#Qafár Tanim Ityoppiyah Kunnabna Inkinnah Maxagginta.

Massakaxxa le Cajji Awwal Qarba

#QafárTV

#Qafár Agatih Rakaakayih Doolatak Naharsí Saqal Massakaxxa Le Awwal Qarba Miraacisa Rakaakayak fayyale Miroctih Erga Asaakih Ayro Qammí Baxi Daqaaral Akkuk Geytinta Buqret Gufne Aben

Samara-Agda baxissok 05, 2014 (AFMMA)

Qafár Agatih Rakaakayih Doolatak Naharsí Saqal Massakaxxa Le Awwal Qarba Miraacisa Rakaakayak fayyale Miroctih Erga Asaakih Ayro Qammí Baxi Daqaaral Akkuk Geytinta Buqret Gufne Aben


Qafár Agatih Rakaakayih Doolatak Naharsí Saqal Massakaxxa Le Awwal Qarbaay, Ciggiila Saqal Massakaxxa Le Qellaama Aboobakaraay, Rakaakayak Leedâ Kutbeh Buxak Saqalah yan Gifta Qiise Adam Afa kak beyta Erga Gabbi Rasih Gubat Raqta Daqooritik Abak Geytima Gufnel Asaakih Ayro Qammí Baxi Daqaaral Akkuk Geytinta Buqret Gufne Aben.

Gabbí Rasuk baxaabaxsa le Daqooritil akkuk geytinta Daddos Cuggaysoosat gufbe abak geytinta Rakaakay Doolatih erga Ni ummatta Maaqiddak is xiqtuh akkuk geytinta taama assakat le taama kinnim diggoysen.

Rakaakayak Naharsí Saqal Massakaxxa le Awwal Qarba Asaakih Ayro Qammi Baxi Daqaaral akkuk geytinta Sirray buqret gufne Abe wak 'Baaxô Kunnabna Carbil kah diggosne innah Qulul kee Baacaay, Qammaalit kee gabâ mayok nawquh daddos taamoomih kaxxa hangi acayuk anxaxxos Difaaqat gacnam faxxinta' iyye.

Qafár Ummatta inkih tan Ityoppiyah kunnabna kah dacrisse innah Ityoppiya Catô maaqoo kee makalak tawquh xiqsissa baaxo le ummatta iyyeek lakal 'Qafár Ummatta Baaxô Kalalul geyteeh, geysisse mayso Anxaxxoosul kaadu diggoosele' iyye.

#QafárTV

#Qafár Rakaakih Doolatak Mijlis Afteena Massakaxxa Le Gifti Asiya Kamaal Qafarak Mangaafâ Ratteemah Missoynat Gufne Abte

Samara-Agda baxissok 06, 2014 (AFMMA)

Qafár Rakaakih Doolatak Mijlis Afteena Massakaxxa Le Gifti Asiya Kamaal Qafarak Mangaafâ Ratteemah Missoynat Gufne Abte

Majlis Afteena Massakaxxa le Asiya Kamaal Qafarak Manfaafâ Ratteemat Gufne abte uddur Maytani Makaadoh Adoytiitiiy, Majlisik Kutbê Buxah Saqal Kee Majlis Afteenak Fayu Abeena tet waklisen.

Tama erga Asaakî macsenta Abte Gufnel Mangaafâ Ratteema Teknoloojî Caddol fula bahtuh Xissiimak geytinta kaxxa Stuuxiyo xisne edde tan caddo yubleeniik lakal Awakih uddur taama Elle akkuk geytinta elle-sugah Istuuxiyot gufne aben.

Mijlis Afteená Massakaxxa Le Asiya Kamaal kee tet erga akkuk geytinta taamoomii Kee tan taqabitteetah baxxaqsa Mangaafâ Ratteemah Miroctik geeniik lakal 'akkuk geytinta taamoomi isi caddol kaxxam assakat le taamay foocah edde iyyaanam faxxinta' inteek lakal 'waktí essera Teknolooji fanteena Abta taamay awak tanballee taqabitte mangih tafdige aracat gactuh taamite loonum diggosse.'

Mangaafâ Ratteemak Seeceena Mijlis kah tekkem abnisâ katuk tamaatem dudda gexkalitittek Curriinoo Kee Reebu edde geyoonu inteh tan Gifti Asiya Kamaal 'Qafarak Mangaafâ Ratteema Ummattah Essero Elle faxxinta innal aracat gactuh wagta dagar fanah arkissam faxxintam kassisse.'

'Qafarak Mangaafâ Ratteemal luk sugne esseroorak baalik gacsa tan taqabitteeta nuble wakaak geyneeh, taqabitte tan wakaay takkay abak geytintan giclot bisoh axcuk ummattâ xongolo takkeenim faxxinta' inteh tan Majlis Afteena Gifti Asiya Kamaal 'Rakaakay Mijlis Ratteemâ xaqut gacca iyyeh faxxiima qokol abelem nummasse.'

Tah tannal anuk, Maytani Makaadoh adoytit akkuk geytinta taamoomi meqe taamoomi kinni-wakaay takkay awak tanballee qakitteh calli sissikuk geytimuh wagta dagaritte luk gacak taamite loonum yiysixxigen.

#QafárTV

t.me/AfarMassMediaAgency

#Qafár Rakaakayal Carbit Duffuume Ayyuntah Maali Qokol Yekke

Samara-Agda Baxissok 6, 2014 (AFMMA)

Qafár Rakaakayal Carbit Duffuume Ayyuntah Maali Qokol Yekke

Qarbit Duffumte Qafár Ummattah gadda kobxissuh Alsak afal Addis Ababal xissinte Makaado Agatak Kalali Qandek "Amisom Slaam Dacayrih Caylih" Adoytit kee Swizerlandal tan Itiyoppiyah Xiyaspora abte Maali Catoh tabsa aben.

Federation Malah Buxak Ciggilta afteenaay Makaadok N/Koobaahiseyna Gifti Zahra Cummad kee Leedâ Partik Xiinissô Langih Saqalay Makaadok C/Koobaahise Ambassador Casan Qabdulkaadir tama Cato tabisen.
Agatak kalali Qandek Amisomul Sekter fereyik 6hayto Salaam Dacayrih Adoytiitih amriseeni Kolonel Yeshewas kerebet Qandeh Adoytiitik kobxisen Maaluy Amerikan Dollarah 15 alfik amo yakkeey Itiyoppiyah Maaluk 8 boolih alfih birrih gaba baaha Qafar Rakaakayal Carbit dufume ayyuntah abeenih yaniin Qokol kinnim kee aham Qafar mekelte fidal nabam dagom takkey ikkal Xaqut siinik nanim elle naybulluh abne cato kinni iyye.

Swizerlandak Itiyoppiyah Xiyasporah Awlaytoh tan Gifti Netsanet Getachew Itiyoppiyah Xiyaspora Swizerlandal EFEDRIH Embaasi luk cattiimak gexisen Cato Kobxissuh Caflatal Qafar Kee Amcari Rakaakayal Carbit Biyaakitte Baaxo Xayloh 44 alfi Swiz frankak kobxiseenih yaniinim kee tahak 22 alfih Franka Qafar Rakaakayah Catoh abeenih yaniinim Diggoysak Qafar Ayyunti Itiyoppiyah Konnabna kee Salaamah mekelen fidah Swizerlandal geytinta Itiyoppiyah Xiyaspoorah migaaqal Gadda gacisse.

Cato keenik Tabisse Makaado Saqolti, ta namma dagoorit abeenih yanin Qokoluh Makaado kee Qafar ayyuntih Migaaqal gadda keenih gacisak Qafar Issi agatah Naddowaanam Qaadah lem Kinnuk Qafar Itiyoppiyah Maadih Dacayril Itiyoppiyah Ummatta bohoysisse waytu waytam keenih elle diggoysen.

#Raceena: ETV Qafar-afih exxa

#Qafár Agatih Rakaakayih Doolatak Qawwalaylâ Kalalu Kee Maaqiddi Kibaalissoh Taddeerah Koobaahissoh Kutbeh Buxa Junta Qafár Ummattal Fakte Carbit Duffuume Ayyunta Wagsiisak Teyyeeqe Maybalaalaqa:

TPLF Junta Qarkakisa abak geytimta wararih sabbattah, sahdaytiino xakakway bisoh axcuk geytima.

Juntâ Qarkakisa Qafar ummattal Fakteh sugteeh, uxih fakteh geytinta fidin carbit, Qafar ummattay isi guubul saay kee salaamah sugte rabaay, mudumuuy, duffuumiyyaay, maaqiddi kibaalih dagnaay, tonnah kaadu baxaabaxsale ayfaafittet finqa kee rado abteeh, abak geytimta.

Tama wararak gexxaamah sittat 1.3 milyoon( inkimiliyoon sidiica boolih alfi) yakke mari maaqiddi kibaalissoh dagna ken toofeeh geytintaah, 423,000 (Affara bool labaatanna kee sidiica alfi ) yakke mari le dabqik duffutuk , dabboh aroocal geytiman.

Juntâ qarkakisa Qafar baaxok teetit yekkeh yan laqin utkak gexxaamah Tigraay fanah dunqumtay immay Qusubih Abqaala kee Magaalê katuk fakte carbit Abqaalak 65,585 takke ummattak mano edde xaggimteeh (Affected) tonnah kaadu 40,585 takke ummatta edde duffuumak, koona (5) aracal geytimta ( Gubbeey, Urkudiiy, Qibbidiluuy, Erebti kee baraclel) dabboh geytiman.

Tonnah Kaadu, Magaalek namma awday Araadu kee Hidda deqsittak sittat 25,000 yakke mari edde duffuumeh, Laqin lee deqsita aracal geytiman.

Junta qarkakisa fakte carbit tonnah mangoh yan maddur kee ayyuntiinooy, diini fanteenaanil kaxxa finqa katasseh geytinta.

Tama qarkakisah butta abtah tan uma taamooma baad ummatta asmatuk, faxxiima assacokka keenit akah aban innah kassisna.

Kalah ossetinah kaadu, Juntâ qarkakisa, Qafár ummatta kee tet miraacissa doolat leh tan sinaaminnaay, nacrurtaay, fidin mablay nabsiyyak bisoh tablek ugutak, taham fan dibuk yan gitay sahdaytiinô qokol Tigraay Ummattah kak xayyoowak suge makoo kee makkook akah alfimannah abak, baad caddol dumaak elle yamixxigen dirab Poropaganxa kee celsis Diplomaasih edde yantifiqoonuh aban gibbatuy qagitaak, galli foocal umam elle baahan mara isinni celsiisaanagid kinnim aaxaguk, ta uma abtol ken yassacakkeenim faxximtam esserna.


Qafár Agatih Rakaakayih Doolatak Qawwalaylâ Kalalu Kee Maaqiddi Kibaalissoh Taddeerah Koobaahissoh Kutbeh Buxa
Agda Baxissok 09/2014
Samara

#Qafár Agatih Rakaakayih Doolatak Qawwalayalâ Kalaluu Kee Maaqiddí Kibaalih Koobaahissoh Kutbeh Buxa Asaakih Ayro Kilbat Fanah Maaqidda Beeh Yan Makaayin Kee Tama Maaqiddak Arkeena Wagsiisak Tatrusse Farmo::

Juntâ Qarkakisa Awakih uddur Kilbattí Rasul fakteh tan carbit mango ummatta duffumteh taniimih taagah ummatta sissik Qokol faxxam kibaalat haak baxaabaxsa le Doolat Kee Doolat Akke Sinni missoynaani luk cattiimak ummatta Sissik Qokol kah geytannah abak geytimna inteh tan tama farmo "asaakih ayro 32 Takke WFP makaayiniy Afdeera kee Erebtih Ayyuntay duffuumeh Cato beyak suge Tigray fan gexxaamih Dareemu kak haysite Qunxaaneyti Hooreh sugem diggossa."

Kilbattí Rasul awak yan Caalatat darre cabak Juntâ Qarkakisah Catotta Qafár Rakaakayih Doolat Kee Qafár Ummatta inkinnah marubtam asmituk Qunxaaneyti asmat sinniih, raceena kak amixxige sinni oytitte fanteena abak ni ummattah tuxxiiq edde ane-sinni angoyyittek soolaanam faxxintam tama farmol kassiisen.

#Raceena: Qawwalayalâ Kalaluu Kee Maaqiddí Kibaalih Koobaahissoh Kutbeh Buxa

#QafárTV

Caxah alsak 10, 2014

#Qafár Rakaakayih Miglisih Afteena Massakaxxa Le Asiya Kamaal Kilbattí Rasuk Duffumteh Tan Ummattay Kori Daqaarak Guyac Awdal Geytintah Maaqidda Kee Baxaa-Baxsa Le Qokol Abak Yanih Yan Caalat Wagsiisak Walal Kenlih Gexisse.

Samara-Caxah alsak 29, 2014 (AFMMA)

Qafár Rakaakayih Miglisih Afteena Massakaxxa Le Asiya Kamaal Kilbattí Rasuk Duffumteh Tan Ummattay Kori Daqaarak Guyac Awdal Geytintah Maaqidda Kee Baxaa-Baxsa Le Qokol Abak Yanih Yan Caalat Wagsiisak Walal Kenlih Gexisse.

Majlis Afteena Massakaxxa Le Asiya Kamaal Duffuumeh yan Ayyuntah bahteh tan Qokol tabisseek lakal Yakkeh Yan Qokol Elle Faxximta Gurral Ken Maadak Waytam kee Faxaanah yanin Qokol maca kinnim wagittaamal Is kee Maytani Makaadoh Adoytiitih Ayyuntallih Walal Gexisse.

Ta Walalih Gudgudul Juntâ Qarkakisah Butta Abteh Wararak Gexxaamah Le Guubuk Duffumteh Tan Ummatta Abteh Tan Yaabal "Doolat Katuk Maaqiddi Caddol Meqeh Yanih Yan Qokol keenih Yakkem Takkay Ikkal Cato Faxxah Tan Ummatta Kaxxam Mangoomuk Amakkaquk neh Xayyoysan Qokol nek Dagoh" axcuk yaaben.

Tá Aracal Qafár Rakaakayih Miglisik Sittaluk Alliyyi Caagiidak Maytani Makaadoh Koobaahiseenah Yan Gifta Macammooda Ibraahim Abeh Yan Yaabal Kilbatti Rasih Ummatta Away Edde Tanih Tan Gibdaabina Kee Carbik Nayyaaquuy, Naqboytal Mayso geynuh Doolat Kee Ummatta inki Mogoy Kee Inki Mabla Haysitaanam Faxximta Yaanam Iyye.

Tohuk Lakal Qafár Rakaakayak Miglis Afteena Massakaxxa le Asiya Kamaal Abteh Tan Yaabal "Litoonuh Tanin Taqabi Kee Calway Gital Esserteenimih Gadda Siinih Gacsa" inteek lakal "Esserteenih Tanin Esseroh Sissik Uddurih addal Raddi Geytoonuh Nek Qambalsimah Yan Macal Abenno" Axcuk Kilbati Rasul Yakkeh Yan Carbi Edde Yakkem Inkih tan Qafár Ummatta kinniimih taagah Inkih tan Qafár ummatta akah abak temeetennah inki mogoy takkem faxxinta inte.

Gifti Asiya Kamaal qahitak Abteh Tan Yaabal Net Yakkeh Yan Baatil Gaadut Shohada Tekkeh Tan Agiirah Yalli Addunyak Tayse Akheera Keenih Yacaay, Raqteemih Barkat Neh Haam Qaagitak Difaaqal Tanih Tan Agiirak Gammit Gacnam Faxximta Axcuk hawwasusse.

Tah tannal anuk, Rakaakayak Mijlis Afteena Massakaxxa Le Asiya Kamaal Guyaacak elle-sugâ Silaaloh Fanteenal yan Ayyuntah xayyosse catotta Qaynatitteh heenik Pastaay, Makkarooniiy, Qado Burriiy, Kalah kaadu Sayyok Nadaafattâ Silaacitteey, Saabunuuy, Leê Qagwaa Kee Kalah Tanih Tan Qokol Kinnih Tanim timixxige.

#QafárTV

#Qafár Agatih Rakaakayih Doolatih Miglis Kobox Acarra Qimmise.

Samara-Qado dirrik 12, 2014 (AFMMA)

Qafár Agatih Rakaakayih Doolatih Miglis Kobox Acarra Qimmise.

Lacey haytô Rakaakay Miglisik inik heele Taamâ dabaanak inik heele Madabiinô koboxuy acarra Qimmise edde nan Qado dirrik 14, 2014 fanah gexsitelem timixxigeh tan.

Tama Koboxul Rakaakayal warrayte Laca alsitteh addal tekke taamoomiiy, matarte taqabittee Kee Tontocowwe afkanitte Wagittaamal Naharsí Saqal Massakaxxa le Awwal Qarba Gabbaaqu Xayyoysele axcuk Qammaalinta.

Tah tannal anuk, tama Koboxul sissin margaqooqi Kee Kuktittel walal yekkeek lakal faatacimele axcuk Qammaalan.

#QafárTV

#Qafár Rakaakayih Doolat Juntâ Qafár Baaxok Inkitaniik Ewqeh Axcuk Tatrussah Tan Dirab Poroppagandah Oytitte Wagsiisak Tontocowwe Maybalaalaqa


Qarkaakisâ Butta Cuwwaacat Kaxxa Silaacat Antifiquk Warar Edde Abteh Tan Qafar Rakaakayak Kilbatti Rasih Daqooritik Inkitaniik Ewqeh Axcuk Bacuuroh Badaabadisih Dirab Oytitte Baxcisak Geytimta.

Kaxxa Silaacat Cattiimak Gabqasal Kaxxa Baatil Kataasak Kilbatti Rasih Daqoorit Axcih Magaale Daqaaray, Abqaaladaqaaray, Abqaala Magaalah Xiinissoy, Erebti Daqaaray, Baracle Daqar Kee Kunnabi Daqar Caylat Abbixuk Samad Baysi Gaadu Abakay, Sahdak Nabsil Erkenna Bahsisaanmay, Dabqi Kee Gaddak Ummatta Dufusaanam Kee Canka Kee Ummatta Gadda Garqaanam Kee Finqisaanam Abeenim Kassitna.

Junta Gexisak Geytimta Carbi Siyaasa Taxxeera Dibuk Hinnay Carbi Diini Fan Akah Korannah Khurqaan Qararisaanah , Masaagid Yaggileenimih Gabbatu Aben.

Tahak Taturak Mango Daboonah Tittallih Taqeesheh Tan Qafar Kee Tigray Ummatta Samadal Titta Baxisak Akah Boodan Inna Kee Carbi Agat Bood Kataasuh Qarkaakisa Kaxxa Macal Abtay Immay Ta Uma Fayxi Aracat Gace Waytuh Qafar Ummatta Kee Doolat Kaxxa Macal Abe.

Ta Butta Kilbatti Rasul Lowsiisit Heeh Suge Daqooritil Kaxxam Sahadaytiinok Iroh Tan Nacrurta Sinni Gurral Kaxxa Silaacat Gabqasah Tan Sayyoy, Alaaqa Kee Idoolat Samad Baysa Abak, 500 Alfik Daga Takke Ummatta Le Guubuk Dufsaana Gidih Kaxxa Silaacat Maysataka Diggoysak Ummatta Kaxxa Ceya Kee Gadaamat Culsaak, Gadda Kee Uwwayti Xisne Le Gitaak Garaqa Kee Finqa Abak Canka Buxaaxiy, Tellemmo Xisoosay, Diini Aroocay, Tonnah Ummattah Ayfaf Taceeh Tan Eddey Hospitaalay, Baritto Buxaaxi Kee Gexsi Xisoosa Tuxiqiik Iro Takkuh Addah Aloota Inkih Garaqanam Kee Finqisaanam Abak Oytitte Takke Alhumitte Bayisaak, Makaayinil Beyaanam Xiqaanam Aaruk Beenih, Faxewaanam Kaadu Niicih Tuxiqiik Iro Abak Qarkaakisa Butta Cuwwacat Qafar Ummattak Kaxxa Naqboyta Kinnim Sumaaqisak Away Kaadu Yibbixeenih Yanin Dariifak Newqeh Axcuk Dumaak Taamah Lon Qado Dirab Baxcisak Geytiman.

Ta Butta Dumaak Elle Tamixigeh Tan Badis Diraabi Piropaganda Ayburrucuk Ta Dariifak Inki Taniik Newqeh Axcuk Ummattal Kataasak Geytimaanah Yanin Gadaamat Ayxeeruk Ta Dariifa Away Kinnih Salaam Kee Xakak Fanah Andabbe Waytu Kee Bood Soole Wayuh Tonnah Binaadamiino Qokol Elle Faxximtah Tan Innal Akah Gufe Waytannah Gexekalit Yakkoonu Kee Qulul Tu Amfiqe Sinni Siyaasa Manfaqatal Asisaanamat Foocah Axcuk Akak Awqe Ween Qafarak Newqeh Axcuk Dirab Oytitte Baxcisak Geytiman.Takkay Immay Fedraal Doolat Takku Baad Waadoh Ayyunti Ta Umeynitih Cibaar Nagay Cedak Butta Dariifa Salaam Kee Xakak Akah Yandabbennah Faxe Waytam Kee Tahah Kaadu Qarkaakisa Butta Masquliyyat Beelem Tamixigem Faxximta.

Baad Ayyunti Junta Qafar Ummattal Katasseh Tan Samad Baysay, Gadaama Kee Umaane Yaysexeexegeenimil Baar Le Macal Akkuk Geytimaah Tahal Yayse Xaloot Ambulluk Geytima.

Junta Tigray Ummattal Aba Digirih Qafar Ummatta Kee Baaxol Gacak Abak Geytima Siyaasa Badaaqat Sarriino Aalle Waytam Kinnuuk Soolisaanam Faxximta.

Tigray Ummatta Cuwwaacat Baatil Nagay Cedak Akah Solleh Iyyan Tigray Gadaamisanam Kee Siyaasa Tuxiqih Digir Abak Geytimam Aaxaguk Ta Butta Tigray Ummattah Migaaqal Abak Geytima Siyaasa Badaaqat Akah Soolisannah Inki Xongolol Soolisaanam Dirki.

Qarkaakisa Butta Ummattak Faxeh Gide Rabtaamah Kee Gadaamittaamah Tuk Ablewaanam Qafar Ummatta Dibuk Hinnay Tigray Ummattal Abinah Aybulluk Geytim. Aydaadul Qafar Ummattah Naqboyta Kinnih Tan Qarkaakisa Butta Ni Ummattal Kataasak Geytiman Gadaama Kee Baatil Waado Sinnim Kinniih Butta Kataasseh Tan Kasaara Aydaaduh Horak Horal Tabelemi.


Qarkaakisa Cuwwacat Isi Wakti Yaydeeruh Qafar Ardi Kaxxa Silaacat Cattiimak Caylat Abbixuk Nabah Tan Binaadamiino Kee Uwwayti Kasaara Kataasak Geytimam Elle Taninnal Anuk Gexsi Manfaqat Kee Gexsi Badisiyya Ginak Caylat Wararen Qafar Rakaakayih Daqooritik Inki Taniik Newqeh Axcuk Baxcisah Yan Barten Dirab Kee Junta Aham Fanah Kilbatti Rasih Daqooritik Magaaley, Baracley, Kunnabay, Abqaala Daqar Kee Abqaala Magaalah Xiinisso Dariifak Inki Taniik Awqe Weenim Kee Dariifa Salaam Kee Xakak Esserot

#Qafár Rakaakayak Fayya Le Miraaciinih Erga Kanadal geytinta Qafár Kominiiti Missosseh Tan 'Investiment Conference' Yangaloonuh Kanada Culeenih Geytiman.

Samara-Laqinik 14, 2014 (AFMMA)

Qafár Rakaakayak Fayya Le Miraaciinih erga Kanadal geytinta Qafár Kominiiti Missosseh Tan 'Investiment Conference' Yangaloonuh Kanada Culeenih Geytiman.

Baadak Baxaabaxsa le dariifal geytintah tan Qafár Ummatta elle geytintu waytah tan tama 'Conference' tangaluh Kanada culteh geytinta Qafár Rakaakayak fayya le miraaciinih erga Rakaakayak Investimenti Doorit Kee Rakaakayak Waktí caalat wagittaamal baxxaqsa abeloonum timixxigeh tan.

Qafár Rakaakayak fayya le miraaciini tama Konferenih aracal Qafár
RakaaKay DoolataK Fayya le Miraaciini QafaraK waKti caalat Kee Investimenti Doorit wagittaamal Kanadal getimta Qafar Diyaspoorâ luK Walal konfaransi gexissuh KanadaK Toronto Culteh geytimta.

Asaaku Kanada culteh tan Ergak geyneh nan Xaagi elle yascassennal Kanadal geytinta Qafár Kominiiti Qafár Rakaakayah abte Deeqol tama Konferensit yangaloonuh gexeenih yaniinim Kee oson kaadu Qafár Rakaakayak 'Investimenti Doorit' Kee Rakaakayak wakti caalat wagittaamal baar le addâ fakoot abeloonum diggoysen.

Rakaakayak fayya le miraaciinih erga Kanada culen uddur Kanadal geytinta Qafár Kominiiti meqe garayyo keenih abte.

#Taswiir: Facebook

#QafárTV

#Qafár Rakaakayak Naharsí Saqal Massakaxxa le Cajji Awwal Qarba baxaabaxsa le baaxooxah Ambasaaderwa luk abe angaarawal Qafár Ummatta Carbi lakal faxxa Aygadad taamoomih gita arac xagisoonuh ukummo yakke angaaraw abeenim yescesse.

#QafárTV

#Qafár Qunxaaneyti Agat Caddol Ummaan Caagidik Isinni Foxot Soolaanam Faxxinta-Bool-abba Saalic Mustafa

#QafárTV

#Qafár Qunxaaneyti Agat Caddol Ummaan Caagidik Isinni Foxot Soolaanam Faxxinta-Bool-abba Saalic Mustafa

#QafárTV

#Qafár Rakaakayih Doolatak Naharsí Saqal Massakaxxa le Cajji Awwal Qarba