➡️ #Namangan #Nammotors

Energetika vazirligi va "O'zeltexsanoat" uyushmasi vakillari "Nammotors" korxonasi faoliyatini o'rgandilar

➡️O‘zbekiston Respublikasi Energetika vaziri o‘rinbosari Umid Mamadaminov hamda “O‘zeltexsanoat” uyushmasi raisi o‘rinbosari Jahongir Jamalov Namangan viloyatiga tashrifi doirasida viloyatdagi yirik elektrotexnika korxonalaridan biri – “Nammotors” MCHJ faoliyati o‘rgandilar.

➡️Mazkur tashrif davomida mas'ullar korxonaning ishlab chiqarish jarayonlari, mavjud texnologik quvvatlar hamda so‘nggi yillarda joriy etilgan modernizatsiya ishlari bilan yaqindan tanishdilar.

➡️Tashrif doirasida ishlab chiqarish hajmini oshirish, mahsulot turlarini diversifikatsiya qilish va eksport bozorlarini kengaytirish bo‘yicha o‘zaro fikrlar almashildi.

➡️Shuningdek, korxona ehtiyojlarini inobatga olgan holda davlat tomonidan ko‘rsatilishi mumkin bo‘lgan amaliy qo‘llab-quvvatlash choralariga ham e’tibor qaratildi. Uchrashuv davomida mamlakatimizda amalga oshirilayotgan energetika loyihalarida “Nammotors” mahsulotlaridan foydalanish istiqbollari yuzasidan ham muloqotlar olib borildi.

➡️Bu orqali korxonaning ichki bozorga yanada chuqur integratsiyasi ta’minlanib, mahalliy ishlab chiqaruvchilarni qo‘llab-quvvatlash siyosatiga amaliy hissa qo‘shilishi ko'zda tutilmoqda.

🌐 UZELTEXSANOAT | Telegram

⚡️Qashqadaryodagi "Solar Cluster" hududida amalga oshirilayotgan elektrotexnika loyihalari holati o‘rganildi

➡️Joriy yilning 11-iyul kuni O‘zbekiston Respublikasi Prezidenti maslahatchisi Ravshan G‘ulomov, Qashqadaryo viloyati hokimi Murodjon Azimov va “O‘zeltexsanoat” uyushmasi raisi Mirziyod Yunusov va boshqa tegishli idora vakillari Qashqadaryo viloyati, “Chiroqchi” erkin iqtisodiy zonasi hududida amalga oshirilayotgan “Solar Cluster” majmuasiga tashrif buyurdilar.

➡️Tashrif davomida mas'ullar tomonidan mazkur hududda yo‘lga qo‘yilishi rejalashtirilgan quyosh panellari va litiy ion akkumulyatorlari loyihasining joriy holati o‘rganildi, ishlab chiqarish infratuzilmasi va texnologik jarayonlar bilan tanishdilar. Loyiha tashabbuskorlari bilan uchrashdilar.

Shuningdek, loyihalarning amalga oshirilish sur’atlari, foydalanilayotgan texnologiyalar, ishlab chiqarilishi rejalashtirilayotgan mahsulotlar assortimenti va mahalliylashtirish darajasi, yangi ish o‘rinlarini yaratish kabi yo‘nalishlarda kerakli taklif va tavsiyalar berildi.

➡️Bundan tashqari, elektrotexnika sanoati va unga yondosh sohalarni rivojlantirish maqsadida Klaster hududida amalga oshiriladigan boshqa loyihalar bo'yicha ham qo'shimcha ma'lumotlar berildi va tadbirkorlar bilan muloqot qilindi.

🌐 UZELTEXSANOAT | Telegram

➡️ #China #CEC #Hamkorlik

🇺🇿🇨🇳"O‘zeltexsanoat" uyushmasi va "China Electronic Corporation" o‘rtasida hamkorlik uchrashuvi

➡️“O‘zeltexsanoat” uyushmasi vakillari Xitoy Xalq Respublikasiga xizmat safari doirasida Pekin shahrida Xitoyning yetakchi korporatsiyalaridan biri — “China Electronic Corporation” (CEC) vitse-prezidenti boshchiligidagi delegatsiya bilan muzokaralar olib bordilar.

➡️Uchrashuv davomida tomonlar O‘zbekiston va Xitoy o‘rtasidagi sanoat hamkorligini chuqurlashtirish, xususan, elektrotexnika, elektron komponentlar ishlab chiqarish, raqamli texnologiyalar, sun’iy intellekt, sanoat avtomatizatsiyasi va “yashil texnologiyalar” sohalarida qo‘shma loyihalarni yo‘lga qo‘yish masalalarini muhokama qildilar.

➡️Mazkur uchrashuv O‘zbekistonda yuqori texnologiyali sanoatni rivojlantirishga qaratilgan strategik hamkorlik yo‘lidagi muhim qadamlardan biri bo‘lib, tomonlar o‘rtasida uzoq muddatli va sermahsul aloqalarni shakllantirishga xizmat qiladi.

🌐 UZELTEXSANOAT | Telegram

➡️ #Eltech_Industrial

⚡️ Uyushma raisi “Eltech Industrial” texnoparkida amalga oshirilayotgan loyihalar holati bilan tanishdi

➡️ “O‘zeltexsanoat” uyushmasi raisi boshchiligidagi Ishchi guruhi Toshkent viloyatida joylashgan “Eltech Industrial” texnoparkiga tashrif buyurib, ushbu hududda amalga oshirilayotgan ishlab chiqarish loyihalarining joriy holatini o‘rgandilar. Tashrif davomida loyihalarning texnik-texnologik parametrlari, ishlab chiqarish quvvatlari, mahsulot turlari va eksport salohiyati bo‘yicha batafsil tanishtiruvlar o‘tkazildi.

➡️ Har bir loyiha bo‘yicha uning mahalliylashtirish darajasi, xomashyo ta’minoti, mehnat resurslari va infratuzilma bilan ta’minlanish holatidan kelib chiqib tahlil qilindi. Joylarda loyihalarning tezroq ishga tushishini ta’minlash, ishlab chiqarish hajmini kengaytirish va eksport imkoniyatlarini oshirish yuzasidan aniq topshiriqlar va zarur ko‘rsatmalar berildi. Shuningdek, ishlab chiqaruvchilar oldiga texnologik yangilanish, mahsulot sifati va xalqaro standartlarga muvofiqlik borasida ham muhim vazifalar qo‘yildi.

➡️ “Eltech Industrial” texnoparki bugungi kunda elektrotexnika sanoati bo‘yicha mamlakatdagi eng yirik loyihalarni o‘zida jamlagan sanoat maydonchasiga aylanmoqda. Bu yerda mikroprotsessor modullari, yuqori kuchlanishli kabellar, mis quvurlar, transformator simlari, maishiy texnika va boshqa mahsulotlar ishlab chiqariladi. Tashabbuskorlar orasida “Vades Group”, “Enco Group”, “Metal Processing Technology”, “Premier Electrotech”, “United Cable-Co”, “Nura Group” kabi mahalliy va xorijiy investorlar ishtirokidagi kompaniyalar mavjud.

➡️ Texnopark hududida amalga oshirilayotgan barcha loyihalarning umumiy qiymati $ 439 million dollardan oshadi. Ular orqali 3 800 dan ortiq yangi ish o‘rinlari yaratilishi, yiliga $ 590 million dollarlik mahsulot eksport qilinishi rejalashtirilgan. Bunda ishlab chiqariladigan mahsulotlar nafaqat ichki bozorga, balki xalqaro talabga ham mos kelishi ko‘zda tutilgan.

➡️ Tashrif yakunida texnopark infratuzilmasini rivojlantirish, ijtimoiy obyektlar — oliy ta’lim muassasasi, texnikum, sport majmuasi, poliklinika, ofis va xizmat ko‘rsatish binolari barpo etilishi bilan bog‘liq masalalar ham muhokama qilindi.

🇷🇺 Рус 🇬🇧 En

🌐 UZELTEXSANOAT | Telegram