#bojxona_nazorati

❌Уяли телефонларнинг ноқонуний айланмасига чек қўйилди

✍️Сирдарё вилояти божхона бошқармаси Контрабандага қарши курашиш ва божхона аудити бўлими ходимлари уяли қўл телефон аппаратларининг ноқонуний айланмасига қарши Тошкент вилоятида тезкор тадбир ўтказишди.

✔️Тезкор тадбир давомида, фуқаро А.А. бошқарувидаги “Кобальт” русумли автотранспорт воситаси белгиланган тартибда кўздан кечирилди.

Натижада, автомашинада фуқаро Д.К.га тегишли бўлган, хорижда ишлаб чиқарилган, божхона расмийлаштирувидан ўтганлигини тасдиқловчи ҳеч қандай ҳужжатлари бўлмаган умумий қиймати 📱42,7 миллион сўмлик 20 дона уяли қўл телефони аппаратлари борлиги аниқланди.

#bojxona_nazorati

❌ЧАНГЮТГИЧЛАРНИНГ НОҚОНУНИЙ АЙЛАНМАСИГА ЧЕК ҚЎЙИЛДИ

✍️Фарғона вилояти божхона бошқармаси томонидан амалга оширилган навбатдаги тезкор тадбирда фуқаро М.Т.бошқарувидаги “Кобальт” русумли автомашина тўхтатилиб, кўздан кечирилди.

Натижада автомашина салони ва юкхонасида хорижда ишлаб чиқарилган ва божхона расмийлаштирувидан ўтганлигини тасдиқловчи ҳужжатлари бўлмаган, қиймати 💰24 миллион сўмлик 24 дона чангютгичлар борлиги аниқланди.

Ҳозирда юқоридаги ҳолат юзасидан божхона органлари томонидан суриштирув ҳаракатлари давом эттирилмоқда.