#forum #sankt_peterburg #rossiya

🇷🇺SANKT-PETERBURG SHAHRIDA "ROSSIYA SANOATCHISI" XALQARO FORUM-KO'RGAZMASI BO‘LIB O‘TMOQDA

⚙️Ayni paytda Rossiyaning Sankt-Peterburg shahrida mahalliy kompaniyalarning eng so'nggi innovatsiyalarini taqdim etuvchi "Rossiya sanoatchisi" xalqaro forum-ko'rgazmasi o’z ishini boshladi.

➡️Forum “Barqarorlik va rivojlanish: asosiy texnologiyalar, davlatning roli, sanoat uchun kadrlar, xalqaro hamkorlikning yangi konturlari" mavzusida bo‘lib o‘tmoqda.

➡️Unda yirik kompaniya vakillari, soha mutaxassislari, shuningdek davlat korporatsiyalari va sanoat korxonalari, mahalliy ishlab chiqaruvchilar va xaridorlar, turli mamlakatlardan kelgan tashkilot vakillari ishtirok etmoqda.

➡️Jumladan, “O‘zeltexsanoat” uyushmasi raisi o‘rinbosari J.Jamalov va "Ohangaron Tech Industrial" texnoparki direktori J.Hidoyatovlar ham ishtirok etib, Rossiyaning mahalliy ishlab chiqaruvchilari va xaridorlari bilan to‘g‘ridan-to‘g‘ri muzokaralar olib bormoqda. Rossiyalik tadbirkorlarni O‘zbekistonga jalb etish bo‘yicha ikki tomonlama uchrashuvlar ham tashkil etilmoqda.

✅Forum 30-noyabrgacha davom etadi.

📝Fb 📝 Tg 💻 In 🎞 Tube 🕊 Tw

#forum #sankt_peterburg #rossiya

🇷🇺"ROSSIYA SANOATCHISI" XALQARO FORUM SESSIYALARI BO’LIB O’TMOQDA

⚙️Avval xabar berganimizdek, Rossiyaning Sankt-Peterburg shahrida mahalliy kompaniyalarning eng so'nggi innovatsiyalarini taqdim etuvchi "Rossiya sanoatchisi" xalqaro forum-ko'rgazmasi o’z ishini boshlagan edi.

➡️Forumda 140 dan ortiq turli formatdagi uchrashuv, plenar sessiya va ochiq majlislar o’tkazish belgilangan.

➡️Unda O’zbekiston tomonidan “O‘zeltexsanoat” uyushmasi raisi o‘rinbosari J.Jamalov va "Ohangaron Tech Industrial" texnoparki direktori J.Hidoyatovlar ham ishtirok etib, elektrotexnika va elektronika sanoatida hamkorlik masalalari, tajriba almashuv va sohadagi ilg’or texnologiyalar yuzasidan plenar sessiyalarda o’zaro fikr almashmoqdalar.

➡️Forum 30-noyabrgacha davom etadi.

📝Fb 📝 Tg 💻 In 🎞 Tube 🕊 Tw

#forum #samarqand #belarus #hamkorlik

🇺🇿🇧🇾Samarqandda Belarus va O‘zbekiston o‘rtasidagi ikki tomonlama hamkorlik bo‘yicha Hukumatlararo qo‘shma komissiya yig‘ilishi, shuningdek, Oʻzbekiston-Belarus biznes forumi bo'lib o'tdi

➡️Yuzdan ortiq kompaniya o'z yutuqlarini taqdim etgan ushbu forumda “O’zeltexsanoat” uyushmasi va unga a’zo korxona vakillari ham ishtirok etdi.

🇧🇾Bosh vazir Roman Golovchenko boshchiligidagi Belarusь Respublikasi delegatsiyasining mamlakatimizga tashrifi doirasida o‘tkazilgan ushbu tadbirlar mamlakatlarimiz iqtisodiy salohiyati va ko‘p qirrali o‘zaro hamkorligi ko‘lamini yaqqol namoyon etdi.

🤝B2B formatdagi muloqot chog‘ida ikki mamlakat ishbilarmonlari o‘rtasidagi hamkorlikning ustuvor yo‘nalishlari sifatida elektrotexnika sanoati ham sanab o‘tildi. Uyushma mas’ul xodimlari bir qator Belarus kompaniyalari bilan muzokara olib bordilar. Bu uchrashuvlar ikki tomon biznes vakillariga o‘z mahsulot va xizmatlarini namoyish etish, eksport salohiyati va hamkorlikning ustuvor yo‘nalishlari yuzasidan fikr almashish imkonini yaratdi.

📝Fb 📝 Tg 💻 In 🎞 Tube 🕊 Tw

#forum #belarus #hamkorlik

🇺🇿🇧🇾Bugun Toshkent shahrida O‘zbekiston va Belarus hududlararo ikkinchi forumi boʻlib oʻtdi.

➡️Ikki davlat delegatsiyalariga Oʻzbekiston Respublikasi Bosh vaziri oʻrinbosari Jamshid Xodjaev va Belarus Respublikasi Bosh vaziri oʻrinbosari Leonid Zayats boshchilik qildi.

➡️Forumda talab yuqori boʻlgan mahsulotlar ishlab chiqarish va yangi istiqbolli bozorlarni oʻzlashtirishga qaratilgan ikki mamlakat hududlari oʻrtasida sarmoyaviy hamkorlik va savdo aloqalarini rivojlantirish muhimligi taʼkidlandi.

➡️O‘zaro tashriflar, investitsiya forumlari, ko‘rgazmalar, ishbilarmonlar uchrashuvlari, savdo uylari tashkil etish, iqtisodiyotning turli sohalarida hamkorlikni rivojlantirish muhimligi qayd etildi.

➡️Tadbir yakunlari bo‘yicha ikki mamlakat hududlarining O‘zaro tashriflari jadvali, hududiy hamkorlikni rivojlantirish bo‘yicha qator ikki tomonlama kelishuvlar, shuningdek, mustahkam sarmoyaviy bitimlar va savdo shartnomalari to‘plami qabul qilindi.

📝Fb 📝 Tg 💻 In 🎞 Tube 🕊 Tw