➡️ #Power_Electric_Group

⚡️ “Power Electric Group” korxonasi faoliyati o‘rganildi

➡️ Toshkent viloyati, Qibray tumanida joylashgan “Power Electric Group” korxonasida "O'zeltexsanoat" uyushmasi mas'ullari tomonidan o‘tkazilgan uchrashuv doirasida ushbu mahalliy ishlab chiqaruvchi korxonaning energetika sohasida amalga oshirilayotgan yirik loyihalardagi ishtiroki va eksport salohiyati keng muhokama qilindi.

➡️ Hozirgi kunda korxona tomonidan "ACWA Power" va boshqa xorijiy hamda mahalliy investorlar ishtirokidagi energetika loyihalari uchun boshqaruv shkaflari, past kuchlanishli yordamchi panellar ishlab chiqarish va yetkazib berish borasida muzokaralar olib borilmoqda.

➡️ Uchrashuv davomida "ACWA Power"ning O‘zbekistondagi loyihalarida bosh pudratchi sifatida faoliyat yuritayotgan Hindistonning "L&T Construction" kompaniyasiga boshqaruv shkaflari hamda past kuchlanishli panellarni yetkazib berish masalasi batafsil muhokama qilindi.

➡️ O'rganish yakunida mamlakatimizda amalga oshirilayotgan muqobil energetika yo‘nalishidagi loyihalarda mahalliy elektrotexnika korxonalarining ishtirokini kengaytirish, “Power Electric Group” korxonasini esa ushbu jarayonlarga faol jalb etishda amaliy ko‘mak ko‘rsatish bo‘yicha hamkorlik qilishga kelishildi.

➡️ “Power Electric Group” — Toshkent viloyatida joylashgan va boshqaruv shkaflari, yordamchi panellar, AVR tizimlari hamda sanoat uchun elektrotexnika uskunalarini ishlab chiqarishga ixtisoslashgan korxona hisoblanadi.

🌐 UZELTEXSANOAT | Telegram

➡️ #Afghanistan #eksport #ROYAL

⚡️ Afgʻonistonga Royal brendi ostidagi mahsulotlar eksport qilindi

➡️Xabaringiz bo'lsa, joriy yil may oyi boshlarida Afgonistonning Qobul shahrida bo‘lib o‘tgan “Made in Uzbekistan” xalqaro ko‘rgazmasi doirasida Artel kompaniyasi "Royal" savdo belgisi ostidagi mahsulotlarni Afg‘onistonga eksport qilish bo‘yicha rasmiy shartnomalarni imzolagan edi.

➡️ Ta'kidlash joizki, "Royal" brendining yuqori sifatli, energiya tejamkor va foydalanuvchiga qulay mahsulotlari afg‘onistonlik tadbirkorlar va iste’molchilar tomonidan katta qiziqish bilan qarshi olindi.

➡️ Artel Afgʻoniston uchun yangi bozor emas – kompaniya 2017-yildan buyon bu mamlakat bilan samarali savdo aloqalarini yo‘lga qo‘yib kelmoqda. So‘nggi yillarda Artel mahsulotlariga bo‘lgan talab barqaror oshib bormoqda va ushbu talab kompaniyaning yuqori sifat, xizmat ko‘rsatish madaniyati va iste’molchiga yo‘naltirilgan strategiyasining samaradorligini namoyon etadi.

➡️ Mazkur eksport shartnomasi Artel kompaniyasining xalqaro miqyosdagi strategik rivojlanishining uzviy davomi bo‘lib, O‘zbekiston sanoatining jahon bozoridagi raqobatbardoshligini namoyon etadi.

🌐 UZELTEXSANOAT | Telegram

➡️ #Baku #Made_in_Uzbekistan #ARTEL

🇺🇿🇦🇿Oʻzbekiston – Ozarbayjon: “Made in Uzbekistan” milliy mahsulotlar koʻrgazmasida Artel kompaniyasi ishtirok etdi

🇦🇿 Ozarbayjon poytaxti Boku shahrida Turkiy davlatlar oʻrtasidagi savdo va investitsiya hamkorligi forumi doirasida “Made in Uzbekistan” milliy mahsulotlar koʻrgazmasi tashkil etildi.

➡️ Ushbu nufuzli tadbirda kompaniya o‘zining “Made in Uzbekistan” stendida 33 turdagi katta va kichik maishiy texnika mahsulotlarini namoyish etdi. Artel brendi ostidagi mahsulotlar koʻrgazma mehmonlari va xalqaro hamkorlar tomonidan katta qiziqish bilan kutib olindi.

➡️ Ko‘rgazma davomida Ozarbayjon Respublikasi Prezidenti Ilhom Aliyev tashrif buyurib, ishtirokchi mamlakatlar stendlari bilan yaqindan tanishdi. Prezident tashrifi ushbu tadbirga bo‘lgan yuksak e’tibor va turkiy davlatlar o‘rtasidagi iqtisodiy aloqalarni mustahkamlash yo‘lidagi muhim qadamlardan biri bo‘ldi.

✅ Forum va ko‘rgazmada Ozarbayjon, O‘zbekiston, Turkmaniston, Turkiya, Qozog‘iston, Qirg‘iziston hamda Vengriya kabi mamlakatlar ishtirok etdi. Bu kabi xalqaro maydonlar milliy mahsulotlarni targ‘ib qilish, yangi bozorlar sari yo‘l ochish va o‘zaro manfaatli hamkorliklarni kengaytirishda muhim platforma boʻlib xizmat qiladi.

🌐 UZELTEXSANOAT | Telegram

➡️ #AI #seminar

⚡️ “O‘zeltexsanoat” uyushmasida sun’iy intellektdan foydalanish mavzusida seminar-trening bo‘lib o‘tdi

➡️ Bugun, 20-iyun kuni “O‘zeltexsanoat” uyushmasida “Sanoatda sun’iy intellekt texnologiyalarini qo‘llash imkoniyatlari va rivojlanish tendensiyalari” mavzusida seminar-trening tashkil etildi.

➡️ Unda uyushma ijro apparati xodimlari faol ishtirok etdi.

➡️ Seminar-treningdan asosiy maqsad — elektrotexnika sohasida raqamli texnologiyalar, ayniqsa, sun’iy intellekt imkoniyatlarini amaliyotga joriy etish, kadrlar salohiyatini oshirish hamda bu yo‘nalishda soha mutaxassislarini yangi bilimlar bilan qurollantirishdan iborat bo‘ldi.

➡️ Tadbirda Raqamli texnologiyalar vazirligi huzuridagi “Raqamli iqtisodiyot tadqiqotlari markazi” davlat muassasasi vakillari tomonidan taqdimotlar qilindi.

➡️ Seminar davomida mavzu yuzasidan ochiq muloqot shaklida savol-javoblar o‘tkazildi, sun’iy intellektning ishlab chiqarish jarayonlaridagi qo‘llanilishi, mehnat unumdorligiga ta’siri va xavfsizlik choralari yuzasidan muhim fikr-mulohazalar bildirildi.

➡️ Uyushma tomonidan bunday bilim almashish uchrashuvlari muntazam davom ettirilishi rejalashtirilgan.

🌐 UZELTEXSANOAT | Telegram