#Maysaxxagá

Beera Samarâ Magaalal Assacokki soolo akkele.

TPLF Junta sidiica rasul gabqasah yan Ayyunta edde biyaktuh kaxxa silaacittet maagaaloolut abtah tan maysattakookiy, mango gabqasah qawwaddi edde yewqeh yani tassacakkeh tan kaxxa soolo beerá samarâ magaalal gexsitele.

Tama soolo mango itrooray, qarkakisâ butta abtah tan qarkasiini taama baadah baxxaqissaah, taybeleeleqe luk gexsitelem 'Command Post' Makaadu tiysixxige.

Tohih taagah Tama soolok qammaalinta madma arac xagtuh Qafár Ummattaa Kee Qafarah meqem faxxa Cuggaanê Rakaakayitteh Xayloy Samaraa kee Loogiyâ dariifal geytinta inkih edde tangalem faxximtam 'Command Post' makaado diggossa.

Tah tannal anuk, Loogiyaak Samara fanah yamaatu waa ayyuntah Gexay-gacâ Merraytih Ayfaaf aracat heenih yaniinim tama makaado tiysixxige.

#Kassiisi: Inki numih Salaam inkih yan Ayyuntih Salaam kinniimih taagah ummaan num baxsa le angoyya yubleh anih Saay Dagaritte Yaysixxigem faxxinta.