ሐሙስ:- መጋቢት 12 ቀን 2016 ዓ.ም

ስነምግባር

ስነምግባር ከቤተሰብ፣ ከጓደኛ፣ ከህብረተሰብ፣ ከተለያዩ ተቋማት /ለምሳል ከሃይማኖት እና ሌሎች/፣ ከህግ እና ፍትህ አካላት ወዘተ የሚመነጭ ሲሆን ስነ ምግባር ሰላምን ለማሰፈን፣ ሁሉም ሰው በእኩልነትና በመከባበር እንዲኖር ለማድረግ፣ የጋራ ተጠቃሚነትንና እድገትን ለማምጣት፣ ወዘተ ይጠቅማል፡፡
ስነ ምግባር ወሳኝ የሆኑ የህይወት መርሆዎችን በመከተል የሚኖር ሲሆን በመርህ ለመኖር ደግሞ ሁለንተናዊ የሆነ የሞራል ባህርይ መላበስ ያስፈልጋል፡፡
የኮሌጁ የስነምግባርና ጸረሙስና መከታተያ ዳይሬክቶሬት

"በላቀ አገልግሎት የመረጃ ተደራሽነት"

ሐሙስ:- መጋቢት 12 ቀን 2016 ዓ.ም

ሁሉን አቀፍ ተቋማዊ የልማት ገጽታዎቻችን እንደ ቀጠሉ ናቸው!!

ኮሌጁ በዚህ በጀት ዓመት እጅግ በርካታ የስራ ስኬቶችን ያስመዘገበበት ጊዜ ሲሆን በርካታዎቹ ስራዎች ተጠናቀዋል፤ የተወሰኑት ጥቂት ጊዜን ይሻሉ አንዳንዶቹ ደግሞ እቅድ ተይዞላቸዋል፡፡

ተቋሙን ምቹ የስራ ከባቢ እና ለእይታ ሳቢ ለማድረግ እየተከወኑ ካሉ ዘረፈ ብዙ ትጋቶች መካከል ትልቁን ሚና የሚጋሩት የኮንስትራክሽን ዘርፍ አሰልጣኞች ናቸው፡፡ ስልጠና ዘርፉ በተለያዩ አሰልጣኞች ታቅደው እየተተገበሩ ያሉ በርካታ ፕሮጀክቶችን የያዘ ሲሆን በዚህ ምልከታችን በሁለት አሰልጣኞች እየተሰራ ያለን የውስጥ ለውስጥ መንገድ እና የአደባባይ ስራ በአጭር እንቃኛለን፡፡

በሁለት በኩል መተላለፊያ የሚሆኑ እና በቴራዞን ንጣፍ ለመስራት እቅድ የተያዘላቸውን የውስጥ ለውስጥ መንገዶች ጨምሮ በልዩ ልዩ አበባዎችና ሳሮች እንዲያሸበርቁ ታልሞ እየተሰራ የሚገኝን መለስተኛ አደባባይ ለመስራት ሲታትሩ ሁለት የዘርፉን አሰልጣኞች በካሜራችን ዐይን ተመልክተናል፡፡

600 ካሬ ሜትር ገደማ በሚሸፍን ቦታ ላይ የመንገድ እና የአረንጓዴ ልማት ስራዎችን እየሰሩ ያሉ 2 አሰልጣኞች መርጋ አብዲሳ እና ገረመ ፍሪሳ ናቸው፡፡ አሰልጣኞቹ በኮሌጁ እየተከናወኑ ያሉ ዘርፈ ብዙ የልማት ስራዎችን በመመልከት እነሱም የራሳቸውን አሻራ ለማኖር በማስብ ለመስራት መነሳታቸውን ተናግረዋል፡፡ ፕሮጀክቱ በግዢ ዳይሬክቶሬት ቢሮ አካባቢ የሚገኝ ሲሆን ከዚህ በፊት የነበረው ገጽታ ምቾትን የሚነሳ ነበር፡፡ ይህ ፕሮጀክት አሁን ላይ 80 ከመቶው መጠናቀቅ ላይ እንደሚገኝ አሰልጣኞቹ የገለፁ ሲሆን ከ20 ቀናት ባልበለጡ ጊዜያት ለማጠናቀቅ ማቀዳቸውን ተናግረዋል፡፡

ፕሮጀክቱ ሲጠናቀቅ የአካባቢውን ውበት ማምጣት ብቻ ሳይሆን ኮሌጁን የሚገልጽ ልዩ ልዩ አስተማሪ ይዘት እና ቅርጽ እንዲኖረው ይደረጋልም ተብሏል፡፡ እኛም እንደሁል ጊዜው ብርቱ እጆች እና በጎ ተግባሮች ይቀጥሉ እያልን ቀጣይ በሌሎች ተመሳሳይ ቅኝቶች እስከምንመለስ ቸር ቆዩን፡፡

"በላቀ አገልግሎት የመረጃ ተደራሽነት"

ማክሰኞ:- መጋቢት 17 ቀን 2016 ዓ.ም

ማስታወቂያ

ለኮሌጁ ሰልጣኞች በሙሉ

የኮሌጁ የስነምግባርና ፀረ-ሙስና መከታተያ ዳይሬክቶሬት በስነምግባር ምንነትና አስፈላጊነት፤ በሰልጣኞች የስነምግባር ክበብ ምንነትና ጥቅም እንዲሁም ብልሹ አሰራር ከተማሪዎች የስልጠና አሰጣጥ አንጻር ያለውን ትርጉም በተመለከተ ለ2 ቀናት ስልጠና አዘጋጅተናል፡፡

በመሆኑም ከመጋቢት 18 – 19 ቀን 2016 ዓ.ም ከቀኑ 7፡30 ---- 11፡00 ሰዓት ለ2 ተከታታይ ቀናት አስተዳደር ህንፃ 4ኛው ፎቅ ላይ በሚገኘው የመሰብሰቢያ አዳራሽ ስልጠናው ስለሚሰጥ በዕለቱ እና በሰዓቱ እንድትገኙ እናሳውቃለን ፡፡

የኮሌጁ የስነምግባርና ጸረሙስና መከታተያ ዳይሬክቶሬት

ረቡዕ:- መጋቢት 18 ቀን 2016 ዓ.ም

ለ14ኛው የቴክኒክ እና ሙያ ሳምንት በቂ ዝግጅት መደረጉ ተገለፀ!!

ዘንድሮ ለ14ኛ ጊዜ ለሚከበረው የቴክኒክ እና ሙያ ሳምንት በተለያዩ ዘርፎች ተወዳድሮ አሸናፊ ለመሆን የሚያስችል በቂ ዝግጅት መደረጉ ተገለፀ፡፡

4 የማምረቻ፣ 5 የምርት እና 1 የአገር በቀል ቴክኖሎጂዎችን በማምረት እንዲሁም አሰልጣኞች በ14 ሙያዎች፣ ሰልጣኞች በ9 ዘርፎች እና ኢንተርፕራይዞች ደግሞ 5 በሚሆኑ የሙያ መስኮች የክህሎት ውድድር ለማድረግ እቅድ መያዙን ከቴክኖሎጂ ልማት እና ኢንዱስትሪ ኤክስቴንሽን አገልግሎት ምክትል ዲን አቶ ደሜ መርሻ ሰምተናል፡፡

ምክትል ዲኑ አክለውም የዘንድሮው የቴክኒክ እና ሙያ ሳምንት የተለያዩ ስፖርታዊ ውድድሮች፣ የፋሽን ሾው ትርኢቶች፣ የICT ዘርፍ ፈጠራዎችና መሰል ስራዎች የበዓሉ ዝግጅት አካል ናቸው፡፡ ብለዋል፡፡

እንደ ተቋም 7 የሚሆኑ ችግር ፈቺ ተግባራዊ የጥናት እና ምርምር ስራዎች እየተጋጁ ሲሆን ቀጣይ መጋቢት 27 ቀን 20 16 ዓ.ም ደግሞ በኮሌጅ ደረጃ የክህሎት ውድድር እንደሚጀመር ታውቋል፡፡

"በላቀ አገልግሎት የመረጃ ተደራሽነት"