➡️ #Kooperatsiya #Dongfang

⚡️ Xitoyning yirik energetika investori “Dongfang Electrical Corporation” vakillari bilan navbatdagi uchrashuvlar bo‘lib o‘tdi

➡️ Bugun, “O‘zeltexsanoat” uyushmasi mas'ullari tashabbusi bilan “Uzkabel” AJ va “Procab” MCHJ QK korxonalarida Xitoyning “Dongfang Electrical Corporation” kompaniyasining MDH (MDH – Mustaqil Davlatlar Hamdo‘stligi) bo‘yicha vakili janob Wu Hao ishtirokida navbatdagi uchrashuvlar tashkil etildi.

🔹 “Dongfang Electrical Corporation” – xalqaro miqyosda tan olingan, energetika infratuzilmasini barpo etishga ixtisoslashgan yirik kompaniya bo‘lib, bugungi kunda Masdar, ACWA Power, China Datang, China Huadian Overseas kabi global miqyosdagi investorlarga Bosh pudratchi sifatida xizmat ko‘rsatmoqda.

➡️ Uchrashuv davomida kompaniya tomonidan O‘zbekiston hududida amalga oshirilayotgan va rejalashtirilayotgan qator strategik loyihalar muhokama qilindi. Jumladan:

✅ Toshkent viloyati, Bo‘ka tumanida quvvati 320 MW bo‘lgan quyosh elektr stansiyasi qurilishi;

✅ Qashqadaryo viloyati, G‘uzor tumanida 300 MW quvvatdagi quyosh elektr stansiyasi loyihasi;

✅ Buxoro viloyati, Olot tumanida 150 MW quvvatga ega energiya saqlash tizimi;

✅ Shamol va gidro elektr stansiyalari qurilishiga oid istiqbolli loyihalar.

➡️ Uchrashuvda asosiy e’tibor mazkur loyihalarda foydalaniladigan kabel-sim mahsulotlarini O‘zbekistonning mahalliy elektrotexnika korxonalaridan kooperatsiya asosida xarid qilish masalasiga qaratildi.

➡️ Bu orqali nafaqat mahsulot yetkazib berish bo‘yicha yangi hamkorlik yo‘lga qo‘yiladi, balki elektrotexnika sanoatining salohiyati va mahalliylashtirish ko‘rsatkichlari ham sezilarli darajada oshadi.

➡️ Tomonlar o‘rtasida mahsulot turlari va texnik parametrlar yuzasidan fikr almashinuvi asosida muzokaralar olib borilib, yaqin kunlarda amaliy kelishuvlarga erishish bo‘yicha o‘zaro manfaatli takliflar bildirildi.

➡️ Xorijiy yirik kompaniyalar bilan bunday strategik aloqalar elektrotexnika sanoatining yirik loyihalarda faol ishtirokini ta’minlashga xizmat qilmoqda.

🌐 UZELTEXSANOAT | Telegram

➡️ #Project_Qatar #Doha

⚡️ Doha muzokaralari: “O‘zeltexsanoat” xalqaro savdo va eksport aloqalarini kengaytirmoqda

➡️ Bugun, 27-may kuni, Qatar davlatining Doha shahrida o‘tkazilayotgan “Project Qatar 2025” xalqaro ko‘rgazmasining ikkinchi kuni davom etmoqda. Unda “O‘zeltexsanoat” uyushmasi vakillari hamda uyushmaga a’zo elektrotexnika sanoati korxonalari faol ishtirok etmoqda.

➡️ Ko‘rgazma doirasida yurtimiz korxonalari tomonidan Arab davlatlari, Janubiy Osiyo, Yaqin Sharq va boshqa mintaqalardan tashrif buyurgan xorijiy kompaniya va tashkilotlar vakillari bilan muzokaralar olib borilmoqda.

➡️ Ushbu muloqotlarda o‘zaro hamkorlikni rivojlantirish, savdo aloqalarini yo‘lga qo‘yish, qo‘shma investitsion loyihalarni amalga oshirish, eksport yo‘nalishlarini kengaytirish bo‘yicha fikrlar almashilmoqda.

➡️ Ayni paytda “Made in Uzbekistan” brendi ostidagi markazlashgan stendda qatnashayotgan korxonalar o‘z mahsulotlari va texnologik imkoniyatlari haqida xorijiy mehmonlarga batafsil ma’lumot bermoqda.

➡️ Mahsulotlarning texnik sifati, innovatsion yechimlar va xalqaro standartlarga mosligi tashrif buyuruvchilar tomonidan yuqori baholanmoqda.

➡️ Mazkur tadbir davomida olib borilayotgan muzokaralar yaqin kunlarda amaliy natijalar bilan yakun topishi, xalqaro hamkorlik doirasining kengayishi va elektrotexnika sanoatining global maydondagi mavqeini mustahkamlashiga xizmat qilishi kutilmoqda.

➡️ Ko‘rgazmaga oid muhim yangiliklar va hamkorlik tashabbuslari yuzasidan sahifamiz orqali muntazam ravishda xabardor qilib boramiz.

🌐 UZELTEXSANOAT | Telegram

➡️ #Eltech_Malaka

⚡️ "Eltech-malaka" o‘quv markazida quyosh fotoelektrik stansiyalariga xizmat ko‘rsatish bo‘yicha o'quv mashg‘ulotlari qizg‘in davom etmoqda

➡️ “O‘zeltexsanoat” uyushmasi huzuridagi “Eltech-malaka” o‘quv markazida quyosh fotoelektrik stansiyalariga texnik xizmat ko‘rsatish bo‘yicha tashkil etilgan o‘quv kurslarining navbatdagi guruhi o‘quv jarayonlarini davom ettirmoqda.

➡️ Mazkur kurslar mamlakatimizda qayta tiklanuvchi energiya manbalaridan foydalanish ommalashib borayotgan bir davrida muhim ahamiyat kasb etadi. O‘quv mashg‘ulotlari malakali o‘qituvchi va mutaxassislar tomonidan zamonaviy metodikalar asosida olib borilmoqda.

➡️ Darslar onlayn va offlayn shakllarda tashkil etilib, nazariy bilimlar bilan bir qatorda amaliy ko‘nikmalar ham chuqurlashtirib o‘rgatilmoqda.

➡️ Amaliyot mashg‘ulotlarida ishtirokchilarga quyosh panellarini o‘rnatish, ularga texnik xizmat ko‘rsatish, monitoring qilish, nosozliklarni aniqlash va bartaraf etish kabi ko‘nikmalar singdirilmoqda.

➡️ Tinglovchilar real texnologiya va asbob-uskunalar bilan ishlash imkoniyatiga ega bo‘lib, kurs yakunida ularning kasbiy salohiyatini tasdiqlovchi maxsus sertifikat taqdim etiladi.

➡️ Keyingi guruh uchun o‘quv kurslari tashkil etilishi rejalashtirilgan bo‘lib, ushbu yo‘nalishda bilim va ko‘nikma orttirishni istagan barcha ishtirok etishi mumkin.

📍 Manzil: Toshkent shahri, Shayxontohur tumani, Ko‘kcha darvoza ko‘chasi, 10-uy
📞 Telefon: +99890-964-01-97
📧 Email: s.ulashov@uzeltexsanoat.uz

Quyosh energetikasi bo‘yicha yetuk mutaxassis bo‘lish sari ilk qadamingizni bugunoq tashlang!

🌐 UZELTEXSANOAT | Telegram