#yangi_loyiha #mahalliylashtirish #Yevropa_standarti #TEXNOPARK

⚡️“TEXNOPARK”da yangi avlod kir yuvish mashinalarining texnik sinoviga Yevropalik muhandis-texnologlar jalb etilgan

➡️Ayni paytda "O'zeltexsanoat" uyushmasi mazkur yangi loyiha doirasida “TEXNOPARK” mutaxassislari hamda Italiyaning “SPM” kompaniyasi muhandislari bilan hamkorlikda yakuniy texnik sinov jarayonlarini o‘tkazmoqda.

➡️Jumladan, yangi modelning transportirovka, tushirish (drop test), vibratsiya, stabilizatsiya (taxlash) va iqlim sharoitlariga mosligini aniqlovchi kompleks texnik sinovlar bosqichma-bosqich olib borilmoqda.

➡️Yangi model yuqori darajada mahalliylashtirilgani bilan ajralib turadi. Bu esa sifatli va xavfsiz bo‘lgan mahsulotni nisbatan past narxda ishlab chiqarish imkonini beradi. Shu bilan birga, xalqaro tajribaga ega muhandislar bilan birgalikda ishlash jarayoni mahalliy mutaxassislar uchun katta amaliy tajriba maktabiga aylangan.

➡️Yaratilayotgan "Artel" brendi ostidagi yangi kir yuvish mashinasi 6-9 kilogramm yuk sig‘imiga, 11 ta asosiy va 6 ta qo‘shimcha yuvish rejimiga ega bo‘lib, unda par bilan yuvish funksiyasi, chaqaloqlar kiyimini yuvish uchun maxsus rejim va ergonomik boshqaruv paneli mavjud. Baraban dizayni esa “Pearl” (marvarid) uslubida ishlab chiqilgan bo‘lib, turli o‘lchamdagi silliq yoysimon elementlar yordamida kiyimlarga yumshoq va ehtiyotkor muomala qilinishini ta’minlaydi.

➡️Umuman olganda, “TEXNOPARK”da yaratilayotgan yangi turdagi kir yuvish mashinasi Yevropa texnologiyasi va Sharq ergonomikasining uyg‘unlashuvi natijasi bo‘lib, mahalliy bozorda ham, xalqaro maydonda ham raqobatbardosh mahsulot sifatida baholanishi kutilmoqda.

➡️Bu haqda batafsil ma’lumotni Italiyaning “SPM” kompaniyasi prezidenti Ennio Sartor bilan tashkil etilgan intervyu orqali bilib olishingiz mumkin.

🌐 UZELTEXSANOAT | Telegram

➡️ #Eltech_Malaka

⚡️ "Eltech-malaka" o‘quv markazida kechki kurslar uchun tinglovchilar qabuli boshlanmoqda

➡️ Ayni paytda “O‘zeltexsanoat” uyushmasi huzuridagi “Eltech-malaka” o‘quv markazida quyosh fotoelektrik stansiyalariga texnik xizmat ko‘rsatish bo‘yicha 30-iyun kuni boshlangan navbatdagi guruhning o‘quv jarayonlari qizg'in davom etmoqda.

➡️ O‘quv mashg‘ulotlari malakali o‘qituvchi va mutaxassislar tomonidan zamonaviy metodikalar asosida olib borilmoqda.

➡️ Ko'p sonli qiziquvchilarning taklif va istaklariga asosan endilikda ushbu kurslarni kechki soatlarda ham davom ettirish mumkin.

➡️ Keyingi mashg'ulotlarga 14-iyul kuni start beriladi.

➡️Eslatib o'tamiz, shu kungacha ushbu kursda 160 nafar tinglovchilarga malaka sertifikati berilgan.

📍 Manzil: Toshkent shahri, Shayxontohur tumani, Ko‘kcha darvoza ko‘chasi, 10-uy
📞 Telefon: +99890-964-01-97
📱 https://t.me/ulashovsobir

‼️Quyosh energetikasi bo‘yicha yetuk mutaxassis bo‘lish sari ilk qadamingizni bugunoq boshlang!

🌐 UZELTEXSANOAT | Telegram

➡️ #kun_hikmati #iqtibos



Baxtli bo‘lish uchun sabab izlama. Baxtli bo‘l, keyin sabablar o‘zi keladi.

ESTHER HICKS

🌐 UZELTEXSANOAT | Telegram

➡️ #london_metall_birjasi

📊 03-iyul kuni bo'yicha jahon bozoridagi rangli metallar savdosiga oid statistik ma'lumotlar bilan tanishing.

⚡️ Ma'lumotlar LONDON metall birjasi va investing.com platformasi ko'rsatkichlariga asosan tayyorlandi.

🌐 UZELTEXSANOAT | Telegram

➡️ #IFA_Berlin_2025

⚡️Elektrotexnika sanoati korxonalari diqqatiga!

➡️ 2025-yil 5–9-sentabr kunlari Germaniyaning Berlin shahrida dunyodagi eng yirik maishiy texnika ko‘rgazmasi — IFA Berlin 2025 bo‘lib o‘tadi.

➡️ IFA — bu har yili 200 000 dan ortiq tashrif buyuruvchilar, 2 000 dan ziyod kompaniyalar ishtirok etadigan, global darajadagi №1 texnologik tadbir hisoblanadi.

➡️ Mazkur nufuzli tadbirda “Made in Uzbekistan” brendi ostida markazlashgan milliy stend tashkil etilib, elektrotexnika sanoatining yetakchi korxonalari ishtirok etishi rejalashtirilmoqda.

➡️ O‘z mahsulotlaringizni jahon bozoriga olib chiqish va yangi hamkorliklar aloqalarini o‘rnatish uchun ushbu ko‘rgazmada ishtirok etish imkoniyatini boy bermang!

➡️ Ishtirok etish bo‘yicha murojaat uchun:
+99897-700-50-00 | +99871-207-44-66 (711)

🌐 Ko'rgazma rasmiy veb-sayti: www.ifa-berlin.com

🌐 UZELTEXSANOAT | Telegram

➡️ #Yashil_belgi

⚡️ “Yashil” davlat xaridlarini qoʻllab-quvvatlash tizimi takomillashtiriladi

➡️ “Yashil” davlat xaridlarini qoʻllab-quvvatlash tizimini takomillashtirish chora-tadbirlari toʻgʻrisida”gi Hukumat qarori (371-son, 18.06.2025 y.) qabul qilindi.

➡️ Qarorga koʻra, davlat xaridlarini amalga oshirishda "yashil" davlat xaridlari tizimi joriy etiladi hamda "yashil" davlat xaridlari ulushi 2030-yilgacha bosqichma-bosqich 30 foizga yetkaziladi.

➡️ 2026-yil 1-yanvardan davlat xaridlarini amalga oshirishda ekologik mezonlar eng yaxshi takliflarni tanlash va tenderlardagi xarid qilish hujjatlariga majburiy tartibda kiritiladi.

➡️ Bunda:

✅ ekologik markirovkalash hujjatining har bir turi uchun toʻplangan ballarning 5 foizi miqdorida qoʻshimcha ball beriladi;

✅ ishtirokchi taklifining ushbu mezonlarga mos kelmasligi ishtirokchini xarid qilish tartib-taomilidan chetlatish uchun asos boʻlmaydi.

➡️Bundan tashqari, davlat buyurtmachilarining 2026-yil uchun davlat xaridi bilan bogʻliq xarajatlarda “yashil” davlat xaridlari ulushini kamida 15 foizga yetkazishi, ushbu koʻrsatkichni har yili kamida 5 foizga oshirib borish boʻyicha choralar koʻrishi belgilandi.

Manba

🌐 UZELTEXSANOAT | Telegram

➡️ #Qaror_muhokamasi

⚡️ Soliq qo‘mitasida qaror talablari bo‘yicha amaliy uchrashuv o‘tkazildi

➡️ “O‘zeltexsanoat” uyushmasi tashabbusi bilan Davlat soliq qo‘mitasida navbatdagi amaliy uchrashuv bo‘lib o‘tdi. Tadbirda qo‘mita vakillari bilan birgalikda uyushmaga a’zo yirik elektrotexnika ishlab chiqaruvchilari — “Artel Electronics Manufacturing” va TEXNOPARK korxonalarining vakillari ishtirok etdi.

➡️ Uchrashuv davomida Vazirlar Mahkamasining 2025-yil 28-apreldagi 263-sonli qarori — “Mahsulotlar (tovarlar va xizmatlar) yagona elektron milliy katalogini yuritish hamda undan foydalanish tartibi to‘g‘risidagi nizomni tasdiqlash haqida”gi hujjat talablari muhokama qilindi.

➡️ Shuningdek, yig‘ilish davomida bojxona yuk deklaratsiyalarini rasmiylashtirishda mahsulotlarning identifikatsion kodi asosida aniqlash mexanizmlari Soliq qo‘mitasi mutasaddilari tomonidan korxona vakillariga batafsil tushuntirib berildi.

➡️ Tadbir doirasida ishlab chiqaruvchilar o‘zlarining amaliy savollarini berdi, mavjud muammolar va yechimlar muhokama qilindi. Qaror ijrosini to‘g‘ri tashkil etish, imtiyozlardan to‘liq foydalanish bo‘yicha zarur tavsiyalar taqdim etildi.

➡️ Ushbu uchrashuv elektrotexnika sanoatida mahalliylashtirishni jadallashtirish va soliq-boshqaruv tizimidagi yangi mexanizmlarni ishlab chiqaruvchilarga samarali tushuntirish yo‘lida muhim bosqich bo‘ldi.

🌐 UZELTEXSANOAT | Telegram

➡️ #kun_hikmati #iqtibos



Hayotingizning eng muhim qarori – nimaga e’tibor berishni tanlashingizdir.

MARK MENSON

🌐 UZELTEXSANOAT | Telegram

➡️ #london_metall_birjasi

📊 06-iyul kuni bo'yicha jahon bozoridagi rangli metallar savdosiga oid statistik ma'lumotlar bilan tanishing.

⚡️ Ma'lumotlar LONDON metall birjasi va investing.com platformasi ko'rsatkichlariga asosan tayyorlandi.

🌐 UZELTEXSANOAT | Telegram

➡️ #hafta_dayjesti #uzeltexsanoat

🟢 "O'zeltexsanoat" uyushmasi o'tgan hafta ichida (30-iyun - 5-iyul, 2025-yil)

➡️ "Eltechlab" laboratoriyasida o'tkazilgan kabel-sim mahsulotlari sinovi jarayonlari

➡️ "Euronews" media-xoldingining Oʻzbekistondagi vakolatxonasining tantanali ochilish marosimi

➡️ “Envision Group” bilan hamkorlik yo‘lida navbatdagi uchrashuv bo'lib o'tdi

➡️ Elektrotexnika korxonalari diqqatiga! "AQUATHERM ALMATY 2025"

➡️ “O‘zeltexsanoat” uyushmasidan yangi loyiha: Tashqi savdoda bilim va salohiyatni oshirish bo'yicha ekslyuziv o'quv dasturi tashkil etiladi

➡️ “STP Global Cable” korxonasiga tashrif: elektrotexnika sohasidagi hamkorlik amaliy bosqichda

➡️ “TEXNOPARK”da yangi avlod kir yuvish mashinalarining texnik sinoviga Yevropalik muhandis-texnologlar jalb etilgan

➡️ "Eltech-malaka" o‘quv markazida kechki kurslar uchun tinglovchilar qabuli boshlanmoqda

➡️ 2025-yil 5–9-sentabr kunlari Germaniyaning Berlin shahrida o'tkaziladigan — "IFA Berlin 2025" xalqaro ko'rgazmasida yurtimiz elektrotexnika sanoati korxonalari ishtirok etadi

➡️ “Yashil” davlat xaridlarini qoʻllab-quvvatlash tizimi takomillashtiriladi

➡️ Soliq qo‘mitasida qaror talablari bo‘yicha amaliy uchrashuv o‘tkazildi

➡️ Elektrotexnika sohasi bo’yicha Kasbiy standartlar Germaniya tajribasi asosida ishlab chiqiladi

🌐 UZELTEXSANOAT | Telegram

➡️ #YamanKoc #export

⚡️ "GO GLOBAL" - “O‘zeltexsanoat” uyushmasidan yangi loyiha: Tashqi savdoda bilim va salohiyatni oshirish imkoniyati!

➡️ Tashqi savdo, eksport yo'nalishida kadrlar malakasini oshirishni xohlovchi korxonalar diqqatiga!

➡️ “O‘zeltexsanoat” uyushmasi Turkiyaning TOP-5 talikdagi eng nufuzli konsalting kompaniyalaridan biri – “Yamankoc Danışmanlık” bilan hamkorlikda eksport yo‘nalishida zamonaviy bilim va amaliy ko‘nikmalarni beruvchi eksklyuziv o‘quv dasturini tashkil etmoqda.

➡️ Treningni kim o‘tkazadi?

➡️ Yaman Koç - Turkiyaning tashqi savdo va marketing bo‘yicha 25 yildan ortiq tajribaga ega xalqaro darajadagi ekspert. Yaman Koç Yevropa va Turkiyaning yuzlab kompaniyalari uchun tashqi savdo tahlil tizimlari, strategik rejalashtirish, bozorga chiqish modellarini yaratgan. O‘zbekistonning yirik kompaniyalari bilan ishlash tajribasiga ega.

➡️ Dastur taqvimi:

14–iyul - 01-avgustgacha – Toshkentda nazariy mashg‘ulotlar

11–15 avgust – Anqara (Turkiya) shahrida amaliyot va diplom topshirish marosimi

➡️ Dastur quyidagi asosiy bosqichlarni o‘z ichiga oladi:

Mahsulotlar va TIF TN kodlari bilan to'g'ri ishlash;

Maqsadli bozor matritsasini tuzish;

Bozorlarni saralash va aniqlashtirish;

Mijoz turlarini segmentatsiya qilish;

Mijozlar bazasini tuzish va tahlil qilish;

Raqobatchilarni aniqlash va baholash;

Eksport strategiyasini ishlab chiqish.

➡️ Batafsil ma’lumot: yamankoc.com

☺️ Qo`shimcha malumotlar uchun quyidagi raqamlarga murojaat qilishingiz mumkin:
+99897-744-22-44 | +99871-207-44-66 (711)

‼️ Ishtirokchilar soni cheklangan! Ro'yxatdan o'tishning so'ngi kuni 10-iyul. Dasturda ishtirok etishni istagan korxonalar imkon qadar ertaroq ro‘yxatdan o‘tishlari tavsiya etiladi.

📍 Manzil: “O‘zeltexsanoat” uyushmasi binosi, 3-qavat, Eltech malaka o'quv markazi. (geolokatsiya)

🟢 Eslab qoling: bilimli va strategik fikrlovchi kadr – har qanday kompaniya muvaffaqiyatining kalitidir.
Eksportda raqobatbardosh bo‘lish uchun birinchi qadamni bugun tashlang!

🌐 UZELTEXSANOAT | Telegram

➡️ #Lifehack #export

⚡️ Elektrotexnika korxonalariga eksport faoliyatini yo‘lga qo‘yish va uni kengaytirish bo‘yicha amaliy tavsiyalar

➡️ Elektrotexnika mahsulotlarini xorijga eksport qilmoqchi yoki mavjud eksport hajmini oshirishni istayotgan korxonalar uchun bosqichma-bosqich foydali tavsiyalarni o‘z ichiga olgan "lifehack" tayyorlandi.

➡️ Ushbu yo‘l-yo‘riqlarda mahsulotni xalqaro standartlarga moslashtirishdan tortib, onlayn savdo platformalarida ishtirok etish, davlat qo‘llab-quvvatlovlaridan foydalanish va tenderlarda qatnashishgacha bo‘lgan barcha asosiy jihatlar qamrab olingan.

‼️ BATAFSIL»

🌐 UZELTEXSANOAT | Telegram