➡️ #kun_hikmati #iqtibos



Hayotingizni boshqarishga o‘zingiz mas’ul ekanligingizni tushunganingizda, muvaffaqiyatga bir qadam yaqinlashasiz.

NAPOLEON XILL

🌐 UZELTEXSANOAT | Telegram

➡️ #london_metall_birjasi

📊 02-iyun kuni bo'yicha jahon bozoridagi rangli metallar savdosiga oid statistik ma'lumotlar bilan tanishing.

⚡️ Ma'lumotlar LONDON metall birjasi va investing.com platformasi ko'rsatkichlariga asosan tayyorlandi.

🌐 UZELTEXSANOAT | Telegram

➡️ #TEXNOPARK #MikroGES

⚡️ "O‘zeltexsanoat" uyushmasi tomonidan "TENOPARK" korxonasining "mikro GESlar" loyihasi bo‘yicha ishlar holati o‘rganildi

➡️ O‘zbekiston Respublikasi Vazirlar Mahkamasining 2025-yil 2-maydagi 288-F-sonli farmoyishi va "O‘zeltexsanoat" uyushmasi boshqaruv raisining topshirig‘iga asosan, uyushma mas'ullari tomonidan Toshkent shahrida "TEXNOPARK" korxonasi tomonidan amalga oshirilayotgan mikro GES loyihalari holati o'rganildi.

➡️ "TEXNOPARK" korxonasi tomonidan Toshkent shahrining Chilonzor tumanidagi Bo‘rijar kanali irmog‘ida quvvati 5, 10 va 20 kVt bo‘lgan 3 ta, Bo‘zsuv kanali irmog‘ida esa har biri 15 kVt quvvatga ega 2 ta mikro GES qurilishi loyihalari bosqichma-bosqich amalga oshirilayotgani qayd etildi. Ayni paytda tanlab olingan hududlarda yer tekislash, texnik tayyorgarlik va qurilish ishlari davom etmoqda.

➡️ Uyushma mas’ullari tomonidan qurilish jarayoni joyida ko‘zdan kechirilib, loyihani amalga oshirishda yuzaga kelayotgan muammolar va ularni yechish yo‘llari muhokama qilindi.

➡️ Shuningdek, mikro GESlar uchun zarur bo‘lgan texnologik uskunalarni mahalliylashtirish, ishlab chiqarish liniyalarini ishga tushirish, loyiha rentabelligini oshirish hamda loyihaning kelajakdagi kengaytirish imkoniyatlari yuzasidan korxona vakillari bilan batafsil fikr almashildi.

➡️ Tashrif yakunida “O‘zeltexsanoat” uyushmasi xodimlari va loyiha mas'ullari loyihalarni sifatli va o‘z vaqtida amalga oshirish, mavjud muammolarni bartaraf etish, shu jumladan loyiha uchun muhim bo‘lgan hamkorlik aloqalarini rivojlantirish va sanoat kooperatsiyasini kengaytirish yuzasidan birgalikda ishlashga kelishib oldilar.

🌐 UZELTEXSANOAT | Telegram

➡️ #kun_hikmati #iqtibos



Vaqt — hayotingizni oʻz ichiga olgan narsadir. Vaqtni boshqarsangiz, hayotingizni boshqarasiz.

ALAN LAKEIN

🌐 UZELTEXSANOAT | Telegram

➡️ #london_metall_birjasi

📊 03-iyun kuni bo'yicha jahon bozoridagi rangli metallar savdosiga oid statistik ma'lumotlar bilan tanishing.

⚡️ Ma'lumotlar LONDON metall birjasi va investing.com platformasi ko'rsatkichlariga asosan tayyorlandi.

🌐 UZELTEXSANOAT | Telegram

➡️ #Savdo_yarmarkasi

⚡️ "O'zeltexsanoat" uyushmasi tashabbusi bilan Afg'onistonning Mozori Sharif shahrida "Made in Uzbekistan" brendi ostida savdo yarmarkasi tashkil etiladi

➡️ "O'zeltexsanoat" uyushmasi mamlakatimiz elektrotexnika sanoati korxonalarining tashqi bozorlarda faol ishtirokini ta'minlash, eksport salohiyatini oshirish hamda qo'shni davlatlar bilan iqtisodiy hamkorlik aloqalarini yanada mustahkamlash maqsadida qator tadbirlarni amalga oshirmoqda.

➡️ Joriy yilning 18-20-iyun kunlari Afg'onistonning Mozori-Sharif shahrida O'zbekiston elektrotexnika sanoati korxonalari tomonidan ishlab chiqarilgan mahsulotlarning savdo yarmarkasi tashkil etilishi rejalashtirilgan.

➡️ Mazkur yarmarkada "Made in Uzbekistan" brendi ostida ishlab chiqarilgan yuqori sifatli elektrotexnika mahsulotlari, maishiy texnika vositalari va innovatsion yechimlar taqdim etilishi ko'zda tutilgan.

➡️ Savdo yarmarkasi doirasida ikki davlat ishbilarmon doiralari va tadbirkorlari o'rtasida biznes uchrashuvlar, eksport shartnomalarini imzolash, yangi hamkorlik aloqalarini yo'lga qo'yish bo'yicha muzokaralar o'tkazilishi ham rejalashtirilgan.

➡️ Mazkur tadbir Afg'oniston bozoridagi talab va ehtiyojlarni o'rganish, mahalliy hamkorlar bilan yaqindan muloqotni yo'lga qo'yish hamda ikki mamlakat o'rtasidagi o'zaro savdo aylanmasini yanada kengaytirishga xizmat qiladi.

➡️ "O'zeltexsanoat" uyushmasi ushbu yarmarkada mamlakatimizning yetakchi elektrotexnika sanoati korxonalarining faol ishtirokini ta'minlaydi hamda "Made in Uzbekistan" brendi ostidagi mahsulotlar orqali tashqi bozorda raqobatbardoshlikni oshirishga yordam beradi.

➡️ Savdo yarmarkasiga barcha mahalliy va xalqaro hamkorlar, tadbirkorlar va investorlar taklif etiladi.

📞 Qo'shimcha ma'lumotlar uchun: +99893-686-88-60

🌐 UZELTEXSANOAT | Telegram