➡️ #Eltech_Malaka

⚡️ "Eltech-malaka" o‘quv markazida quyosh fotoelektrik stansiyalariga xizmat ko‘rsatish bo‘yicha o'quv mashg‘ulotlari qizg‘in davom etmoqda

➡️ “O‘zeltexsanoat” uyushmasi huzuridagi “Eltech-malaka” o‘quv markazida quyosh fotoelektrik stansiyalariga texnik xizmat ko‘rsatish bo‘yicha tashkil etilgan o‘quv kurslarining navbatdagi guruhi o‘quv jarayonlarini davom ettirmoqda.

➡️ Mazkur kurslar mamlakatimizda qayta tiklanuvchi energiya manbalaridan foydalanish ommalashib borayotgan bir davrida muhim ahamiyat kasb etadi. O‘quv mashg‘ulotlari malakali o‘qituvchi va mutaxassislar tomonidan zamonaviy metodikalar asosida olib borilmoqda.

➡️ Darslar onlayn va offlayn shakllarda tashkil etilib, nazariy bilimlar bilan bir qatorda amaliy ko‘nikmalar ham chuqurlashtirib o‘rgatilmoqda.

➡️ Amaliyot mashg‘ulotlarida ishtirokchilarga quyosh panellarini o‘rnatish, ularga texnik xizmat ko‘rsatish, monitoring qilish, nosozliklarni aniqlash va bartaraf etish kabi ko‘nikmalar singdirilmoqda.

➡️ Tinglovchilar real texnologiya va asbob-uskunalar bilan ishlash imkoniyatiga ega bo‘lib, kurs yakunida ularning kasbiy salohiyatini tasdiqlovchi maxsus sertifikat taqdim etiladi.

➡️ Keyingi guruh uchun o‘quv kurslari tashkil etilishi rejalashtirilgan bo‘lib, ushbu yo‘nalishda bilim va ko‘nikma orttirishni istagan barcha ishtirok etishi mumkin.

📍 Manzil: Toshkent shahri, Shayxontohur tumani, Ko‘kcha darvoza ko‘chasi, 10-uy
📞 Telefon: +99890-964-01-97
📧 Email: s.ulashov@uzeltexsanoat.uz

Quyosh energetikasi bo‘yicha yetuk mutaxassis bo‘lish sari ilk qadamingizni bugunoq tashlang!

🌐 UZELTEXSANOAT | Telegram

➡️ #Rahbar_Kisan

⚡️ O'zbekistonning “Project Qatar 2025” xalqaro ko‘rgazmasidagi ishtiroki Pokistonning "Rahbar Kisan" nashrida yoritildi

➡️ Qatarning Doha shahrida bo‘lib o‘tayotgan yirik xalqaro ko‘rgazmalardan biri — “Project Qatar 2025” doirasida O‘zbekiston elektrotexnika sanoatining xalqaro miqyosdagi ishtiroki Pokistonning nufuzli "Rahbar Kisan" nashri tomonidan keng yoritildi.

➡️ Mazkur nashrda e’lon qilingan intervyuda “O‘zeltexsanoat” uyushmasi vakili Sardor Yunusaliyev ishtirokidagi muloqot asosida O‘zbekistonning sanoat salohiyati, eksport imkoniyatlari, investitsiyaviy ochiqligi va yangi texnologiyalar joriy etishdagi yutuqlari batafsil yoritilgan.

➡️ “O‘zeltexsanoat” uyushmasi boshchiligida tashkil etilgan “Made in Uzbekistan” markazlashgan stend orqali ko‘rgazma ishtirokchilariga yurtimizda ishlab chiqarilayotgan zamonaviy elektrotexnika mahsulotlari — maishiy texnika, kabellar, sanoat avtomatika vositalari, energiya tejovchi texnologiyalar va boshqa mahsulotlar taqdim etilmoqda.

➡️ Ko‘rgazma doirasida qator xorijiy kompaniyalar, potensial investorlar va texnologik hamkorlar bilan uchrashuvlar o‘tkazilib, mahsulotlarimizga bo‘lgan qiziqish ortib bormoqda.

➡️ Ayniqsa, Pokiston, Saudiya Arabistoni, Qatardagi yirik qurilish va infratuzilma kompaniyalari O‘zbekiston mahsulotlarini o‘z loyihalarida qo‘llashga qiziqish bildirmoqda.

➡️ Mazkur xalqaro e’tirof, O‘zbekistonning sanoat eksport brendi sifatidagi mavqeini mustahkamlashga xizmat qilmoqda. Bu kabi ishtiroklar nafaqat yangi bozorlarni zabt etish, balki texnologik almashinuv va ishlab chiqarish kooperatsiyalarini kengaytirishga ham asos bo‘lib xizmat qiladi.

➡️ To‘liq maqolani quyidagi havola orqali o‘qishingiz mumkin:

📰 MAQOLA

➡️ “O‘zeltexsanoat” uyushmasi tomonidan ushbu yo‘nalishdagi xalqaro ko‘rgazmalarda ishtirok etish orqali O‘zbekiston elektrotexnika sanoati uchun yangi ufqlar ochilmoqda.

🌐 UZELTEXSANOAT | Telegram

➡️ #Mudofaa_festivali

⚡️ Mudofaa sohasidagi innovatsion texnologiyalar festivalida elektrotexnika korxonalari faol ishtirok etmoqda

➡️ 2025-yil 29-maydan boshlab Toshkent shahrida “MSITF-2025” – Mudofaa sohasida innovatsion texnologiyalar festivalining navbatdagi bosqichi bo‘lib o‘tmoqda. Ushbu nufuzli tadbir O‘zbekiston Respublikasi Mudofaa vazirligi tashabbusi bilan mahalliy sanoat korxonalarining harbiy va texnologik yo‘nalishdagi salohiyatini namoyish etish maqsadida tashkil etilgan.

➡️ Festival doirasida “O‘zeltexsanoat” uyushmasiga a’zo elektrotexnika sanoati korxonalari o‘zlari ishlab chiqargan ilg‘or mahsulotlar, texnologiyalar va ishlanmalar bilan keng ko‘lamda ishtirok etmoqdalar.

➡️ Jumladan, quyidagi yo‘nalishlarda namunalar taqdim etildi:

✅ sanoat va harbiy maqsadlarda qo‘llaniladigan texnika vositalari;

✅ aloqa tizimlari va AKT mahsulotlari;

✅ robototexnika qurilmalari;

✅ elektr ta’minoti komponentlari hamda boshqa zamonaviy yechimlar.

➡️ Ko‘rgazma davomida ishtirokchilarga elektrotexnika mahsulotlari bo‘yicha texnik tafsilotlar, qo‘llanilish sohalari va eksport salohiyati haqida atroflicha ma’lumotlar berildi.

➡️ Mahalliy ishlab chiqaruvchilarning imkoniyatlari, texnologik yechimlari va hamkorlik takliflari mudofaa sohasidagi mutaxassislar, harbiy ekspertlar va davlat tashkilotlari vakillarida katta qiziqish uyg‘otdi.

➡️ Festival doirasida mahalliy elektrotexnika sanoati korxonalari bilan mudofaa sohasida faoliyat yuritayotgan tashkilotlar o‘rtasida bir qator hamkorlik aloqalari yo‘lga qo‘yildi. Jumladan, elektr ta’minoti, aloqa va boshqaruv tizimlariga oid mahsulotlarni mudofaa tizimiga yetkazib berish bo‘yicha kelishuvlarga erishildi.

➡️ “MSITF-2025” festivali 31-mayga qadar davom etadi. Tadbir doirasida elektrotexnika sohasidagi yangi ishlanmalar, texnik namoyishlar va B2B uchrashuvlar davom etmoqda. Mahalliy sanoatning harbiy soha uchun taklif etayotgan texnologik salohiyati esa yildan-yilga ortib borayotgani e’tirof etilmoqda.

🌐 UZELTEXSANOAT | Telegram

➡️ #Mikroelektronika_Plyus

⚡️ O‘zeltexsanoat” uyushmasi mas'ullari “Mikroelektronika Plyus” korxonasi mutasaddilari bilan kooperatsiyani kengaytirishni muhokama qildilar

➡️ “O‘zeltexsanoat” uyushmasi mas’ul xodimlari Toshkent shahrida faoliyat yuritayotgan “Mikroelektronika Plyus” MChJ korxonasiga tashrif buyurib, korxonaning texnologik jarayonlari, mahsulot turlari va ishlab chiqarish imkoniyatlari bilan yaqindan tanishdilar.

➡️ Ishlab chiqarish va mahsulot assortimenti

➡️ Bugungi kunda 50 nafardan ortiq xodim faoliyat yuritayotgan ushbu korxonada quyidagi yo‘nalishlarda zamonaviy mahsulotlar ishlab chiqarilmoqda:

✅ sanoat boshqaruv panellari;

✅ konditsioner boshqaruv modullari;

✅ havoni tozalovchi uskunalar;

✅ temir yo‘llarni boshqarish qurilmalari;

✅ quvvat rostlagichlar.

➡️ Korxona tomonidan ishlab chiqarilgan mahsulotlar hozirda “O‘zbekiston temir yo‘llari” AJ, “Toshkent metropoliteni” DUK kabi yirik tashkilotlarga yetkazib berilmoqda. 2024-yil yakuniga qadar “Zarafshon” brendi ostida 400 dona turli xil qurilma va tizimlar ishlab chiqarilgan.

➡️ Hamkorlik istiqbollari va qo‘llab-quvvatlash

➡️ Tashrif davomida uyushma mas’ullari korxona mutasaddilari bilan birgalikda sohadagi amaldagi qonunchilik yangiliklari, mavjud imkoniyatlar va kelgusidagi hamkorlik istiqbollarini muhokama qildilar. Tashrif jarayonida korxona rahbariyati o‘zlarini qiynayotgan dolzarb masalalarni ko‘tarib o‘tdi. Uyushma vakillari esa mazkur muammolarni hal etishda amaliy yordam ko‘rsatishga tayyor ekanliklarini bildirdilar.

➡️ Yangi hamkorlik yo‘nalishlari muhokama qilindi

➡️ Korxonaning yaqin istiqboldagi rejalaridan biri sifatida yangi mahsulot turlarini o‘zlashtirish va boshqa yirik tarmoqlar bilan kooperatsiya aloqalarini yo‘lga qo‘yish belgilangan. Jumladan, Tog‘-kon va geologiya vazirligi tizimidagi:

✅ “Olmaliq kon-metallurgiya kombinati” AJ,

✅ “Navoiy kon-metallurgiya kombinati” AJ,

✅ “Navoiyuran” davlat korxonasi
bilan hamkorlik masalalari muhokama qilindi.

➡️ “Mikroelektronika Plyus” korxonasi — texnik mahsulotlar bozorida innovatsion yechimlar taklif etayotgan mahalliy ishlab chiqaruvchilardan biri bo‘lib, uning faoliyati elektrotexnika sanoatining barqaror rivojlanishiga hissa qo‘shmoqda.

🌐 UZELTEXSANOAT | Telegram