➡️ #TCG #Xitoy

⚡️ "Techno Cable Group" korxonasi Xitoy kompaniyalari bilan $70 mln dollarlik kelishuv imzoladi

➡️ Ayni kunlarda Davlatimiz rahbarining Xitoyga davlat tashrifi munosabati bilan o'zbek-xitoy ishbilarmon doiralari ishtirokida turli uchrashuv va muzokaralar bo'lib o'tmoqda.

➡️ "O'zeltexsanoat" uyushmasiga a'zo "Techno Cable Group" kompaniyasi vakillari ham Xitoy kompaniyalari bilan muzokaralarda ishtirok etib, bir qator yutuqlarga erishdi. Xususan, Xitoyning yirik kompaniyalari tomonidan O‘zbekiston Respublikasi hududida amalga oshirilayotgan energetika sohasidagi investitsiya loyihalari uchun zamonaviy kabel mahsulotlari yetkazib berish bo‘yicha umumiy qiymati $70 mln dollarlik kelishuv imzolandi.

➡️ Mazkur kelishuv natijasida Xitoylik kompaniyalar tomonidan respublikamizda amalga oshiriladigan loyihalar doirasida importni kamaytirilishiga va mahalliy korxonalar bilan kooperatsiya aloqalarini rivojlantirilishiga erishiladi.

➡️ Korxonada bugungi kunda 2000 turdagi kabel-sim mahsulotlari ishlab chiqariladi. 300 nafar xodim doimiy ish bilan ta'minlangan.

➡️ 2023-yilda amalga oshirilgan 15 mlrd so'mlik loyihalar natijasida 10-35 kV yuqori kuchlanishli kabel mahsulotlarini ishlab chiqarish yo'lga qo'yildi.

➡️ 2024-yilda ham korxona yangi investitsiya loyihalari asosida yangi ishlab chiqarish liniyalarini ishga tushirish bo'yicha ishlarni boshlab yuborgan. Xususan, yangi quvvatlar uchun binolar qurilib, xorijdan zamonaviy texnologiyalarni olib kelish va jihozlash ishlari olib borilmoqda. Ushbu loyihalar doirasida korxona yana yangi 100 nafar ishchi o'rni yaratishni rejalashtirmoqda.

➡️ Korxona bugungi kunda asosan, Turkiya, Gruziya, Markaziy Osiyo davlatlariga mahsulot eksport qilib kelmoqda. Joriy yilda ham eksport geografiyasini kengaytirish bo'yicha korxonaning istiqbolli rejalari mavjud.

📝Fb 📝 Tg 💻 In 🎞 Tube 🕊 Tw

➡️ #TCG #investitsiya #kabel

⚡️"TCG" kompaniyasida yangi turdagi kabel-sim mahsulotlari ishlab chiqarila boshlandi

➡️Yangi turdagi kabel-sim mahsulotlari ishlab chiqarish boshlanishi munosabati bilan kuni kecha "O'zeltexsanoat" uyushmasiga a'zo "Techno Cable Group" (TCG) kompaniyasida ochiq eshiklar kuni bo'lib o'tdi.

➡️Ushbu tadbirda vazirliklar, davlat tashkilotlari, energetika sohasidagi loyihalar tashabbuskorlari, xorijiy va mahalliy korxonalar vakillari ishtirok etdilar.

➡️"TCG" kompaniyasi va xorijiy hamkorlarning so'nggi 18 oy davomidagi izlanishlari va mehnati natijasida bugun mazkur kompaniyada Yevropa standartlariga (IEC) to'liq javob beradigan zamonaviy-yuqori kuchlanishli, issiqlikka chidamli va ko'p funksiyali optik kabellarning yangi turlari ishlab chiqarila boshlandi.

➡️Bunda "TCG" kompaniyasi Rossiyaning «Людиновокабель» va «Инкаб» kompaniyalari bilan yaqindan hamkorlik qildi.

➡️Bugungi ochiq eshiklar kunida ishtirokchilarga "TCG" kompaniyasining yangi ishlab chiqarish liniyalari, korxonadagi o'zgarishlar va yangi turdagi kabellarning ahamiyati xususida ma'lumotlar berildi.

➡️Qiziqarli jihati shundaki, yangi o'zlashtirilgan kabel-sim mahsulotlari bugungi kunda MDH doirasida faqatgina 3 ta davlatda ishlab chiqariladi. Bular qatoriga endi O'zbekiston ham qo'shildi.

📝Fb 📝 Tg 💻 In 🎞 Tube 🕊 Tw