➡️ #Mudofaa_festivali

⚡️ Uyushma raisi Mudofaa sohasidagi innovatsion texnologiyalar festivalida ishtirok etdi

➡️ 2025-yil 29-maydan boshlab Toshkent shahrida “MSITF-2025” – Mudofaa sohasida innovatsion texnologiyalar festivalining navbatdagi bosqichi bo‘lib o‘tmoqda. Tadbir O‘zbekiston Respublikasi Mudofaa vazirligi tashabbusi bilan mahalliy sanoat korxonalarining harbiy va texnologik yo‘nalishdagi salohiyatini namoyish etish maqsadida tashkil etilgan.

➡️ Festivalda “O‘zeltexsanoat” uyushmasi raisi Mirziyod Yunusov ham ishtirok etdi. U tadbir doirasida elektrotexnika sanoati korxonalari tomonidan ishlab chiqarilgan ilg‘or mahsulotlar va innovatsion ishlanmalar bilan yaqindan tanishdi.

➡️ Uyushma raisi elektrotexnika mahsulotlari bo‘yicha ishlab chiqaruvchilar bilan bevosita suhbat olib bordi, ularning mahsulotlari va texnologik yechimlari bo‘yicha atroflicha ma’lumotlar oldi. Shuningdek, kooperatsiyani kengaytirish va xalqaro hamkorlik imkoniyatlarini oshirish bo‘yicha tadbirkorlarga tavsiyalar berdi.

➡️ Mirziyod Yunusov ushbu tadbir doirasida elektrotexnika sanoati korxonalarining mudofaa sohasiga qo‘shayotgan hissasini yuqori baholab, ularni har tomonlama qo‘llab-quvvatlashga tayyorligini bildirdi.

➡️ “MSITF-2025” festivali 31-mayga qadar davom etadi. Unda elektrotexnika sanoatining yangi ishlanmalari, texnik namoyishlar va hamkorlik uchrashuvlari bo‘lib o‘tmoqda. Mahalliy sanoatning harbiy soha uchun taklif etayotgan texnologik salohiyati esa yildan-yilga ortib borayotgani e’tirof etilmoqda.

🌐 UZELTEXSANOAT | Telegram

➡️ #Sport #futbol

⚡️ Uyushma xodimlari o'rtasida "Rahbar kubogi" futbol musobaqalari o'tkazildi

➡️ Bugun “O‘zeltexsanoat” uyushmasi Markaziy apparati xodimlari o‘rtasida tashkil etilgan “Rahbar kubogi” futbol musobaqasining saralash bosqichi bo‘lib o‘tdi.

➡️ Tadbir O‘zbekiston Respublikasi Prezidentining 2024-yil 4-dekabrdagi PQ-421-son qarori ijrosini ta’minlash, xodimlar o‘rtasida sportni rivojlantirish va sog‘lom turmush tarzini targ‘ib qilish maqsadida tashkil etildi.

➡️ Respublika Olimpiya zahiralari kolleji mini futbol maydonchasida o‘tkazilgan o‘yinlarda 4 ta jamoa — “Yangi avlod”, “Yengilmas kuch”, “Vatanparvar” va “Yangi O‘zbekiston” jamoalari ishtirok etdi.

➡️ Bugungi o‘yinlar saralash bosqichi sifatida o‘tkazilib, final va 3-o‘rin uchun bahslar keyingi sport tadbirlarida bo'lib o'tadi.

➡️ Barcha ishtirokchilarga keyingi bahslarda ham muvaffaqiyatlar tilab qolamiz.

🌐 UZELTEXSANOAT | Telegram