#NATO adoytiitih tan baaxooxa Yukreen Doolat Qaran Waaso Yoh Hayisa Axcuk Abte Esseo Moggolinnon

Samara-Caxah alsak 27, 2014 (AFMMA)

NATO adoytiitih tan baaxooxa Yukreen Doolat Qaran Waaso Yoh Hayisa Axcuk Abte Esseo Moggolinnon.

Inki bacurek mucxi yakke udduruh gexsitak geytimah yan Ruusiya Yukreenit abak geytinta wararal Ruusiyah Qande Yikreenik mango baaxooxa tibbixeh geytintaah, mango magaalol carareh geytimaah, Namma Milyoon yakke mari guub cabem warsan.

Tama carbih Qokolih goranah Yukreen Doolat Ayrô Kormâ baaxooxaa Kee Oroppah Eglah adoytiitih tan baaxooxal mango esser abak geytinta wakaay takkay ahim fanah calli magenna.

Tah tannal anuk, Yukreen Doolat abacureh addal 'NATO' Qaran waaso teetih haytuh abte esserol, tama missoyna 'nanu Qokol abenno immay, ni carbi akke-sinni Carbit maculna' axcuk gaciseenim dubuh hinnay 'nanu acarbit culneh anih inkih tan Oroppa edde finqitta carbi akkrkal maraqta' iyyeenim warsan.

Tah tannal anuk, Ruusiyah Doolat is le katuk Elle tescesseh tan innal 'NATO' tet kee Yukreen fanih carbit tengeleh anih baadak Sidoc hattô Carbi ugutele axcuk meysiisak geytinta.

#Raceena: TRT Qarabi