➡️ #Standart

⚡️ Milliy standart loyihasi muhokama qilindi

➡️ O‘zbekiston standartlar institutida "O'zeltexsanoat" uyushmasi mas'ul xodimlari ishtirokida "O‘zMSt ___:2025 “Maishiy va boshqa energiya iste’mol qiluvchi qurilmalar energiya samaradorligini tamg‘alash bo‘yicha umumiy talablar” milliy standarti loyihasi yuzasidan ishchi guruh yig‘ilishi bo‘lib o‘tdi.

➡️ Mazkur loyiha orqali energiya samaradorligi bo‘yicha iste’molchilarni aniqlik va ishonchlilik tamoyillariga asoslangan ma’lumotlar bilan ta’minlash, shuningdek, ishlab chiqaruvchilar uchun yagona texnik talablarga rioya etilishini ta’minlash ko‘zda tutilgan.

➡️ Yig‘ilish davomida loyihaning asosiy texnik parametrlari, hisoblash uslublari hamda tamg‘alash tartiblari batafsil ko‘rib chiqildi. Mutaxassislar tomonidan ayniqsa energiya samaradorligi belgilarining shakli, rangi va joylashuviga oid masalalar alohida muhokama qilindi.

➡️ Shu bilan birga, tamg‘alash tizimini Yevropa Ittifoqi va boshqa rivojlangan mamlakatlar amaliyoti bilan uyg‘unlashtirish yuzasidan taklif va tavsiyalar bildirildi.

➡️ Yig‘ilish ishtirokchilari ushbu standartni takomillashtirish nafaqat mahalliy darajada sifatli va samarador mahsulotlar ishlab chiqarishga, balki ularni xalqaro bozorlarga olib chiqishdagi texnik to‘siqlarni bartaraf etishga xizmat qilishini ta’kidladilar.

🌐 UZELTEXSANOAT | Telegram

➡️ #Prezident_qarori


❗️2025-yil 22-yanvarda qabul qilingan PQ-20-sonli “Elektrotexnika sanoatini rivojlantirishni yangi bosqichga olib chiqishga doir qo‘shimcha chora-tadbirlar to‘g‘risida”gi Prezident qaroriga ko'ra:

⚡️ Yuqori qo’shilgan qiymatli sanoat mahsulotlari ishlab chiqarishni rag’batlantirish uchun qulay moliyaviy sharoitlar yaratish maqsadida 2025-yil 1-fevraldan:

➡️ Korxonalarning rivojlanish va tadqiqot markazlari (R&D) faoliyatini yo’lga qo’yish uchun belgilangan tartibda shakllantiriladigan ro’yxatlar bo’yicha o’z ehtiyojlari uchun olib kelinadigan, O’zbekistan Respublikasida ishlab chiqarilmaydigan laboratoriya jihozlari va anjomlari 2028-yil 1-fevralga qadar bojxona bojidan ozod etiladi.

🌐 UZELTEXSANOAT | Telegram

➡️ #injenerlik_maktabi #Eltech_Industrial

⚡️“MIS KLASTERI” LOYIHALARI UCHUN KADRLAR TAYYORLASH MASALASI MUHOKAMA QILINDI

➡️ Ohangaron tumanidagi “Eltech-Industrial” texnoparkida ish boshlayotgan investitsiya loyihalari uchun Ohangaron shahar politexnikumi huzuridagi “Injenerlik maktablari”da yuqori malakali o’rta bo’g’in kadrlar tayyorlash masalalari yuzasidan tadbirkorlar va ta’lim muassasalari rahbarlari o’rtasida uchrashuv bo’lib o’tdi.

➡️Ta’kidlandiki, O’zbekiston Respublikasi Prezidentining 2025-yil 22-yanvarda qabul qilingan PQ-20-sonli “Elektrotexnika sanoatini rivojlantirishni yangi bosqichga olib chiqishga doir qo‘shimcha chora-tadbirlar to‘g‘risida”gi qarori bilan elektrotexnika sanoati korxonalari uchun yuqori malakali o’rta bo’g’in kadrlari hamda ishchi-mutaxassislarni tayyorlash maqsadida Jizzax va Toshkent viloyatidagi politexnikumlar huzurida “Injenerlik maktablari” tashkil etilgan edi.

➡️Toshkent viloyatidagi Ohangaron shahar politexnikumi huzurida tashkil etilgan “Injenerlik maktabi” da bugun "Mis klasteri" korxonalari uchun qanday o’rta bo’g’in kadrlariga ehtiyoj bor, ularni tayyorlash bo’yicha korxona rahbarlarining takliflari o'rtaga tashlandi.

➡️Tashkil etilgan yangi yo’nalishlar bo’yicha va o’quv dasturlari yuzasidan ham fikr-mulohazalar bildirildi. Asosan kabel-sim, maishiy texnika, misni qayta ishlash yo’nalishlarida zamonaviy kadrlarga bo’lgan talab va ehtiyoj inobatga olinishi alohida ta’kidlandi.

🌐 UZELTEXSANOAT | Telegram

➡️ #kun_hikmati #iqtibos



Har qanday murakkab ish — bir vaqtlar boshlashga jur’at etilgan oddiy ish edi.

AMELIYA ERXART

🌐 UZELTEXSANOAT | Telegram

➡️ #london_metall_birjasi

📊 29-iyun kuni bo'yicha jahon bozoridagi rangli metallar savdosiga oid statistik ma'lumotlar bilan tanishing.

⚡️ Ma'lumotlar LONDON metall birjasi va investing.com platformasi ko'rsatkichlariga asosan tayyorlandi.

🌐 UZELTEXSANOAT | Telegram

➡️ #Yoshlar_kuni

⚡️ Hurmatli yoshlar!

O'zbekiston elektrotexnika sanoati korxonalari uyushmasi jamoasi nomidan sizlarni 30-iyun — Yoshlar kuni bayrami bilan samimiy muborakbod etamiz!

Yoshlar — har bir jamiyatning kuchi, yangilanishi va taraqqiyotining asosidir. Bugun yurtimiz yoshlari ilm-fan, innovatsiya, sanoat va boshqa sohalarda faol ishtirok etib, O‘zbekiston kelajagini barpo etishda muhim o‘rin tutmoqda.

Yangi yutuqlarga intilayotgan, ezgu maqsadlar sari qat’iyat bilan harakat qilayotgan barcha yoshlarimizga mustahkam sog‘lik, ilm va ijod yo‘lida omad tilaymiz!

Yoshligingiz quvonch, muvaffaqiyat va orzu-umidlar bilan to‘lsin!

Yoshlar kuni muborak bo‘lsin!

🌐 UZELTEXSANOAT | Telegram

➡️ #hafta_dayjesti #uzeltexsanoat

🟢 "O'zeltexsanoat" uyushmasi o'tgan hafta ichida (23-28-iyun, 2025-yil)

➡️ O‘zbekiston–Mongoliya biznes-forumi: elektrotexnika sanoatida hamkorlik istiqbollari muhokama qilindi

➡️ “O‘zeltexsanoat” uyushmasi va “Gerege Systems” kompaniyasi o‘rtasida hamkorlik memorandumi imzolandi

➡️ Yangi induksion elektr isitish radiatorlari ishlab chiqarish loyihasi o'rganildi

➡️ Elektrotexnika korxonalari diqqatiga! "AQUATHERM ALMATY 2025" xalqaro ko'rgazmasi bo'lib o'tadi

➡️ "O‘zeltexsanoat" uyushmasida matbuot xodimlari ishtirokida uchrashuv tashkil etildi

➡️ “Eltech-Malaka” MCHJ menejment tizimlarini sertifikatlash bo‘yicha faoliyat yurituvchi tashkilot sifatida “Akkreditatsiya markazi” tomonidan xalqaro ISO standartlariga muvofiq deb topildi

➡️ Milliy standart loyihasi muhokama qilindi

➡️ "Mis klasteri" loyihalari uchun kadrlar tayyorlash muhokamasi bo'lib o'tdi

🌐 UZELTEXSANOAT | Telegram

➡️ #Eltechlab #kabel

⚡️ "Eltechlab" laboratoriyasida kabel-sim mahsulotlari sinovdan o'tkazilmoqda

➡️ "O'zeltexsanoat" uyushmasi huzuridagi "Eltechlab" laboratoriyasida kabel-sim mahsulotlarining tarkibi, yong'inga chidamliligi va boshqa jihatlar bo'yicha sinovdan o'tkazish jarayonlari muntazam olib borilmoqda.

➡️ Bugun 30-iyun kuni ham laboratoriyada navbatdagi kabel-sim mahsulotlarining sinovlari bo'lib o'tdi.

➡️ Jarayonlarga oid videotasvirlarni mazkur videokontent orqali e'tiboringizga havola etamiz.

🌐 UZELTEXSANOAT | Telegram

#euro_news #nocomment

Bugun InterContinental mehmonxonasida "Euronews" media-xoldingining Oʻzbekistondagi vakolatxonasining tantanali ochilish marosimi boʻlib oʻtdi.

Qisqacha ushbu 👆🏻nocomment lavhada

🌐 UZELTEXSANOAT | Telegram

➡️ #kun_hikmati #iqtibos



Aql bilan ishlovchi odam mehnatdan qochmaydi, lekin harakatni maqsadsiz qilmaydi.

SENEKA

🌐 UZELTEXSANOAT | Telegram

➡️ #london_metall_birjasi

📊 30-iyun kuni bo'yicha jahon bozoridagi rangli metallar savdosiga oid statistik ma'lumotlar bilan tanishing.

⚡️ Ma'lumotlar LONDON metall birjasi va investing.com platformasi ko'rsatkichlariga asosan tayyorlandi.

🌐 UZELTEXSANOAT | Telegram

➡️ #Envision_Group

⚡️ “Envision Group” bilan hamkorlik yo‘lida navbatdagi uchrashuv bo'lib o'tdi

➡️ 2025-yil 30-iyun kuni "O‘zeltexsanoat" uyushmasida Xitoyning muqobil energetika yo‘nalishida yetakchi kompaniyalaridan biri — “Envision Group” vakillari bilan navbatdagi muloqot bo‘lib o‘tdi.

➡️ Uchrashuvda “O‘zeltexsanoat” uyushmasi raisi o‘rinbosari Jahongir Jamalov, "Envision Group" kompaniyasining Markaziy Osiyo bo'yicha menejeri Yevgeniy Tipakov, ushbu kompaniyaning O‘zbekistondagi mahalliy hamkori — “Solar Nature” korxonasi rahbari Farrux Asralxodjayev hamda boshqalar ishtirok etdi.

➡️ Suhbat davomida mehmonlar O‘zbekistondagi mavjud vaziyat, ichki bozor salohiyati va litiy-ion batareyalarni mahalliylashtirish borasida hukumat tomonidan yaratilgan sharoitlar bilan tanishtirildi.

➡️ Tomonlar energiya saqlash tizimlari (BESS) bo‘yicha hamkorlik istiqbollarini yana bir bor muhokama qilib, "O‘zeltexsanoat" uyushmasi tomonidan zarur texnik va iqtisodiy ma’lumotlarni taqdim etishga, shuningdek, kelgusida qo‘shma korxona tashkil etish bo‘yicha kelishuvga erishildi.

➡️ Mazkur uchrashuv O‘zbekistonda yashil energetika, texnologik yangilanish va sanoatni mahalliylashtirish yo‘lida yana bir muhim strategik qadam sifatida e’tirof etilmoqda.

➡️ Ma’lumot uchun: “Envision Group” — xalqaro darajadagi aqlli energiya texnologiyalari va barqaror energetika yechimlariga ixtisoslashgan yetakchi kompaniyalardan biridir.

🇷🇺 Рус 🇬🇧 En

🌐 UZELTEXSANOAT | Telegram

➡️ #Aquatherm #Almaty

⚡️ Elektrotexnika korxonalari diqqatiga! "AQUATHERM ALMATY 2025"

➡️ "Aquatherm Almaty 2025" – issiqlik ta’minoti, suv ta’minoti, sanitariya texnikasi, konditsionerlar va ventilyatsiya tizimlari bo‘yicha xalqaro miqyosdagi yirik ko‘rgazmada ishtirok etish imkoniyati!

➡️ "O‘zeltexsanoat" uyushmasi va "Savdoni rivojlantirish kompaniyasi" AJ ushbu ko‘rgazmada “Made in Uzbekistan” milliy stendi ostida qatnashish uchun uyushma a’zolari va elektrotexnika sohasidagi tadbirkorlarni taklif etadi.

🗓 Tashkil etilish sanasi: 3–5-sentabr 2025-yil

📍O‘tkazilish joyi: Olmaota shahri, Qozog‘iston Respublikasi

🔗Ariza topshirish uchun havola:

https://subsidiya.epauzb.uz/list/?p_slug=parent_exhibition&ch_slug=exhibition

⚠️ Qo‘shimcha ma’lumot uchun murojaat:

📞 Telefon: +99871-207-44-66 (711)
📞 Telefon: +99897-700-50-00

➡️ O‘zbekiston elektrotexnika sanoati mahsulotlarini xorijiy bozorlarda targ‘ib qilishga xizmat qiluvchi ushbu muhim tadbirda ishtirok etib, eksport salohiyatingizni kengaytiring!

➡️ Shoshiling, joylar soni cheklangan!

Manba

🌐 UZELTEXSANOAT | Telegram

➡️ #kun_hikmati #iqtibos



Sen hali yetib bormagan joylarga borish uchun, hali qilmagan ishlarni qilishing kerak.

COCO CHANEL

🌐 UZELTEXSANOAT | Telegram

➡️ #london_metall_birjasi

📊 01-iyul kuni bo'yicha jahon bozoridagi rangli metallar savdosiga oid statistik ma'lumotlar bilan tanishing.

⚡️ Ma'lumotlar LONDON metall birjasi va investing.com platformasi ko'rsatkichlariga asosan tayyorlandi.

🌐 UZELTEXSANOAT | Telegram

➡️ #YamanKoc #export

⚡️ "GO GLOBAL" - “O‘zeltexsanoat” uyushmasidan yangi loyiha: Tashqi savdoda bilim va salohiyatni oshirish imkoniyati!

➡️ Tashqi savdo, eksport yo'nalishida kadrlar malakasini oshirishni xohlovchi korxonalar diqqatiga!

➡️ “O‘zeltexsanoat” uyushmasi Turkiyaning TOP-5 talikdagi eng nufuzli konsalting kompaniyalaridan biri – “Yamankoc Danışmanlık” bilan hamkorlikda eksport yo‘nalishida zamonaviy bilim va amaliy ko‘nikmalarni beruvchi eksklyuziv o‘quv dasturini tashkil etmoqda.

➡️ Treningni kim o‘tkazadi?

➡️ Yaman Koç - Turkiyaning tashqi savdo va marketing bo‘yicha 25 yildan ortiq tajribaga ega xalqaro darajadagi ekspert. Yaman Koç Yevropa va Turkiyaning yuzlab kompaniyalari uchun tashqi savdo tahlil tizimlari, strategik rejalashtirish, bozorga chiqish modellarini yaratgan. O‘zbekistonning yirik kompaniyalari bilan ishlash tajribasiga ega.

➡️ Dastur taqvimi:

07–iyul - 01-avgustgacha – Toshkentda nazariy mashg‘ulotlar

11–15 avgust – Anqara (Turkiya) shahrida amaliyot va diplom topshirish marosimi

➡️ Dastur quyidagi asosiy bosqichlarni o‘z ichiga oladi:

Mahsulotlar va TIF TN kodlari bilan to'g'ri ishlash;

Maqsadli bozor matritsasini tuzish;

Bozorlarni saralash va aniqlashtirish;

Mijoz turlarini segmentatsiya qilish;

Mijozlar bazasini tuzish va tahlil qilish;

Raqobatchilarni aniqlash va baholash;

Eksport strategiyasini ishlab chiqish.

➡️ Batafsil ma’lumot: yamankoc.com

☺️ Qo`shimcha malumotlar uchun quyidagi raqamlarga murojaat qilishingiz mumkin:
+99897-744-22-44 | +99871-207-44-66 (711)

‼️ Ishtirokchilar soni cheklangan! Ro'yxatdan o'tishning so'ngi kuni 5-iyul. Dasturda ishtirok etishni istagan korxonalar imkon qadar ertaroq ro‘yxatdan o‘tishlari tavsiya etiladi.

📍 Manzil: “O‘zeltexsanoat” uyushmasi binosi, 3-qavat, Eltech malaka o'quv markazi. (geolokatsiya)

🟢 Eslab qoling: bilimli va strategik fikrlovchi kadr – har qanday kompaniya muvaffaqiyatining kalitidir.
Eksportda raqobatbardosh bo‘lish uchun birinchi qadamni bugun tashlang!

🌐 UZELTEXSANOAT | Telegram