#elektrotexnika #ishchi_guruh #qaror

Elektrotexnika bo‘yicha Ishchi guruh rahbari “O‘zeltexsanoat” uyushmasi faoliyati bilan tanishdi

➡️Bugun Iqtisodiyot va moliya vazirining o‘rinbosari, Elektrotexnika sanoatini rivojlantirishga ko‘maklashish bo‘yicha Ishchi guruhi rahbari Axadbek Xaydarov “O‘zeltexsanoat” uyushmasiga tashrif buyurib, bu yerda amalga oshirilayotgan faoliyatlar bilan yaqindan tanishdi.

➡️Uchrashuv davomida Davlatimiz rahbarining 2024 yil 10 yanvardagi “Elektrotexnika sanoatining ishlab chiqarish va eksport salohiyatini yanada oshirishga doir qo‘shimcha chora-tadbirlar to‘g‘risida”gi PQ–15-son qarorida belgilangan vazifalar ijrosini ta'minlash, ularni amalga oshirish mexanizmi va boshqa muhim topshiriqlar muhokama qilindi.

➡️Shuningdek, Uyushma huzurida tashkil etilgan “Eltech-Lab» MChJ sinov laboratoriyasi faoliyati ham ko‘zdan kechirildi. Bu yerda hozir kabel-sim mahsulotlarining alanga tarqalishini baholash, undan ajralib chiqadigan zaharli moddalar zichligi va galogen kislotalar miqdorini aniqlash kabi 50 dan ortiq ko‘rsatkich bo‘yicha turli sinovlar o‘tkazilmoqda.

➡️Shu bilan birga, Ishchi guruh rahbari elektrotexnika sanoati korxonalari malakasini oshirish va baholash bo‘yicha “Eltech-Malaka” o‘quv markazi hamda Loyihalash va injiniring markazi — «Eltexenergoloyiha» faoliyati bilan ham yaqindan tanishib, uni sifat jihatidan yaxshilash bo‘yicha ko‘rsatma va tavsiyalar berdi.

📝Fb 📝 Tg 💻 In 🎞 Tube 🕊 Tw