ummatta nek xaqul soolak meqe taama abna wak nee ayti kumusak, hoxnah nan wak kaadu gitâ fan nee gacisak linoh nan mabla nummasnuh qaago lino.

Taturte sanootah tunkuttube maddur dadalittek asmatah ayyunti inki caagid barte innam dudnah. Tohum baaca kee wadir raaqak nee tayyaqem poliisi linoomuy, too poliisil ayyunta kee doolat sitta luk kulli ayro elle taamiteenik, dagoo waktit nucsube dadal caddol gufnuh nee waasam xiqa cayli Yallaak gubal anewaam asmata.

Warrayte sidiica sanatih addat taamitaanam hinnay yacsubeenim xiqaanam akkaluk akak sugewen taamoomi baxsa luk ni rakaakay kee ni ummattah konnabna akah daccarsintannah abaanam kee Saay kee salaam ninnik dacrisaanamih le katuk ni ummattalluk gacak abne taama kaxxam assakat le.

Uxi Kinnih ni ummattak saay kee salaam darcisaanamaay, Qafar rakaakayak maadu dacrisaanamal massakaxxa le ni ummattalluk gacak diggoysak gexenno.

Tamaate sanootat ni ummatta leedah le bakaarak araktuh daddos rakiiboh taamoomiy ux udduurih addat qimbisneh iyya maqarroysak baxaabaxsa le daddos rakiiboh langittel ummattah tu xiqtaah, ummattak sittalliinooy, maddur kee siyaasah fantaaxaw maqarrossam xiqta daddos rakiiboh xisneena digga luk baxsa le hangi acayuk diggoysak gexenno.

Kalah kaadu, Ayfaf tace xisoosa dudda lennah ummattah ayfaf tacayuh madqa tayyaaqe xagaraay, abnisa kee maqnisak inkiih maqarroowak rakaakayak ilaa gubâ fan geytinta xisoosa dudda le rakiibo le xisoosa akah yakken innah uxi kinnih baxsa le hangi acayuk qimbisneh nan xisoosah riformi gexsit bisoh henno.

Ni Rakaakayak murti kee murtiino naysiisuh kaadu buqre kee saqi langil qasriino le gexsit katayak murti kee murtiino aysaasuk meqeh yan xali akah geytimannah ta langil abak nemeete meqe gabbatitte baarisak gexenno.

Amolladih niyatnah nan leedá nummasnuh ummattaay, baxaabxsa le xisoosaay, anaakarta siyaasâ missoynaani kee doolatak inkiih inki mogoy tikkanneh taamitnam nek qambalsimaah, ta dooro Itiyoppiya mayso edde orbisse dooro kinniimih taagah qagitak inkih unkaq ruffatteenih, unkaq ruffanneh.

Gifta Awwal Qarba Qunxe

Qafar Agatih Rakaakayih Doolarak Naharsi Saqal

Waysuk 04/2013 I.L.L.

Samara


#Raceena: Do/Angaarawih Kutbeh Buxa

#Rakaakayak Qunxaaneytaa Kee Xagar-dig Biiro Sabhalal Kee Wakti Rubsus Fanteenay Gulgulusak Sugte Qunxaaneyti Eglaalil Tabisse.

Samara-Ditelik 07, 2013 (AFMMA)

Rakaakayak Qunxaaneytaa Kee Xagar-dig Biiro Sabhalal Kee Wakti Rubsus Fanteenay Gulgulusak Sugte Qunxaaneyti Eglaalil Tabisse.

Warrayte 20 Karmah xissinteemiik iroh ayfaaf acayuk suge wayteemit kak yaaban tama fanteena addal Ibi Koqsoo kee Gabâ koqso edde anuk sissin dagar-dig ayfaagih aroocaay, Ilaa Jaamiqat fanah bartan barittoh Kitooba elle tan Libireeriiy, Kobox Handagaay, Shaahi-Bunnah arooca addal le.

Qafár Rakaakayak Qunxaaneytaa Kee Xagar-dig Biiro baxaabaxsa le Doolat Kee Doolat Akke sinni eglaalilluk catiimak tama fanteena uqusbussaay, Qusbannal gulgulussu hayteek lakal Wagrisa Qafár Qunxaaneytih Eglaa Kee Qarraamis Meqem Abittô Qunxaaneytih Eglal Acarra Tabisen.

Tama Qaffaydah Aracal Rakaakayak Fayya le miraaciinuu kee Samara-Logyí Magaalah Xiinissoh Miraaciinu elle geytimte.

Qunxaaneytak Waktí Rubsus kee Sabhalal Fanteena Qunxaaneyti Eglaalil tabiseh yan Rakaakayak Qunxaaneytaa Kee Xagar-dig Biirok Saqalah yan Gifta Acmad Ibrahim tama aracal elle yescessennal 'Qunxaaneyti culentak isinni xiqak Walfii kee beerî mano keenik bayissa caalatittek awquk caltí milaagu baahoonuh tannah tan fanteenaani geyaanam faxxinta' iyyeek lakal 'Qunxaaneyti qokolnuh annah tan fanteenaani ummaan dariifal baxcisak gexenno' iyye.
Tama fanteenah tabsih ekraaro gaba kalteek lakal Coox daabisso taama tekke.

Aaxigeh meqeemik Wagrisa Qafár Qunxaaneytih Eglaa Qafár Qaada baxaabaxsa le qaffaydoodil aybullee eglaay, Qarraamis Meqem Abittô Qunxaaneytih Egla kaadu Walfii kee sissin uma qaadoodi garrisak suge Qunxaaneyta tama taqabittek tayyaaquh baxaabaxsa le uguugus taamoomil tamixxige egla.

https://t.me/AfarMassMediaAgency

#QafárTV

#Rakaakayak Naharsí Saqal Gifta Awwal Qarba Junta Qafár Ummattal Fakte Carbit Muddumteh tan Baxsa le Caylih Agiirat Gufne abe.

Samara-Pagume 04, 2013 (AFMMA)

Rakaakayak Naharsí Saqal Gifta Awwal Qarba Junta Qafár Ummattal Fakte Carbit Muddumteh tan Baxsa le Caylih Agiirat Gufne abe.

Rakaakayak Naharsí Saqal Giclaabat Gufne abe uddur too aracal abeh yan yaabal Qafár Giclaaba Qafár Ummattah Muddaqiinoo kee Konnabnat tabak temeeteh tan TPLF Qarkakisat Koositoonuh abeenih yanin Giclo Qafár Ummattah ruugul habbalsime-waah yan Agiiranni aydaaduy Qafár Ummatta Dumaak luk sugte awayî hora qagisseh taniimih asta kinnih tanim diggoyse.

Qafár Rakaakayih Doolat Kee Ummattah Konnabnaa kee muddaqiino Daccarsimtuh isi rooci fidah acayuk abten giclol kaxxiinitaanam faxxintam kassiiseh yan Massakaxxa le Gifta Awwal Qarba 'Qafár Rakaakayih Doolat Giclo abah Faxximtam kah Kibbimtannah Baxsa Le Macal Abeleemih xagana cule.

Qagitak Naharsi Saqal Iyyeemih Baxsa le Caylih Agiira Qafar Ummatta kee Baaxoh lon konnabna kee kacanuuy, ummatta yaysukumeenimih taamal baxsa le fida mekelteh tanim kee agiirannal kaadu 'agiiranni keenik bisol qeero le" iyyaanamih caddol mangoh yan mari kah sumaaqite, agiranni hida hinnay abinah yayballeenim xiqeenimih Qafar Rakaakayih doolat kee Ummatta inkiih ruffu haytam kinnim qaddoysem.

Qafarak Baxsa le Cayla Dibuk Kikbatti Junta hinnay Ayrô Mawqah Junta kaadu Qafar Ummattal fakteh sugte wararat koysitoonuh kaxxah yan fida mekelak temeeteh tanim Naharsi Saqal Gifta Awwal Qarba yescesse.

Gicloh aroocal kaadu Qafar Ummatta Qafar Giclo abah xaqut sugtem kee Uxi Kinnih Qafar Ummatta Faxximma iyyah yan fida Qafar Baxsa le Caylah xaqut gacak meklelem qaddoyse.

Taa Arcal Naharsi Seqal Gifta Awwal Qarba Taa Agirahaay Makmook Maqaboo Kee Sartan Qokol Keenih Abak Qafar Rakaakayih Doolat Qafar agiirah xaqut gacak faxximma iyyah yan macal abelem yescesse.

#Raceena: Doolat Angaarawih Kutbeh Buxa

#Rakaakayak Barittô Biiroh Farmo!

#Rakaakayak Xiinissoh Abba Massakaxxa Le Cajji Awwal Qarba Afâ Baaxok Tamaatu Wayta Xiyaspoorah Arcibissoh Akkuk geytinta Bicitte Wagsiisak Daffeyteh Sugte Afkanitte Wagsiisak Makaadolluk Walal Gexse

Samara-Ciggilta Kudok 21, 2014 (AFMMA)

Rakaakayak Xiinissoh Abba Massakaxxa Le Cajji Awwal Qarba Afâ Baaxok Tamaatu Wayta Xiyaspoorah Arcibissoh Akkuk geytinta Bicitte Wagsiisak Daffeyteh Sugte Afkanitte Wagsiisak Makaadolluk Walal Gexse

Federaal Doolatih Afkanal baaxo fanah culak geytinta inki Milyoon takke Xiyaspoorak Qafár baaxo tamaatu wayta buttaati qaxa Meqe gurral oggolaah, hanaawissaay, daqaarra haynam faxxinta iyyeh yan massakaxxa le Cajji Awwal Qarba tamahak Madma Qafár Ummatta Salaam kicnaah, Seehada tassakaxxeeh, baaxô maslacatah aakam tacee ummattay Invedtimentih takke baaxo le kinnim abinal nayballee gida iyye.

Tama caagiidah koobaahissoh dooren Makaado inki mogoy akkuk tama caagid qaxa Elle yamqem duuda gurral taamitaanam faxxintam kee ''ni migaq fayyak nanu taamaa kee bicittek abinnaanih gide akkelem'' Gifta Awwal Qarba diggoyse.

Xissinte Makaado Takkem faxxinta taamoomii Kee matartam xiiqinta taqabitte wagittaamal Xiinissoh Abba Massakaxxa le Cajji Awwal Qarba luk agaaradeeniik lakal aboonu faxxintaamal itta geen.

Tah tannal anuk, tama Makaado isi caddol daffeena gexisak taamoomi elle takkem faxxinta gurral afkanitte daffeysak taamat culen.

#Rakaakayak Fayyo le miraaciinu Kee Fanti miraaciinu Asaakih ayro Aysaqiiti Daqaarat Abak geytiman gufnel Aysaqiitak Gannâ geyo Cajji Yuusuf Buqreh Aracat gufne aben.

#QafárTV, Laqinik 12, 2014

#Rakaakayak Sekter Biiroora Kee Kutbê Buxaaxih Caddol Angaaraw Luddah Yaceem Hangi Kaxxam Addah Yanim Inki inki Sekter Biiroorak Angaaraw Luddih Xayrekterwa Diggosse.

Tama Xayrekterwa Leedâ Missoyna gubaay daga awakih uddur Angaarawal Abta Taamoomi kaxxa xalu baahele axcuk qammaalaanam yiysixxigen

#QafárTV